Илҷілернің 20:4 - Наа Молҷағ

⁴ Аны Асий чиріне теере Верий саардаң килген Пиррнің оолғы Сосипатр, Фессалоник саардаң килген кізілер Аристархнаң Секунд, Дервий саардаң килген Гаий, Тимофей, Асий чирінең килген кізілер Тихикнең Трофим ӱдескеннер.

Илҷілернің 20:4 Referans Kwoze

Илҷілернің 19:29

Прай саар хорылысха пат парған. Павелнең хада чӧрчеткен македон кізілерін, Гаийнең Аристархты, хаап алып, прайзы пір саңай чыылығлар иртчеткен орынзар чӱгӱрізе халған.

2 Тимофейге 4:20

Ераст Коринф саарда халған. Трофимні, тізең, ағырығда, мин Милит саарда халғыс салғам.

Ефестегілерге 6:21

Хайди чуртапчатханымнаңар паза ниме итчеткенімнеңер хынған харындазым паза Хан-пигнің сын нымысчызы Тихик сірерге прай чоохтап пирер.

Титке 3:12

Хаҷан Артеманы алай Тихикті синзер ыссам, син минзер, Никополь саарзар, кил парарға кӱстенібіс – мин анда хыстирға пӧгінчем.

2 Тимофейге 4:12

Тихикті мин Ефес саарзар ызыбысхам.

Колоссадағыларға 4:7

Тихик, хынған харындазыбыс, Хан-пигнің сын нымысчызы паза хабасчыбыс, миннеңер прай чоохтағлап пирер.

Илҷілернің 21:29

Аның алнында олар Павелні паза Ефестең килген Трофимні саарда кӧргеннер, аннаңар Трофимні храмзар киргенӧк полар тіп сағынғаннар.

Илҷілернің 16:1

Павел Дервий паза Листр саарларға читкен. Анда киртінчеткен иудей іҷеліг, грек пабалығ Тимофей ады-солалығ ӱгренҷі полған.

Илҷілернің 14:6

Илҷілер, аннаңар піл салып, саардаң парыбысханнар. Олар Ликаон чиріндегі Листр паза Дервий саарларҷа паза оларның хыриндағы аалларҷа чӧр сыхханнар.

Колоссадағыларға 4:10

Миннең хада чабығда одырчатхан Аристарх сірерге изен читірче. Ідӧк Марк, Варнаваның чеені, изен читірче. (Марктаңар сірер чахығ алғазар: сірерзер килзе, удурлаңар аны.)

3 Иоанның 1:1

Мин, Ах сағал, сағаа, аарлығ Гаий, улуғ чолабит ысчам. Син сыннаң минің прай чӱреемнең хынчатхан кізімзің.

2 Тимофейге 1:2

Тимофейге, хынған оолғына: Худай Пабадаң паза Хан-пигібіс Христос Иисустаң паарсас, ӧлҷей паза амыр хоных сағаа.

1 Тимофейге 1:1

Мин, Павел, Худай Арачылағҷыбыстың паза ізенізібіс Христос Иисус Хан-пигібістің чахааны хоостыра Христос Иисустың илҷізіне турғызылғам.

Филипптегілерге 2:19

Мин дее, сірернің киректеріңнеңер истіп алып, кӧңнімні кӧдіріп алар ӱчӱн, Тимофейні тӱрчедең сірерзер ызыбызарыма Хан-пигібіс Иисусха ізенчем.

2 Коринфтегілерге 1:19

Миннең, Силуаннаң паза Тимофейдең сірерде чарлалған Худай Оолғы Иисус Христос пір саңайға «йа» паза «чох» полбаан. Анда «йа» ла полған.

2 Коринфтегілерге 1:1

Худайның кӧңнінҷе Христос Иисустың илҷізі полчатхан Павел паза Тимофей харындас Коринфтегі Худай тигірибіне паза тиксі Ахай чирінде чуртапчатхан ах-арығ кізілерге чолабит ысчабыс.

Римдегілерге 16:23

Мағаа паза прай тигірибге ибінде орын пирген Гаий ідӧк сірерге изен читірче. Ераст, саарның ахчазын тутчатхан кізі, паза Кварт харындас изен читірчелер.

Римдегілерге 16:21

Сірерге миннең хада тоғынчатханым Тимофей, ідӧк Луцийнең Иасон паза Сосипатр туғаннарым изен читірчелер.

Илҷілернің 27:2

Піс прайзыбыс, Адрамит саардаң сыххан керіпке одырыбызып, чол сығыбысхабыс. Ол керіп, чолда Асий чиріндегі чар-турағларзар кірер полған. Піснең хада Фессалоник саардаң македон кізі Аристарх полған.

Илҷілернің 17:1

Павелнең Сила, Амфиполь паза Аполлон саарларны иртіп, иудейлернің синагогазы турчатхан Фессалониксер чиде салғаннар.

Илҷілернің 14:20

Ӱгренҷілері аның ибіре чыыл парғанда, Павел, тур киліп, саарзар парған. Ікінҷі кӱнінде ол Варнаванаң хада Дервий саарзар чӧрібіскен.

Илҷілернің 2:9

Піс – Парфий, Мидий, Елам, Месопотам, Иудей, Каппадок, Понт, Асий,

Илҷілернің 16:6

Хаҷан олар Фригий паза Галат чирлерін ирткеннерінде, Худай Худы оларны Асий чирінзер Худай сӧзінеңер искірерге позытпаан.

Илҷілернің 17:13

Че хаҷан Фессалониктегі иудейлер Павелнің Верий саарда Худай сӧзіне ӱгретчеткенін піл салғаннар, олар, андар чиде салып, андағы кізілерні Павелдең тоғыр кӧдіріп, сағыстарын ай-пораан иткеннер.

Илҷілернің 20:16

Павел, оңдай полза, Иліг кӱн пайрамында Иерусалимде полып аларға маңзыраан, аннаңар ол, Асий чирінде тус чідірбеске тіп, Ефес саарда тохтабин, аннаң андар чӱзерге чарат салған.

Илҷілернің 20:18

Ах сағаллар андар килгенде, тізең, Павел оларға теен: – Минің, Асий чирінзер киліп, пастағы кӱннердеңӧк сығара сыбыра сірернең хада полғанымны пілчезер.