Илҷілернің 20:1 - Наа Молҷағ

¹ Хорылыстар тоозылғанда, Павел, ӱгренҷілерін хығырып, оларның кӧңнілерін тыыда чоохтанып, анаң оларнаң анымҷохтазып, саардаң сығып, Македон чирінзер парыбысхан.

Илҷілернің 20:1 Referans Kwoze

2 Коринфтегілерге 7:5

Піс, Македон чирінзер читкенібісте, тынан полбаабыс. Прай саринаң хыстыр килгебіс: тоғыртын пісті таластарнаң ӧмелееннер, істібісте хорыхханыбыс полған.

Илҷілернің 19:21

Ол киректер соонда Павел, Македон паза Ахай чирлерінҷе иртерге паза Иерусалимге чидерге пӧгін тудып, чоохтанған: – Анда полып алып, мағаа Римні дее кӧріп аларға кирек.

1 Тимофейге 1:3

Македон чирінзер парирып, мин сағаа, Ефес саарда халып, андағыларның хай піреелерін пасха ӱгредіглерні тараттыртпазыннар, кип-чоохтарнаң айғаспазыннар паза ӧбекелерні тохтағ чох санастырбазыннар тіп хызааннирға чахаан полғам. Андағ кізілер, киртіністе Худай пӧгіннерін толдырар орнына, тик тартыстар ла сығарчалар.

1 Фессалониктегілерге 5:26

прай харындастарны ах-арығ кӧңніңернең, охсанызап, алғаңар.

1 Коринфтегілерге 16:20

Прай харындастар сірерге изен читірчелер. Удур-тӧдір охсанызып алғыстасчадыңар.

1 Коринфтегілерге 16:5

Мин Македон чирі тобыра парчам, аны иртсем, сірерзер килерім.

Римдегілерге 16:16

Удур-тӧдір, ах-арығ хынызып, изеннесчедіңер. Прай тигіриблер сірерге изен читірчелер.

Илҷілернің 20:37

Андада улуғ сыытта прайзы Павелні, хуҷахтап, охсанған.

Илҷілернің 20:10

Павел, алтынзар тӱзіп, андар чаба чадып, аны хуҷахтап алып, теен: – Сағыссырабаңар, аның тыны ам даа сыхпаан.

Илҷілернің 16:9

Хараазын Павелнің кӧспегінде Македон чирінең пір кізі, алнында тура тӱзіп, сурынып ала теен: «Македон чирінзер киліп, піске полыс пир».

Илҷілернің 11:26

Олар пір чыл ибіре тигірибде чыылызып, кӧп кізіні Худай сӧзіне ӱгреткеннер. Іди Антиохта Иисустың ӱгренҷілерін пастағызын на христианнар тіп адап сыхханнар.

2 Коринфтегілерге 13:12

Удур-тӧдір арығ чӱректіг охсанызып, изеннезіңер. Сірерге ах-арығлар прайзы изен читірчелер.

Илҷілернің 16:12

Андартын Филипп саарзар читкебіс. Ол Македон чирінің пу чардығындағы пастағы саар полған паза Рим колониязы полған. Анда піс анҷа-мынҷа кӱн полғабыс.

Илҷілернің 20:2

Ол чирлерҷе иртчеткенде, андағы киртінчеткеннернің кӧңнілерін тыыда чоохтанып ала, Павел Грек чирінзер чит килген.

Илҷілернің 20:3

Анда ол ӱс ай полған, анаң Сирийзер парыбызарға иткен. Че иудейлернің позынаң тоғыр иділген хорылыстардаңар піл салып, Македон чирінҷе нандыра айланарға пӧгін сыххан.

Римдегілерге 15:19

Ол анзын танығларнаң паза хайхастарнаң, Худай Худының кӱзінең иткен. Аннаңар мин Христостың Чахсы Хабарына Иерусалимнең Иллирикке читкенҷе ӱгрет парғам.