Илҷілернің 26:18 - Наа Молҷағ

¹⁸ Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 26:18 Referans Kwoze

1 Петрның 2:9

Сірер, тізең, таллап алған тӧлзер, Хан-пигнің абыстары, ах-арығ чоны полчазар. Сірер Худайның кізілерізер. Сірерні харасхыдаң Позының хайхастығ чариинзар хығыртхан Худай, Аның сабланызын тарадарларың ӱчӱн, сірерні андағ чон ит салған.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Ефестегілерге 5:8

Сірер хаҷан-да харасхы полғазар, амды, тізең, Хан-пигібіснең хадада, сірер – чарыхсар. Аннаңар чарыхтың палалары чіли чуртаңар.

Илҷілернің 20:32

Амды даа, харындастар, мин сірерні Худай холына пирчем. Аның паарсастығ сӧзін ундутпаңар! Ол сірерні аннаң андар ӱгрет полар, ідӧк Худай позының прай кізілеріне пирчеткен алғастардаң сірерге дее пир полар.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

Иоанн 8:12

Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.

Лука 1:79

Ӧлімнің харасхы кӧлегінде чуртапчатханнарны чарыдар ӱчӱн, азахтарыбысты амыр хоныхсар алдыра пастырар ӱчӱн.

Ефестегілерге 4:18

Оларның сағыстары пӱлестел парған. Олар, хыйғалары читпинчеткеннеңер, чӱректері, тізең, хатығдаңар, Худай пирчеткен чуртастаң тастых чуртапчалар.

2 Коринфтегілерге 6:14

Киртініс чохтарнаң пір кӧлігде чӧрбеңер. Арығ чӱректігні паза чабал кізіні піріктірчеткен пірее ниме пар ба? Пір орында пір саңай чарых паза харасхы полча ба?

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

1 Иоанның 3:8

Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.

Илҷілернің 2:38

Пётр, тізең, оларға теен: – Полғаныңар ла, чазыхтарыңнаң хыйа полып, чазыхтарыңны позыттыртып алар ӱчӱн, Иисус Христостың адынаң кіреске тӱзіңер. Андада Худай Худын тикке аларзар.

1 Иоанның 5:19

Худайни полчатханыбысты пілчебіс, тиксі-тилекейнің чабал кӱзі алтында полчатханын даа пілчебіс.

1 Иоанның 1:9

Чазыхтарыбыстаңар пыросынзабыс, Худай, Позының сӧзіне турыстығ полып, орта нимее хынып, піске чазыхтарыбысты позыдар паза ноо даа чой нимедең пісті арығлир.

Илҷілернің 20:21

Мин иудейлерні дее, гректерні дее, чазыхтаң хыйа полып, Худайзар айланарға паза пістің Хан-пигібіс Иисус Христосха киртінерге ӱгреткем.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Азых чоох 21:27

Пеер пір дее кірліг ниме паза пір дее уйадыстығ ниме итчеткен чой кізі кірбес. Пеер Хурағандағы чуртас пічиинде пазыл парған на кізілер кірерлер.

1 Петрның 2:25

Сірер астых чӧрчеткен хойлар осхас полғазар. Амды, тізең, сірернің чуртастарыңны хайраллапчатхан Хадарҷызар айлан килгезер.

Еврейлерге 11:6

Киртінізі чох кізілернің пірдеезі Худайның кӧңніне кірбес. Худайзар килчеткен кізілер Аның парына паза Худайны тілепчеткеннер Ағаа сыйыхтадарларына ізенерге киректер.

Илҷілернің 13:47

Піске Хан Худай піди чахаан: «Мин сині, чир ӱстӱндегі прай кізілерні арачылап алар ӱчӱн, прай чоннарға чарых поларға турғысхам».

Илҷілернің 15:9

Пірдеебісті пасхалабин, иудей ниместернің чӱректерін киртініснең арығлабысхан.

