Илҷілернің 26:23 - Наа Молҷағ

²³ Иудейлерге паза пасха чоннарға арачыланыстаңар чарыхты искірер ӱчӱн, Мессий ирееленіп ӧл парғаннарның аразында тірілгеннернің пастағызы полған.

Илҷілернің 26:23 Referans Kwoze

Лука 24:26

Мессий-Христосха, сабланызына кірер ӱчӱн, іди ирееленерге кирек полған ни?

Колоссадағыларға 1:18

Тигіриб Аның ит-сӧӧгі полча. Ол Позы, тізең, тигірибнің пазы. Ол – прай нименің пасталғаны. Ол ӧліглернің аразынаң тірілген тун Оолғы полча. Ол ноо даа киректе пастағызы ползын.

Еврейлерге 2:10

Чуртасты чайап салған паза прай нимее тын кирген Худай орта иткен. Ол, Иисусты ирееленістері пастыра сынап, Аның толдыра киртістіг полчатханын кӧрген. Иисус кізілерні сабланыстығ арачыланысха ағылча нооза.

1 Коринфтегілерге 15:3

Мин позым аны пастабох хайди алынғам, сірерні ағаа іди ӱгреткем нооза: Худай Пічии хоостыра Христос пістің чазыхтарыбыс ӱчӱн ӧл парған.

Лука 2:32

Ол Синің Израиль чоныңа сабланыс ағылар паза прай пасха чоннарға піліс пирчеткен чарых полар.

Иоанн 10:18

Минің тынымны пірдеезі пыласпинча, Мин аны Позым пирчем. Тынымны, пиріп, хатап алҷаң ӱлгӱм пар. Іди идерге Пабам Мағаа чахаан.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 26:8

Ноға сірер Худайның ӧліглерні тірілдірчеткеніне киртінминчезер?

Илҷілернің 13:34

Худай Аны ӧлімнең тірілдіріп алған. Ол чирде хаҷан даа чызыбас. Аннаңар Ол піди теен: «Мин Давидке молҷаан ах-арығ паза ізестіг паарсазымны сірерге читірербін». –

Илҷілернің 3:18

Худай, Мессийге ирееленерге килізерінеңер, ухаанҷылары пастыра хаҷанох чарлаан полған, амды, тізең аны, толдыр салған.

Иоанн 11:25

Мин ӱрееннерні тірілдірчем паза чуртас Ээзі полчам. Мағаа киртінчеткен кізі, ӱреп тее парза, чуртир.

Лука 24:46

оларға чоохтанған: – Пазылғанға кӧре, Мессий-Христос, ирееленерге, анаң, ӧдірт салып, ӱзінҷі кӱнінде тіріл килерге кирек.

Матфей 27:53

Олар, хомдылардаң сығып, соонаң Иисус тірілгенде, ызых саарынзар – Иерусалимзер парыбысханнар. Анда оларны кӧп кізі кӧрген.

Матфей 26:24

Итсе-де, Кізі Оолғы Аннаңар Худай Пічиинде пазылған хоостыра ӧл парар, че хыйал Кізі Оолғын сатчатхан кізее! Ол кізее тӧрібеске артых поларҷых.

Илҷілернің 3:24

Самуилдең пастади аның соонда даа чоохтанған ухаанҷыларның прайзы пу кӱннердеңер искірген.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.