Илҷілернің 3:10 - Наа Молҷағ

¹⁰ Кізілер, храмның Сіліг ізии хыринда одырҷаң паза кіленҷең кізіні танып салып, аның хайдағ пол парғанын кӧріп, ӱрӱгіп, хайхасханнар.

Илҷілернің 3:10 Referans Kwoze

Илҷілернің 3:2

Тӧрееннең пас чӧрбинчеткен кізіні дее, храмзар кірчеткеннердең кілензін тіп, кӱннің сай храмның Сіліг тіп адалчатхан ізии хыринзар, ағыл киліп, одырт салҷаңнар.

Иоанн 9:3

Чох, паба-іҷезі дее, позы даа чазых итпееннер. Худай, аны имнебізіп, Позының кӱзін кӧзідер ӱчӱн, пу кізі андағ тӧреен, – нандырған Иисус. –

Иоанн 5:20

Пабазы, Оолғына хынып, Позының итчеткен нимелерін прай Ағаа кӧзітче. Сірерні хайхадар ӱчӱн, Ол Ағаа мыннаң даа улуғ нимелер кӧзідер.

Лука 9:43

Прай кізілер Худай кӱзіне таңнаан. Чон Иисустың итчеткен нимелеріне хайхап турған аразында, Иисус ӱгренҷілеріне теен: –

Илҷілернің 2:12

Прайзы, тізең, хайхап, ӱрӱгіп, удур-тӧдір сурастырғлаан: – Мынзы чи ниме теені полҷаң?

Илҷілернің 2:7

Пу чоохтасчатханнар прайзы Галилей чирінеңнер ниместер бе зе? – тіп чапсып, хайхааннар прайзы. –

Лука 4:36

Прайзы, алаң ас парып, пос алынҷа чоохтасхлаан: – Хайдағ андағ ниме полҷаң пу? Пу кізі позының ӱлгӱзінең паза кӱзінең чабал хуттарға чахығ пирче, олар, тізең, сых чӧрібісчелер.

Матфей 14:35

Ол чирдегі чон, Аны танып, прай ибіркілерге искіргеннер. Ағырығ кізілерін прай Ағаа ағылғаннар.

Иоанн 9:8

Пу кізінің харах чох полғанын алында кӧрген хонҷыхтары паза пасха даа кізілер аннаңар чоохтасханнар: – Пу кіленіп одырҷаң кізі нимес пе? –