21 «Пар, Мин сині ырах, иудей нимес чоннарзар ызыбызарбын», – теен мағаа ол.
Че Хан-пиг ағаа теен: – Син пар. Мин аны Минің адымны аймах чоннарға, ханнарға паза Израиль кізілеріне искір турарға таллап алғам.
Пу киречілестің чарлағҷызы паза илҷізі поларға мин турғызылғам. Христосха киртініп, сынны чоохтапчам, чойланминчам: чоннарны сынға паза киртініске ӱгретчем.
Мағаа Худайы чохтарның аразында Христос Иисустың нымысчызы поларға Худайның паарсазы пирілген полған. Абыс тоғызын толдырып, мин Чахсы Хабарны чарлапчам. Мин анзын, Худай Худы чарыт салған чоннар Худайға чарас толығ ползыннар тіп иткем.
Сірерге, Худайы чох кізілерге, тізең, чоохтапчам: мин, пасха чоннарзар ызылған илҷі, позымның тоғызымны саблапчам.
Чахсы Хабарны тарадар ӱчӱн, мин аның илҷізіне, паза чоннар ӱгретчізіне турғызылғам.
Иисус Христос мағаа паарсазын читіріп, пісті илҷі поларға турғысхан. Ол анзын прай чоннар, Аның чооғын истіп, Ағаа киртінерлері ӱчӱн иткен.
Иудейлер, тізең, ағаа тоғырланып, чабал чоохтан сыхханнарында, Павел, кип-азаан хахтабызып, оларға теен: – Сірерге урунған ниме ӱчӱн постарың нандырығ тударзар. Мин арығбын. Амды мин пасха чоннарзар парарбын.
Олар, Хан Худайға пазырып, ораза тутчатхан туста, Худай Худы чоохтанған: – Иттіртерге хығыртхан кирееме Варнаванаң Савлны таллап пиріңер Мағаа.
Худай Позы, чазыдын ас пиріп, аны мағаа пілдістіг иткен. Алында мин аннаңар хысхаҷахти пасхан полғам.