Илҷілернің 5:31

Израиль чонына, пыросынып, чазыхтарын позыдарға оңдай пирер ӱчӱн, Худай Аны, Устағҷы паза Арачылағҷы идіп, Позының оң саринзар кӧдірген.

Иоанн 9:5

Сағам Мин пу чир ӱстӱндеде чирнің Чарии Мин полчам.

Иоанн 3:19

Ноға олар чарғылатыртханнар? Чир-чалбахха Чарых килген, че кізілернің иткен киректері чабал полғаннаңар, олар харасхаа Чарыхтаң артых хынғаннар.

1 Иоанның 2:12

Палаларым! Иисус Христостың ӧлгені ӱчӱн сірернің пыроңар тасталған, аннаңар сірерге пасчам.

1 Петрның 1:4

тигірде хайраллалчатхан изелбес, арығ, уурабас ӱлӱзібісті пирген.

Иоанн 17:17

Оларны, Позыңа чарып алып, Сын нимее ӱгредіп, арығ ит. Синің сӧзің Сын.

Лука 1:77

Чонның арачыланызы чазыхтарынаң позыдыларында полчатханын чонға искір пирер ӱчӱн.

Иуданың 1:1

Иисус Христостың хулы Иаковтың харындазы Иуда пасча. Худай ах-арығ иткен, Иисус Христос хайраллапчатхан кізілерге пасчам.

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

Еврейлерге 10:14

Пір ле тайығ идіп, Христос чазыхтаң арығланчатханнарны саңайға сулу толдыра кізілер ит салған.

Галат чиріндегілерге 3:14

Авраамның алғазы Худайы чохтарға Христос Иисустың пастыра чидер ӱчӱн, Христос іди иткен. Аның сылтаанда піс тее Худайның молҷаан Худын киртініс пастыра аларбыс.

Лука 24:45

Анаң Худай Пічиинде пазылған нимелердеңер оңарылдыра чарыт пиріп,

Ефестегілерге 2:8

Аның паарсазы сірерні киртініс пастыра арачылаан нооза. Кӱстенгеннерің ӱчӱн нимес, че Худай сірерге пиргеннеңер арачыланып алғазар.

Ефестегілерге 1:11

Прай нимені Позының кӧңні-сағызынҷа итчеткен Худайның пӧгіні хоостыра піс, Христостағылар, Худайның палалары поларға таллалғабыс.

1 Коринфтегілерге 1:30

Сірер Христос Иисуста полчатханын Худай иткен. Иисус Христос, тізең, сірерге Худайдаң пирілген хыйғазы, орта тудынғаны, ах-арығ полғаны паза толығ толдырғаны полча.

Лука 4:18

«Худай Худы Минде, Ол Мині, чох кізілерге Чахсы Хабарны искірер ӱчӱн, таллап алған. Уйан чӱректіглерні имнебізер ӱчӱн, пиктегдегілернің позып аларларын паза харах чохтығларның кӧр поларларын искірер ӱчӱн, пазындыртчатханнарны осхырар ӱчӱн,

Лука 2:32

Ол Синің Израиль чоныңа сабланыс ағылар паза прай пасха чоннарға піліс пирчеткен чарых полар.

Матфей 4:16

Харасхыда одырчатхан чон илбек чарыхты кӧр салған, ӧлім кӧлек тӱзірген чирде чуртапчатхан чонға таң чарып килген».

Еврейлерге 10:10

Иисус Христос Худай Аннаң киректеен нимені иткен. Аннаңар Иисус Христостың иді-ханы пір хатап тайыға салылғанынаң піс прайзыбыс чазыхтаң арығланчабыс.

Еврейлерге 9:15

Аннаңар піске Наа Молҷағны пирген кізі Христос полча. Ол кізілернің пастағы Молҷағның тузында иткен сайбағлары ӱчӱн ӧл парған. Аның сылтаанда Худай мӧгі чуртас аларға хығыртхан кізілерге молҷаан нимені пирче.

Ефестегілерге 5:14

Аннаңар тидірлер: «Тур, узупчатхан кізі, ӧлімнең тіріл кил, сині Христос чарыдыбызар».

