Илҷілернің 24:25 - Наа Молҷағ

²⁵ Павел арығ чӱректіг чуртирдаңар, посты хатығ тудардаңар паза килер чарғыдаңар чоохтап сыхханда, Феликс хорых парған. – Че амды пар. Маң полза, мин сині хығыртыбызарбын, – теен ол.

Илҷілернің 24:25 Referans Kwoze

Иоанн 16:8

Турысчы, киліп, кізілернің чазыхтарынаңар, Минің орта иткенімнеңер паза чарғыдаңар саба сағынчатханнарынаңар кізілерге киречілир:

1 Петрның 3:15

Хан Худайны чӱректеріңде ах-арығ ал чӧріңер. Сірернің нимее ізенчеткеннеріңні сурчатхан ноо даа кізее нандырығ пирерге хаҷан даа тимде полыңар. Пазымнығ кізілерні, улуғлап ала, нандырчадыңар,

2 Петрның 1:6

Піліске посха ээлен поларын, посха ээлен поларына тыстан пілерін, тыстан пілеріне, тізең, Худайны улуғлирын хозыңар.

Галат чиріндегілерге 5:23

тоғырланмааны, посты тудын пілгені. Пу нимелерге чахығ хадылбас.

Илҷілернің 10:42

Иисус піске чахаан: кізілерні ӱгредіп, Позының тіріг паза ӧліг кізілерге Худай турғысхан Чарғыҷы полчатханын киречілирге.

1 Иоанның 3:7

Палаларым! Сірерні пірдеезі хаңыртпазын. Иисус Христос чіли орта итчеткен кізі позы даа орта кізі.

Иаковтың 2:19

Син Худай чалғыс ла тіп киртінчезің? Чахсы итчезің! Айна-чиктер дее киртінчелер паза халтырапчалар.

Еврейлерге 9:27

Полған на кізее, пір хати ӧліп, Худайның чарғызында турарға киліс парча.

Еврейлерге 4:1

Худай піске тынағ пирерін молҷаан. Аннаңар, піреелерің аны ал полбин халбас ӱчӱн, сизіктіг полыңар.

Еврейлерге 3:13

Чазых сірерні чолдаң хыйыстырыбызып, ӧчес пол парбастарың ӱчӱн, кӱннің сай удур-тӧдір кӧңнілерің кӧдірізіңер. Іди Худай Пічиинде «пӱӱн» тіпчеткен тус иртіскенҷе итчедіңер.

Галат чиріндегілерге 3:22

Че Худай Пічии прайзын чазыхтығ тіп чарлаан. Аннаңар Худай молҷаа Иисус Христосха киртініс пастыра киртінчеткеннерге пирілче.

2 Коринфтегілерге 5:10

Піске прайзыбысха Христостың чарғызы алнында турарға килізер. Андада пу чирде ит-ханыбыста чуртаан туста иткен чахсы ба, хомай ба киректерібіс ӱчӱн полғаныбыс ла нандырығ тударбыс.

1 Иоанның 3:10

Худайның палаларын паза сайтанның палаларын хайди пасхалидырлар? Орта итпинчеткен паза харындазына хынминчатхан кізі Худайдаң тӧрібеен.

2 Тимофейге 4:1

Хан-пигібіс Иисус Христос тіріглерні паза ӧліглерні чарғылирға паза Позының хан-чирін турғызарға килер. Аннаңар Худайның паза Хан-пигібіс Иисус Христостың алнында синнең алданчам:

2 Коринфтегілерге 6:2

Чоохталған нооза: «паарсах поларға тус чит килгенде, Мин сині истіп салғам. Сині арачылир кӱн чит килгенде, Мин сағаа полыс пиргем». Мына Худайның паарсазын алҷаң тус, мына арачыланыс кӱні.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

Илҷілернің 24:15

Минде Худайның арығ даа, арығ нимес тее чӱректіг кізілерні ӱреен соонда тірілдіріп аларына ізеніс пар. Анзын пу даа кізілер постары сағыпчалар.

Илҷілернің 17:32

Ӧлімнең тірілдіріп алчатханын истіп, піреелері кӱлгеннер, пасхалары, тізең, чоохтанғаннар: – Ол нимедеңер сині пірее пасха туста истіп аларбыс.

Илҷілернің 17:2

Павел позының оңдайынҷа синагогазар кіріп, ӱс суббота изере кізілернең Худай Пічиин ӱзӱрген.

Илҷілернің 2:37

Кізілернің, ол сӧстерні истіп, чӱректері ачаан. Олар Пётрға, пасха даа илҷілерге чоохтанғаннар: – Харындастар, амды піс ниме идибіс?

Еврейлерге 6:2

Кіреске тӱзерінеңер, кізілернің пастарына хол салардаңар, ӧліглер тірілерінеңер паза тӱгенҷі кӱннің чарғызынаңар чоохтаспааңар.

Еврейлерге 12:21

Прай пу нименің хорғыстығ кӧріміне сыдаспин, Моисей теен: «Хорығып, халтырапчам».

Римдегілерге 14:12

Ол оңдайнаң полғаныбыс ла Худайның алнында нандырығ тударбыс.

Римдегілерге 12:1

Аннаңар, харындастар, Худай сірерні айаанның ӱчӱн, сірерге алданчам, постарыңны Худайға пир салыңар. Худайның кӧңніне чарас тіріг, ах-арығ тайығ иткені ползын ол. Анзы Худайға орта пазырғаны полар.

Римдегілерге 2:16

Ідӧк Худай кізілернің чазыт киректерін Иисус Христостың пастыра чарғылир кӱнде полар. Анзынаңар мин чарлаан Чахсы Хабарда чоохталча.

Илҷілернің 26:28

Пу хысхаҷах тус аразына син мині христианға айландырыбызарға сағынчазың ма? – теен Павелге Агрипп. –

Илҷілернің 17:13

Че хаҷан Фессалониктегі иудейлер Павелнің Верий саарда Худай сӧзіне ӱгретчеткенін піл салғаннар, олар, андар чиде салып, андағы кізілерні Павелдең тоғыр кӧдіріп, сағыстарын ай-пораан иткеннер.

Илҷілернің 9:6

Хан-пигім! Ниме идерге чахирзың мағаа? – сурған Савл, хорығып паза сірлезіп ала. – Турып, саарзар пар. Ниме идерге кирек полчатханын сағаа анда чоохтирлар, – нандырған ағаа Хан-пиг.

Матфей 22:5

Че хығырған кізілері, тізең, аның хығырғанын нимее салбин, пірсі позының хыразынзар, паза пірсі садығ киреенең парыбысхан,

Илҷілернің 24:26

Итсе-де, Феликс Павелнің, позыдыбызарға сурынып, позына ахча сух пиреріне ізенген. Аннаңар ол Павелні позынзар удаа хығыртып, анынаң чоохтасчаң.

Титке 1:8

че аалҷы кӧреечі, чахсы ниме идерге кӱстенеечі, пазымнығ, арығ чӱректіг, арығ хылыхтығ ползын, посты тудын пілзін.