Илҷілернің 21:3 - Наа Молҷағ

³ Кипр олтырыхты ӱстӱнзархынҷа иртіп, піс Сирийзер чӱс парыбысхабыс. Анаң Тир саарда тохтап парғабыс, анда апарчатхан таарлағны керіптең тӱзірібізерге кирек полған.

Илҷілернің 21:3 Referans Kwoze

Илҷілернің 27:4

Аннаң сығып, чил удур полғаннаңар, піс Кипр олтырыхха кӧленіп ала чӱскебіс.

Илҷілернің 21:16

Піснең хада Кесар саардаң хай пірее ӱгренҷілер парған. Олар пісті Мнасонзар, Кипрдең сыххан паза хаҷан-да ӱгренҷі кізізер, ӱдес парчатханнар. Анда піске халарға чарир полған.

Илҷілернің 12:20

Ирод ханның Тир паза Сидон чуртағҷыларына хылии тутхан. Оларның чирі ас-тамахты Ирод ханның чирінең алҷаң, олар, нинҷе-де кізізі хада чӧптезіп алып, хан ӧргезінің устағҷызын Власты постарының сарина тартып алып, ханзар чаразарға килгеннер.

Илҷілернің 4:36

Іди Иосий, Кипр олтырыхтаң сыххан паза илҷілерге Варнава тіп солалатхан (анзы «Часхарыс оолғы» теені полча) левит,

Матфей 4:24

Иисустаңар хабар прай Сирий чирінҷе тараан. Андар чадығдағыларны, аймах ағырығларға пастырчатханнарны, талчатханнарны, айна кіргеннерні, алҷаахханнарны, чӱллері пос кізілерні – прайзын ағыл килҷеңнер. Иисус прайзын чазылдырған.

Илҷілернің 18:18

Павел, Коринф саарда илееде кӱннер полып алып, харындастарнаң анымҷохтазып, Сирий чирінзер чӱс парыбысхан. Акиланаң Прискилла даа анаң хада парыбысханнар. Павел Кенхрей саарда, Худайға пирген сӧзін толдырарға тіп, састарын хырыхтырыбысхан.

Илҷілернің 15:41

Олар, Сирий паза Киликий чирлерінҷе чӧріп, андағы тигіриб чонының киртіністерін тыытханнар.

Илҷілернің 15:39

Анзынаң талаза халып, олар чарылыс парғаннар. Варнава, Маркты хада алып, Кипрзер кис парыбысхан.

Илҷілернің 15:23

Олар мындағ пічік пас пиргеннер: «Илҷілер, тигіриб ах сағаллары паза харындастар Антиох саарда, Сирий паза Киликий чирлерінде чуртапчатхан иудей нимес чоннардаң сыххан харындастарға чолабит ысчабыс!

Илҷілернің 13:4

Худай Худы ысхан хоостыра, олар пастап Селевкий тіп адалчатхан саарзар читкеннер, аннаң андар Кипр олтырыхсар кис парыбысханнар.

Илҷілернің 11:19

Стефанның ӧдірткені соонда сӱріге хаптырған паза тарап парыбысхан киртінчеткен улус, иудейлердең пасха пірдеезін Худай сӧзіне ӱгретпин, Финикий чирінзер, Кипр олтырыхсар паза Антиох саарзар читкен.

Лука 10:13

Хыйал сағаа, Хоразин! Хыйал сағаа, Вифсаида! Сірерде иділген хайхастар Худайы чохтарның Тир паза Сидон саарларында иділген ползалар, олар хаҷанох киден кип-азах кизіп, пастарына кӱл чайып одырып ала, пыросынарҷыхтар.

Лука 2:2

Пу пастағы санағ Квириний Сирийнің пигі полчатхан туста иртірілген.

Матфей 11:21

Хыйал сағаа Хоразин! Хыйал сағаа Вифсаида! Сірерде иділген хайхастар Тирде паза Сидонда, Худайы чохтарның саарларында, иділген ползалар, олар хаҷанох, киден кип-азах кизіп, пастарына кӱл чайып, чазыхтарынаң хыйа полып, Худайзар айланарҷыхтар.

Илҷілернің 21:2

Анаң Финикий чирінзер парчатхан керіпті таап алып, ағаа одырыбызып, аннаң андар чӱзе халғабыс.

Илҷілернің 21:7

Піс, тізең, чӱзе-чӱзе, Тир саардаң Птолемаид саарға читкебіс. Анда киртінісче харындастарнаң изен-минділезіп, оларда пір кӱн пол салғабыс.