Илҷілернің 23:6 - Наа Молҷағ

⁶ Мындағыларның чарымызы саддукейлер, пасхалары, тізең, фарисейлер полчатханын піл салып, Павел Ӧӧркі Чарғаа чоохтанған: – Харындастар! Мин позым фарисейбін, пабам даа фарисей полған. Ӧліглернің тірілчеткеннеріне киртінчеткенімнеңер мині чарғылапчалар.

Илҷілернің 23:6 Referans Kwoze

Илҷілернің 24:21

Арса, олар мині андада «Пӱӱн сірер мині ӧліглернің тіріл килеріне киртінчеткенім ӱчӱн чарғылапчазар!» тіп хысхырыбысхан ӱчӱн амды пыролапчалар.

Илҷілернің 24:15

Минде Худайның арығ даа, арығ нимес тее чӱректіг кізілерні ӱреен соонда тірілдіріп аларына ізеніс пар. Анзын пу даа кізілер постары сағыпчалар.

Филипптегілерге 3:5

сигізінҷі кӱнінде сӱннет иткен, Израиль тӧлі полчатхан, Вениаминнің уйазынаң сыххан, еврейлернің еврейі, ӱгредиимҷе фарисей,

Илҷілернің 28:20

Ол сылтағнаң мин сірерні, тоғазып, чоохтазып аларға тіп хығырдым. Израиль ізенізінің ӱчӱн мині пу пағда тутчалар. –

Матфей 22:23

Ӧлім соонда кізі тірілбинче тіпчеткен саддукейлер, олох кӱн Иисуссар пас киліп, Аннаң сурғаннар: –

Илҷілернің 22:5

Миннеңер иң улуғ абыс, прай ах сағаллар даа киречілеп поларлар. Мин, олардаң Дамаск саардағы иудей харындастарзар пічік алып алып, андағыларны тудып алып, ілҷірбеде Иерусалимзер чарғаа ағыларға тіп парчатхам. –

Матфей 10:16

Мин сірерні, хойларны чіли, пӱӱрлер аразынзар ысчам. Чылан осхас хыйға полыңар, иб тахырахтары осхас пырозы чох полыңар.

Матфей 3:7

Иоанн, позынзар фарисейлернің паза саддукейлернің аразынаң кӧп кізі кіреске тӱзерге килчеткенін кӧріп, оларға теен: – Чылан тӧлі! Кем сірерге Худай ызар чарғыдаң тизіп аларзар тіп чоохтап пирген?

Илҷілернің 22:3

Мин иудейбін, Киликийдегі Тарс саарда тӧреен, Иерусалим саарда Гамалиил ӱгретчімнің холында ӱгренген кізібін. Мин, ӧбекелерібістең Моисей Чахии хоостыра тирең паза сибер ӱгредіг алып алып, сірернің прайзыңарох чіли, прай позымны Худайға чарытхам.

Илҷілернің 22:30

Муң чааҷы пазы иудейлернің Павелні пыролапчатхан ӧӧн сылтаан чахсы иде піліп аларға хынған. Аннаңар, Павелнің ілҷірбелерін суурып, пазағы кӱнінде улуғ абыстарға паза прай Ӧӧркі Чарғаа чыылызарға чахыбысхан. Соонаң Павелні, сығарып, оларның алнында турғыс салған.

Илҷілернің 23:1

Павел, Ӧӧркі Чарғыдағыларзар кӧріп, теен: – Харындастар! Мин пу кӱнге теере Худай алнында арығ сағыснаң чуртаам.

Илҷілернің 23:7

Аны чоохтаан соонда фарисейлер саддукейлернең талас сыхханнар. Чыылған чон ікі чарыл чӧрібіскен.

Илҷілернің 23:15

Сірер пӱӱнӧк Ӧӧркі Чарғынаң хада муң чааҷы пазына чоохтаңар, таңда Павелні сірерзер сығарзыннар. Сірер аның киреен, чахсы иде тӱптестіріп, кӧрібізерге идеечік полыбызыңар. Піс, тізең, аны пеер читкелеккеӧк ӧдірібізерге тимдебіс.

Илҷілернің 23:20

Иудейлер, Павелнің киреен чахсы иде тӱптестіріп кӧрібізерге итчеҷіктеніп, таңда аны Ӧӧркі Чарғызар сығар тіп, синнең сурынарға чӧптес салғаннар тіп, – нандырған оол. –

Колоссадағыларға 1:5

Сірерге тигірде тимнел парған нимее ізенчезер нооза. Сірер анзынаңар Чахсы Хабарның сын сӧзінде искезер.

Еврейлерге 6:19

Пу ізеніс піске пик паза ізестіг керіп кӧспезі осхас полча. Ол ізеніс пісті Худай храмының кӧзеңезі кистіндегі иң ызых орынзар апарча.