Илҷілернің 20:21 - Наа Молҷағ

²¹ Мин иудейлерні дее, гректерні дее, чазыхтаң хыйа полып, Худайзар айланарға паза пістің Хан-пигібіс Иисус Христосха киртінерге ӱгреткем.

Илҷілернің 20:21 Referans Kwoze

Илҷілернің 2:38

Пётр, тізең, оларға теен: – Полғаныңар ла, чазыхтарыңнаң хыйа полып, чазыхтарыңны позыттыртып алар ӱчӱн, Иисус Христостың адынаң кіреске тӱзіңер. Андада Худай Худын тикке аларзар.

Илҷілернің 11:18

Аны истіп, кізілер амырап парғаннар, анаң олар «Че, Худай иудей ниместерге дее чазыхтарынаң хыйа полып, чуртирға оңдай пиртір» тіп, Худайны сабландырғаннар.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

Лука 13:3

Чох, тіпчем сірерге, че пыросынып, чазыхтарыңнаң хыйа полбазар, прайларың ідӧк ӧл парарзар.

2 Коринфтегілерге 7:10

Кӧңні тӱскені Худайзар айландырчатса, кізі хайди даа тудынғанын алыстырар паза арачыланысха килер. Кізінің кӧңні пу чирдегілерни чіли тӱссе, анзы ӧлімге ағылча нооза.

Римдегілерге 10:9

Син аазыңнаң Иисус Хан-пиг полчатханын чарлапчатсаң, чӱрееңнең Худай Аны ӧлігдең тірілдірібіскенге киртінчетсең, арачыланып аларзың.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

1 Иоанның 5:5

Кем чир ӱстӱндегі кӱсті чиңен? Иисустың Худай Оолғы полчатханына киртінчеткен кізі!

Илҷілернің 26:20

Мин пастап Дамаск саарның чуртағҷыларын, анаң Иерусалимнің чуртағҷыларын, анаң прай Иудей чиріндегілерні, анаң иудей ниместерні, чазыхтарынаң хыйа полып, Худайзар айланзыннар паза пыросынысха турыстығ киректер итсіннер тіп ӱгреткем.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

Филимонға 1:5

Синің Хан-пигібіс Иисусха киртінізіңнеңер паза прай ах-арығларға хынызыңнаңар истедірбін.

Ефестегілерге 1:15

Аннаңар мин дее, Иисус Христосха киртінчеткеннеріңні паза прай ах-арығларға хынчатханнарыңны истіп,

Галат чиріндегілерге 2:20

Амды мин позым чуртабинчам, минде Христос чуртапча. Сағам пу позым чуртапчатханым, тізең, Худайның Оолғына киртініснең чуртапчатханым полча. Ол мағаа хынча паза минің ӱчӱн Позын ӧлімге пир салған.

Римдегілерге 5:1

Піс киртінізібіс пастыра ахтанып алғаныбыста, Хан-пигібіс Иисус Христостаң пастыра Худайнаң ынағ пол парғабыс.

Римдегілерге 4:24

че піске дее теелче. Піс Хан-пигібіс Иисус Христосты ӧліглердең тірілдірібіскен Худайға киртінчебіс. Ол пісті дее орта чоллығ кізілерге санир.

Римдегілерге 1:16

Мин Христостаңар Чахсы Хабарны чарлапчатханымнаң уйатпинчам. Ол Хабарның киртінчеткеннерні хайзын даа, иң пурнада иудейні, анаң иудей ниместі арачылаҷаң Худай кӱзі пар, нооза.

Илҷілернің 17:30

Аннаңар Худай прай кізілерге, Аны пілбеен тустарға хайығ салбин, амды чазыхтарынаң хыйа полыбызарға чахыпча.

Марк 6:12

Ӱгренҷілер, парып, кізілерні, Худайға айланып, чазыхтары ӱчӱн пыросынарға ӱгреткеннер.

Матфей 4:17

Ол тустаң сығара Иисус ӱгредіп пастаан паза чоохтаан: – Тигір хан-ӱлгӱзі чағдап килді, аннаңар, чазыхтарыңнаң хыйа полып, Худайзар айланыңар

Галат чиріндегілерге 3:22

Че Худай Пічии прайзын чазыхтығ тіп чарлаан. Аннаңар Худай молҷаа Иисус Христосха киртініс пастыра киртінчеткеннерге пирілче.

