Илҷілернің 21:29 - Наа Молҷағ

²⁹ Аның алнында олар Павелні паза Ефестең килген Трофимні саарда кӧргеннер, аннаңар Трофимні храмзар киргенӧк полар тіп сағынғаннар.

Илҷілернің 21:29 Referans Kwoze

Илҷілернің 20:4

Аны Асий чиріне теере Верий саардаң килген Пиррнің оолғы Сосипатр, Фессалоник саардаң килген кізілер Аристархнаң Секунд, Дервий саардаң килген Гаий, Тимофей, Асий чирінең килген кізілер Тихикнең Трофим ӱдескеннер.

2 Тимофейге 4:20

Ераст Коринф саарда халған. Трофимні, тізең, ағырығда, мин Милит саарда халғыс салғам.

Илҷілернің 18:19

Ефес саарға читкенде, Павел, синагогазар кіріп, анда иудейлернең анзын-мынзын ӱзӱрген. Олар постарында ам даа полып аларға сурынғаннарында, Павел ынабаан. – Мағаа пу чағдапчатхан ӱлӱкӱнде Иерусалимде поларға кирек. Худай пирзе, мин соонаң сірерзер килербін, – теен. Анаң анымҷохтазып, Акиланаң Прискилланы Ефесте халғыс салып, позы, тізең, парыбысхан.

Илҷілернің 19:1

Аполлос Коринф саарда полчатхан туста, Павел, ортызынзархы чирлерҷе иртіп, Ефес саарзар чит килген. Анда хай пірее ӱгренҷілерні таап алып,