Илҷілернің 2:40 - Наа Молҷағ

⁴⁰ Пётр, кӧп пасха сӧстернең дее киречілеп, чӧптеп, чоохтанған: – Пу ардап парған тӧлдең арачыланыңар.

Илҷілернің 2:40 Referans Kwoze

Филипптегілерге 2:15

Пу чоох испес, сайбах тӧлнің аразында пыро чох, арығ кӧңніліг Худай палалары полыңар. Сірер оларның аразында чарытхы полып чӧрчезер нооза.

1 Тимофейге 4:16

Позыңны паза ӱгредииңні сына. Мин чоохтаан нимені сыбыра итчет. Іди итсең, позыңны даа, сині исчеткеннерні дее арачылап халарзың.

Ефестегілерге 4:17

Аннаңар, Хан-пигібістің адынаң алданып, Худайы чох чоннар чіли, пос оңдайынҷа хылынмаңар тіпчем сірерге.

2 Коринфтегілерге 6:17

Аннаң андар Хан Худай тіпче: «Олардаң чарылып, парыбызыңар. Кірліг нимее теңмеңер, андада Мин сірерні Позымзар аларбын.

Матфей 17:17

Йо-о, пу киртізі чох паза ардап парған тӧл! Нинҷезін Мин сірернең хада поларбын? Хаҷанға теере сірернең сыдазим? Ағылыңар аны пеер, Минзер, – нандырған Иисус.

Матфей 16:4

Худайдаң хыйа полған чабал тӧл! Худай танығларын кӧрерге сурынчазар ба? Чох! Иона ухаанҷының таниинаң пасха пір дее танығ пирілбес сірерге. Анаң оларны халғыс салып, Ол хыйа пас парыбысхан.

Галат чиріндегілерге 5:3

Паза сӱннет итчеткен ноо даа кізее ол чахығны прай толдырарға кирек тіп киречілепчем.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Матфей 23:33

Чыланнар, чылан палалары! Кӧйчеткен кӧлнің чарғызынаң хайди тизіп аларзар?

1 Петрның 5:12

Мин мыны Силуаннаң пастыра хысхаҷахти пас салдым. Мин аны киртістіг харындазыбысха санапчам. Сірернің кӧңніңерні кӧдір пирерге паза прай пу ниме Худайның сын паарсазы полчатханын киречілирге сағынчам. Пу паарсаста сыбыра полчадыңар.

1 Фессалониктегілерге 2:11

Пілче нооңзар, хайди піс полғаныңардаң, паба палаларынаң чіли, сурынғабыс, ӱгреткебіс паза алданғабыс: сірерні Позының хан-чиріне паза сабланызына хығыртхан Худайыбысха турыстыра тудыныңар тіп.

2 Коринфтегілерге 5:20

Ол оңдайнаң піс Христостың адынаң чоохтапчабыс. Пістің пастыра Худай Позы чоохтанчатханға килісче. Аннаңар Христостың адынаң алданчабыс сірерге: Худайнаң чарас салыңар.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

Лука 21:36

Че, сыбыра сиргек полып, пазыр чӧріңер, андада, прай полар саайлардаң ос халып, Кізі Оолғының алнында турарзар.

Марк 8:38

Пу ай-пораан, чазыхтығ тӧл аразында піреезі Миннең алай Минің сӧстерімнең уйатса, андада Кізі Оолғы даа Пабазының сабланызында ах-арығ ангеллерінең хада килген туста андағ кізідең уйадарох.

Илҷілернің 20:21

Мин иудейлерні дее, гректерні дее, чазыхтаң хыйа полып, Худайзар айланарға паза пістің Хан-пигібіс Иисус Христосха киртінерге ӱгреткем.

Иоанн 21:25

Иисус аннаң даа пасха кӧп нимелер иткен. Че оларны прай пічікке пас салза, чир ӱстӱнде ол пічіктерні салҷаң орын читпесчік. Аминь.

Илҷілернің 20:11

Анаң ол, хатап ӧӧр сығып, халас сындырып алып, чібізіп, илееде ӱр, таң азыра даа, чоохтана-чоохтана, сых чӧрібіскен.

Илҷілернің 20:9

Павелнің узах чооғы тузында кӧзенек алнында одырчатхан Евтих тіп оол сабыхсып парыбызып, хыймырана тӱзіп, ӱзінҷі хадылдаң чирге тӱс парған, кӧдірзелер, ӧліг.

Илҷілернің 20:2

Ол чирлерҷе иртчеткенде, андағы киртінчеткеннернің кӧңнілерін тыыда чоохтанып ала, Павел Грек чирінзер чит килген.

Илҷілернің 15:32

Иуданаң Сила, ухаанҷылар полғаннарынаңар, мындағы харындастарны кӧп ӱгредіп, оларның киртіністерін тыытханнар.

Илҷілернің 10:42

Иисус піске чахаан: кізілерні ӱгредіп, Позының тіріг паза ӧліг кізілерге Худай турғысхан Чарғыҷы полчатханын киречілирге.

Матфей 12:34

Чылан палалары! Хайди сірер, постарың чабал полчадып, чахсы нимедеңер чоохтас полчазар? Кізінің істінде ниме кӧп, анзы тілінең сыхча.

Лука 16:28

минің анда пис харындазым пар; Лазарь, парып, оларға, пу ирееленҷең чирге кір парбазыннар тіп, пілдістіг иде чоохтап пирзін».

Илҷілернің 4:36

Іди Иосий, Кипр олтырыхтаң сыххан паза илҷілерге Варнава тіп солалатхан (анзы «Часхарыс оолғы» теені полча) левит,