Галат чиріндегілерге 2:16

Моисей Чахиин толдырғаннаң нимес, че Иисус Христосха ла киртініс пастыра кізінің ахтанчатханын піліп алып, піс тее Христос Иисусха киртін сыххабыс. Піс Моисей Чахиин толдырғаннаң нимес, че Христосха киртінгеннең ахтанып алар ӱчӱн киртін сыххабыс. Моисей Чахиин толдырғанынаң пірдеезі ахтан полбас нооза.

1 Коринфтегілерге 1:22

Иудейлер дее хайхастарны хысчалар. Гректер дее хыйғаны тілепчелер.

Римдегілерге 2:4

Алай син, Худайның пай паарсазын, Аның пазымнығ, тыстаныстығ полчатханын нимее салбинчазың ма? Худай паарсазының пастыра Позынзар айланарына чоллапчатханын оңарбинчазың ма?

Римдегілерге 1:14

Мин прайзының алнында алымнығбын: гректернің дее, сас чонның даа, хыйғаларның даа, сағыс чохтарның даа.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Илҷілернің 16:31

Иисус Христос Хан-пиге киртін, андада позың даа, прай тураң даа арачылан халарзар, – нандырғаннар ағаа олар.

Илҷілернің 10:43

Прай ухаанҷылар киречілепчелер Иисустаңар паза Ағаа киртінчеткен полған на кізінің чазыхтардаң Аның адынаң позып поларынаңар.

Илҷілернің 8:25

Илҷілер, Хан Худай сӧзін киречілеп, кізілерні ӱгредіп, анаң Иерусалимзер нандыра парчадып, Самар чиріндегі аалларда Чахсы Хабардаңар ӱгреткеннер.

Илҷілернің 3:19

Чазыхтарың тасталзын тіп, пыросыныңар паза Худайзар айланыңар.

Илҷілернің 2:40

Пётр, кӧп пасха сӧстернең дее киречілеп, чӧптеп, чоохтанған: – Пу ардап парған тӧлдең арачыланыңар.

Иоанн 20:31

Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Иоанн 3:36

Худайның Оолғына киртінчеткен кізінің мӧгі чуртазы пар; Худайның Оолғына киртінминчеткен кізінің, тізең, андағ чуртазы чоғыл, че Худайның хатығланғаны ағаа чидер.

Лука 15:10

Ідӧк, тіпчем сірерге, Худай ангеллері пыросынчатхан чазыхтығ пір дее кізее ӧрінчелер.

Лука 15:7

Тіпчем сірерге, тигірде дее пыросынчатхан пір кізее ӧрініс, пыросынарын кирексібинчеткен тоғызон тоғыс арығ чӱректіг кізее ӧрінгенінең, хай хай улуғ полар.

Лука 13:5

Чох, тіпчем сірерге, че пыросынмазар, прайларың ідӧк ӧл парарзар.

Матфей 3:2

Тигір хан-ӱлгӱзі чағдап килді, аннаңар, чазыхтарыңнаң хыйа полып, Худайзар айланыңар, – теен ол.

Колоссадағыларға 2:5

Мин пу позым сірернең хада полбазам даа, худым сірернең хада. Сірер орта тудынчатханыңарны паза Христосха пик киртінчеткеніңерні кӧріп, ӧрінчем.

Илҷілернің 24:24

Нинҷе-де кӱн ирт парғанда, Феликс позының иудей ипчізінең, Друзилланаң, хада киліп, Павелні хығыртып алып, аның Иисус Христосха киртіністеңер чооғын искен.

Илҷілернің 19:17

Пу тылаас Ефес саарда чуртапчатхан прай даа иудейлер паза гректер аразында тарап парған. Прайзы хорыхханнарына Иисус Хан-пигнің адын сабландырған.

Лука 16:28

минің анда пис харындазым пар; Лазарь, парып, оларға, пу ирееленҷең чирге кір парбазыннар тіп, пілдістіг иде чоохтап пирзін».

Илҷілернің 20:23

Че, мині хариб паза хыйаллар сағыпча тіп, Худай Худының прай саарларда киречілепчеткенін не пілчем.