Ефестегілерге 1:14

Худайның молҷағларының толдырыл парарларына Худайның Худы ізестіг танығ полча. Аннаңар піс Худайның Позының кізілерін чазыхтарынаң позыдарын ікінҷілебинчебіс. Худай, тізең, кізілерін позыдып, Позының сабланызын іле кӧзідер.

Ефестегілерге 1:7

Худай паарсасха пай, аннаңар Ол, Христостың пастыра, Аның ханынаң пісті пос ит салған паза чазыхтарыбысты позытхан.

Галат чиріндегілерге 3:2

Сірердең пір ле ниме пілерім килче: сірер, Моисей Чахиин толдырып, Худай Худын алғазар ба? Алай Чахсы Хабарны истіп, киртініс пастыра аны алғазар ба?

Галат чиріндегілерге 2:20

Амды мин позым чуртабинчам, минде Христос чуртапча. Сағам пу позым чуртапчатханым, тізең, Худайның Оолғына киртініснең чуртапчатханым полча. Ол мағаа хынча паза минің ӱчӱн Позын ӧлімге пир салған.

1 Коринфтегілерге 1:2

Коринфтегі Худай тигірибіне. Христос Иисусха киртін парып, Худай кізілері пол парғаннарға, ах-арығ чуртасха хығыртылғаннарға, прайзына, пістің паза оларның ноо даа чирінде Хан-пигібіске Иисус Христосха пазырчатханнарға:

Римдегілерге 8:17

Худайның палалары полчатханыбыста, Христоснаң тиңе Аннаң ӱлӱсті алҷаң кізілер полчабыс. Христостың ирееленістерін ӱлескенібісте, сабланызын даа ӱлезербіс.

Илҷілернің 26:23

Иудейлерге паза пасха чоннарға арачыланыстаңар чарыхты искірер ӱчӱн, Мессий ирееленіп ӧл парғаннарның аразында тірілгеннернің пастағызы полған.

Илҷілернің 10:43

Прай ухаанҷылар киречілепчелер Иисустаңар паза Ағаа киртінчеткен полған на кізінің чазыхтардаң Аның адынаң позып поларынаңар.

Илҷілернің 3:19

Чазыхтарың тасталзын тіп, пыросыныңар паза Худайзар айланыңар.

Иоанн 9:39

Кӧрбинчеткеннер кӧрзіннер, кӧрчеткеннері, тізең, кӧрбезіннер тіп, мына мындағ чарғынаң чарғылирға чир-чалбахха килгем, – теен Иисус. –

Иоанн 4:14

Че Минің пирер суумны іскен кізі хаҷан даа сухсабас. Минің пирер суум аның істінде мӧгі чуртас пирчеткен хара суға айлан парар, – нандырған Иисус. –

Иоанн 4:10

Худай кізілерге ниме пирерге итчеткенін паза Кемнің сағаа «Суғ ізерге пир Мағаа» тіпчеткенін, пілбинчезің. Че пілген ползаң, позың Аннаң тіріг суғны сурарҷыхсың. Ол сағаа аны пирерҷік, – нандырған Иисус. –

Матфей 4:10

Хыйа пар Миннең, сайтан. Худай Пічиинде піди пазыл парған: «Позыңның Хан Худайыңа пазыр паза Аның на нымысчызы пол», – теен ағаа андада Иисус.

Илҷілернің 26:19

Аннаңар мин, Агрипп хан, тигірдең тӱскен кӧспекке тоғырланмаам.

Ефестегілерге 5:11

Харасхының тузазы чох киректеріне араласпин, оларны ілезіне сығар турыңар.

Ефестегілерге 6:12

Піс олаңай кізілердең тоғыр чааласпинчабыс, анзын піліңер. Піс тигірдең тӱскен пастыхтардаң, ӱлгӱдегілердең, пу чир ӱстӱндегі харасхы кӱстернің устағҷыларынаң, чабал хуттардаң тоғыр чааласчабыс.