Илҷілернің 24:5 - Наа Молҷағ

⁵ Пу кізінің чонның чызығ палии полчатханын, чир ӱстӱндегі прай иудейлер аразында хорылыстар сығарчатханын, Худайдаң тоғыр полчатхан Назареттегілернің кізізі полчатханын

Илҷілернің 24:5 Referans Kwoze

Илҷілернің 28:22

Итсе-де піс ниме сағынчатханыңны синнең истіп аларға хынчабыс. Син апарчатхан ӱгредігдеңер прай чирде таласчатханнарын піс пілчебіс.

Илҷілернің 24:14

Мин сірерге чазырбин чоохтапчам: мин олар орта нимеске санапчатхан ӱгредігҷе парчам. Че ідӧк Моисей Чахиинда паза ухаанҷыларның Пічиинде пазылғанына киртініп ала, ӧбекелерібістің Худайына нымысчы полчам.

Илҷілернің 26:5

Олар мині хаҷаннаңох сығара пілчелер, хынзалар, минің фарисей полып, пістің киртіністің кибірін хатығ тудып чуртааныма даа киречі поларлар.

Илҷілернің 15:5

Андада фарисейлернің пірігізіндегі киртінчеткен кізілернің хай піреезі, тура хонып, иудей ниместерге сӱннет идерге паза Моисей Чахиинҷа чуртирға кирек тіп чоохтанған.

1 Коринфтегілерге 4:13

Пісті хомайлапчалар, піс чахсынаң нандырчабыс. Пу чирдегі кізілерге піс похсах осхаспыс. Сағам даа піс – тастанды.

Илҷілернің 21:28

Израиль иреннері, полыс пиріңер! Пу прай чирде прайзын пістің чоннаң, Моисей Чахиинаң паза пу храмнаң тоғыр поларға ӱгретчеткен кізі. Храмзар гректерні киріп, пу ызых орынны ардатхан, – хысхырысханнар олар.

Илҷілернің 5:17

Улуғ абыс, ідӧк аннаң хада саддукейлер пірігізіне кірчеткен кізілернің прайзы илҷілерге атархаан.

Лука 23:2

пыролап, чоохтанғаннар: – Пу кізінің, хағанға албан тӧлеттірбин, Позын Мессий-Христоспын, ханмын тіп аданып, чонны ардатчатханын кӧргебіс.

1 Петрның 2:19

Чобағларында паза тиктең хатығлатханында Худайны сағынчатхан кізіні Худай Позының кӧңніне алча.

1 Коринфтегілерге 11:19

Сірернің араңарда пасха сағынчатханнар поларға кирек. Анзы сын сағынчатхан кізілерні іле сығарар нооза.

Илҷілернің 22:22

Пу сӧстерге теере Павелні искеннер, мының соонаң олар чоо хысхырыс сыхханнар: – Чох ит чир-чалбахтаң мындағны! Ол чуртабасха кирек!

Илҷілернің 6:13

Анаң, чой киречілер таап алып «Пу кізі пу ызых орыннаңар паза Моисей Чахиинаңар хомай сӧстер чоохтирын тастабинча. Назареттегі Иисус, пу орынны иңзерібізіп, Моисейнің піске халғысхан кибірлерін алыстырыбызар теенін дее искебіс» тіп чоохтандырғаннар оларны.

Лука 23:25

Пилат, кізілер сурғаннары ӱчӱн, сайбах-хорылыстар иткен паза кізі ӧдірген Варавваны харибдең позыдыбысхан. Иисусты, тізең, оларның холына пирібіскен.

Лука 23:19

Варавва, саарда хорылыстар идіп, кізі ӧдіріп, харибге кірген полған.

Лука 23:5

Че олар, уламох хатығланып, чоохтанғаннар: – Ол прай Иудей чирінҷе, Галилей чирінең пасти пу чирге теере, чонны, ӱгрет чӧріп, путхапча.

Матфей 10:25

Ӱгренҷі ӱгретчізі осхас, нымысчы ээзі осхас полза, чидер. Тура ээзін айналар ханы «Веельзевул» тіп адазалар, турадағылардаңар даа іди тібестер бе?

Матфей 2:23

Андар парып, Назарет тіп адалчатхан саарда чуртап сыххан. Хан Худайның ухаанҷылар пастыра: «Иисусты Назорей адап саларлар» тіп чоохтанған сӧстері тол парар ӱчӱн, іди полған.

Марк 1:24

Синің пісте ноо кирееңдір, Назареттең сыххан Иисус! Пісті чох идерге килгезің! Кем полчатханыңны пілчем мин, Син Ах-арығ Худай кізізің!

Илҷілернің 24:4

Тузыңарны артых хорадарға хынминчабыс, че чахсыңарны кӧзідіп, чооғыбысты хысхаҷахти истіп алыңар.

Илҷілернің 25:7

Павелні кир килгеннерінде, Иерусалимнең килген иудейлер, аннаң ибіре турыбызып, ағаа аймах-пасха кӧп аар пыро арт сыхханнар, че киречілеҷең пір дее нимелері чох полған.