7 Суббота иирде ӱгренҷілер Павелзер халас сындырарға чыылысханнар. Пазағы кӱнінде чорыхха сығарға итчеткеннеңер, Павел ӱгренҷілернең хада орты харааға теере чоохтасхан.
Мин килзем, ахча чыып чӧрбес ӱчӱн, полғаны ла тоғынған ахчазынаң пир поларын позырах сай чыынып одырзын.
Олар, тӧреміл илҷілернің ӱгредіглерінде полып, тоғазығларда аралазып, хада чиис чіп, пазыр турҷаңнар.
Олох кӱн иирде, неделяның пастағы кӱнінде, Иисустың ӱгренҷілері, иудейлердең хорығып, пір тураа чыылызып алып, пиктен салғаннар. Ол туста Иисус, кір киліп, оларның аразында турып, чоохтанған: – Амыр-хазых сірерге!
Неделяның пастағы кӱнінде, позырахта, Мария Магдалина, иртен харасхыдох хуюзар киліп, кӧрзе, хуюны пазыр салған тас хыйа іділ партыр.
Позырахта, Худай кӱнінде, Худай Худының кӱзі мағаа тол парыбысхан, анаң кистімде, пырғы тартхан осхас, ӧтіг ӱнні ис салғам: – Мин Альфа паза Омега, пастағызы паза халғанҷызы полчам.
Анаң ол, хатап ӧӧр сығып, халас сындырып алып, чібізіп, илееде ӱр, таң азыра даа, чоохтана-чоохтана, сых чӧрібіскен.
Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.
Павелнің узах чооғы тузында кӧзенек алнында одырчатхан Евтих тіп оол сабыхсып парыбызып, хыймырана тӱзіп, ӱзінҷі хадылдаң чирге тӱс парған, кӧдірзелер, ӧліг.
Пулар даа чолда ниме полғанын, хайди, халас сындыр пиргенде, Аны танып салғаннарын чоохтап пиргеннер.
Ам кем полчам, мин Худай паарсазы сылтаанда пол парғам. Худай паарсазы, тізең, тик полбаан. Мин пасха илҷілердең кӧп тоғынғам. Итсе, сынында пу минің тоғызым нимес, че миннең пастыра пирілчеткен Худай паарсазы.
Піс алғапчатхан алғас ідізі Христостың ханынаң пірікчеткенібісті таныхтапча нимес пе? Піс сындырчатхан халазыбыс Христостың иді-ханынаң пірікчеткенібісті таныхтапча полбас па?
Аннаңар сизіктіг полыңар, сірернің полғаныңарны ла ӱс чыл ӱзігі чох хараа-кӱнӧрте, харах чазым тӧгіп ала, ӱгреткенімні ундубаңар! –
Кӱннің сай олар храмда хаданаң хада полҷаңнар, тураларында даа, чіҷең ниме тимнеп, ачых-чарых паза арығ чӱректіг азыранҷаңнар.
Сигіс кӱн пазынаң Иисустың ӱгренҷілері пазох хада полғаннар, амды Фома оларнаң хада полған. Ізіктер пиктіг полған даа полза, Иисус, кір киліп, оларның аразында турып, чоохтанған: – Амыр-хазых сірерге!
Анаң Ол, халас алып, Худайны алғыстап ала, сындырып, ӱгренҷілеріне пирген: – Мына пу сірернің ӱчӱн пирілчеткен Минің ит-сӧӧгім. Мынзын, Мині сағысха киріп, ит турыңар.
тузы читсін-читпезін, Худайның сӧзіне ӱгрет, ілезіне сығар, чоохтаныбыс тур, тыстаныснаң паза тӱптестіріп алда.
Неделяның пастағы кӱнінде иртен ирте Иисус тіріл парған. Пастап Ол хаҷан-да читі айна-чигін сығарған Мария Магдалинаа кӧрін парған.
Аны кӧрген соонаң, Хан Худай пісті Чахсы Хабардаңар искірерге андар хығырча тіп сағына тартып, сах андох Македон чирінзер парарға тимненібіскебіс.
Олар, пурун парып, пісті Троадада сағааннар.