Илҷілернің 28:8 - Наа Молҷағ

⁸ Публийнің пабазы, тудан паза істі ағыриинаң ирееленіп, тӧзекте чатхан. Павел андар пас киліп, пазырып алған, анаң холларын андар салып, имнебіскен.

Илҷілернің 28:8 Referans Kwoze

Илҷілернің 9:40

Пётр, прайзын сығарыбызып, тізекке тӱзіп, пазырған, анаң, сӧӧксер айланып, чоохтанған: – Тавифа, тур! Ол хыс харахтарын азыбысхан, анаң, Пётрны кӧр салып, одырыбысхан.

Марк 6:5

Аннаңар мында Ол хайхастар даа ит полбаан, піреезін не, хол салып, чазылдырған

Марк 16:18

чыланнарны холға тут поларлар, ооны ісселер дее, оохпастар, ағырығларны, холларын салып, чазылдырарлар.

Матфей 9:18

Иисус іди чоохтанып одырған туста, пір пастых кізі, пас киліп, Аның алнында тізекке тӱзіп, алданған: – Хызым сағам на ӱреп парды, че Син, парып, андар холың салзаң, ол тіріл килер.

1 Коринфтегілерге 12:28

Тигірибде Худай прайзын постарының орыннарына турғыс салған: пастағылары илҷілер, ікінҷілері ухаанҷылар, ӱзінҷілері ӱгретчілер. Аннаң андар кӧрзе, піреелеріне Ол хайхастығ кӱс пир салған, ідӧк чазылдырарын, полыс поларын, устап пілерін паза пасха тіллерні пирген.

1 Коринфтегілерге 12:9

Хайзына-да олох Хуттаң киртініс, пасхазына олох Хут пастыра чазылдырары сыйыхха пирілче,

Матфей 10:8

Ағырығларны имнебіс турыңар, чызығ палығлығларны арығлабыс турыңар, ӱрееннерні тірілдірібіс турыңар, айналарны сӱрібіс турыңар, тикке алған нимелерні тиккеӧк пирібіс турыңар.

Матфей 10:1

Иисус, Позының он ікі ӱгренҷізін хығыртыбызып, оларға чабал хуттарны сығара сӱрҷең паза кізілерні хайдағ даа ағырығдаң паза хайдағ даа сағ чохтаныстаң имнебісчең ӱлгӱ пирген.

Лука 13:13

Анаң холларын ол ипчее салғандох, анзы, чіке турыбызып, Худайны саблап сыххан.

Лука 4:40

Кӱн хончатхан туста Андар аймах-пасха ағырығларнаң ағырчатхан кізілерні ағылғаннар. Ол, полған на ағырығ кізізер холларын салып, имнебіс турған.

Марк 7:32

Чол париғанда, Аныңзар туных, тілі хомай кізіні ағылып, Аны холын сал пирерге сурынғаннар.

Марк 5:23

алданып ала сурынған: – Хызыҷаам минің ӧлерге чӧр. Ол, чазылып, тіріг халар ӱчӱн, парып, холларың андар сал пир.

Матфей 12:13

Анаң Иисус ол кізее теен: – Холың алнынзар сун. Анзы сунғандох, пу холы, пірсіӧк чіли, хазых пол парған.

Илҷілернің 28:7

Ол орынның хыринда олтырых пастығы Публий тіп кізінің чирлері полған. Ол пісті, позынзар хығырып, ӱс кӱн, паарсап, ааллатхан.

Илҷілернің 28:9

Аның соонда олтырыхтағы пасха даа ағырығ кізілер Павелзер киліп, имненіп алҷаңнар.