Илҷілернің 24:11 - Наа Молҷағ

¹¹ Он ікі ле кӱнҷе мының алнында минің Иерусалимзер пазырарға килгенімні син позың даа піліп аларзың.

Илҷілернің 24:11 Referans Kwoze

Илҷілернің 24:1

Пис кӱн пазынаң пеер Павелні Феликс пастыхха хоптаан иң улуғ абыс Ананий ах сағалларнаң паза Тертулл теен чарғы киреенің пілігҷізінең хада чиде салғаннар.

Илҷілернің 21:18

Пазағы кӱнде Павел піснең хада Иаковсар килген, тигіриб ах сағаллары даа килгеннер.

Илҷілернің 24:17

Кӧп чыллар ирткен соонда мин позымның хызылчатхан чоныма полызыға чыған ахчаны паза тайығ ағыл килгем.

Илҷілернің 23:23

Анаң муң чааҷы пазы, чӱспазыларының ікізін позынзар хығыртыбызып, теен: – Мағаа ікі чӱс чазағ чааҷы, читон чалаңны паза чыдалығ ікі чӱс чааҷы тимнеп пиріңер. Олар ӱзінҷі час хараада Кесар саарзар парзыннар.

Илҷілернің 23:11

Хараазын Хан-пиг Павелнің хараана кӧрініп, теен: – Хорыхпа! Хайди син Миннеңер Иерусалимде киречіледің, амды сағаа Римде дее ідӧк киречілирге кирек.

Илҷілернің 22:30

Муң чааҷы пазы иудейлернің Павелні пыролапчатхан ӧӧн сылтаан чахсы иде піліп аларға хынған. Аннаңар, Павелнің ілҷірбелерін суурып, пазағы кӱнінде улуғ абыстарға паза прай Ӧӧркі Чарғаа чыылызарға чахыбысхан. Соонаң Павелні, сығарып, оларның алнында турғыс салған.