Илҷілернің 23:23 - Наа Молҷағ

²³ Анаң муң чааҷы пазы, чӱспазыларының ікізін позынзар хығыртыбызып, теен: – Мағаа ікі чӱс чазағ чааҷы, читон чалаңны паза чыдалығ ікі чӱс чааҷы тимнеп пиріңер. Олар ӱзінҷі час хараада Кесар саарзар парзыннар.

Илҷілернің 23:23 Referans Kwoze

Илҷілернің 23:33

Тігілері, тізең, Кесар саарзар чидіп, Феликс пастыхсар апарып, Павелні паза пічікті холына пирібіскеннер.

Илҷілернің 8:40

Филипп, тізең, Азот саарда пол парған. Мында паза пасха даа саарларда ол Чахсы Хабардаңар чоохтап чӧрген. Іди ол Кесар саарзар чит килген.

Лука 12:38

Часкалығлар ол нымысчылар, кемні ээзі, орты хараада даа, таң алнында даа киліп, тимде полғаннарын табар.

Матфей 14:25

Таң алнында ӱс-алты час аразында Иисус оларзар суғ ӱстӱнҷе пар сыххан.

Илҷілернің 23:22

Пу нимені мағаа искіргеніңнеңер паза пірдеезіне чоохтаба, – теен муң чааҷы пазы, оолны позыдыбызып.

Илҷілернің 23:32

Пазағы кӱнінде, Павелнең аттығ кізілерні халғыс салып, чааҷылар сівеезер нандыра айлан килгеннер.

Илҷілернің 23:31

Іди чааҷылар чахығ хоостыра Павелні хараазын Антипатрида саарзар апарғаннар.

Илҷілернің 24:7

Че муң чааҷы пазы Лисий, киліп, Павелні пістең кӱснең алып алған, анаң синзер ызыбысхан.