Илҷілернің 2:22 - Наа Молҷағ

²² Израильдегілер, пу сӧстерні истіп алыңар: Назареттең сыххан Иисус Худайның кізізі полғанын Худай позы сірернің араңарда Аннаң пастыра иділген кӱстернең, хайхастарнаң паза танығларнаң киречілеен. Сірер анзын постарың даа пілчезер.

Илҷілернің 2:22 Referans Kwoze

Иоанн 3:2

Пірсінде ол, Иисуссар хараазын киліп, чоохтанған: – Ӱгретчі! Син итчеткен хайхастарны, Худай ӱлгӱ пирбезе, пір дее кізі ит полбас. Аннаңар піс пілчебіс, Син Худайдаң килген ӱгретчізің. –

Илҷілернің 4:10

піліңер, прай Израиль чоны даа пілзін: Назареттең сыххан Иисус Христостың адынаң имнедібіс. Сірерге кіреске хазадып ӧдірткен, анаң Худайға ӧлімнең тірілдірткен Иисус аны, хазых идіп, азахха турғысты.

Лука 11:20

Мин айналарны Худай пирген кӱснең сығара сӱрчетсем, анзы Худай хан-ӱлгӱзінің сірерзер чит килгені полча.

Матфей 12:28

Мин айналарны Худай Худының кӱзінең сығара сӱрчетсем, анзы Худай хан-ӱлгӱзі сірерзер чит килгені полча.

Матфей 9:8

Анзын кӧрген кізілер уғаа таңнап парғаннар. Чазых позытчаң паза имнеҷең ӱлгӱні кізілерге пиргені ӱчӱн, Худайны саблааннар.

Еврейлерге 2:4

Ағаа хоза Худай, хайхастарны, танығларны паза аймах-пасха таңнастығ киректерні киречілес идіп, Худай Худының сыйыхтарын Позының кӧңнінҷе ӱлестірген.

2 Коринфтегілерге 12:12

Минің илҷі полчатханымның киречілестерін – минің тыстанызымны, кӧп хайхастарны, танығларны, таңнастығ киректерні – сірер кӧргезер. Мин оларны сірернің аразында тыстанып иткем.

Илҷілернің 26:26

Аннаңар хан пілче, мин аның алнында чалтанмин чоохтанчам. Пу полған нимелердеңер аның пілбинчеткеніне мин киртінминчем. Олар хайда-да чазытта иділбееннер.

Илҷілернің 26:9

Итсе-де мин дее Назареттең сыххан Иисустың адынаң тоғыр пар-чох кӱснең кӱрезерге кирек тіп сағынҷаң полғам.

Илҷілернің 24:5

Пу кізінің чонның чызығ палии полчатханын, чир ӱстӱндегі прай иудейлер аразында хорылыстар сығарчатханын, Худайдаң тоғыр полчатхан Назареттегілернің кізізі полчатханын

Илҷілернің 22:8

«Кемзер сірер, Хан-пигім?» – нандырғам мин ағаа. «Мин син хыйа сӱрчеткен Назарет саардаң сыххан Иисуспын».

Илҷілернің 21:28

Израиль иреннері, полыс пиріңер! Пу прай чирде прайзын пістің чоннаң, Моисей Чахиинаң паза пу храмнаң тоғыр поларға ӱгретчеткен кізі. Храмзар гректерні киріп, пу ызых орынны ардатхан, – хысхырысханнар олар.

Илҷілернің 14:27

Андар читкенде, тигіриб чонын чыып алып, Худай оларнаң ниме иткенінеңер, хайди Ол иудей ниместерге киртініссер ізік ас пиргенінеңер прай чоохтап пиргеннер.

Илҷілернің 13:16

Павел, тур киліп, холын кӧдіріп, теен: – Израиль кізілері паза Худайны улуғлапчатханнар! Истіңер!

Илҷілернің 5:35

Халғаннарға, тізең, теен: – Израиль иреннері! Оларны хайди идерге итчеткеннеріңні постарың алынҷа сағынып алыңар.

Илҷілернің 3:12

Мыны кӧріп, Пётр чонға піди чоохтанған: – Израиль кізілері! Ноға мынзына таңнапчазар? Постарындағы кӱснең алай улуғ киртіністерінең аны чӧрер иде имнеп алдылар тіп піссер кӧрчезер бе?

Иоанн 19:19

Пилат, тізең, «Пу Назареттең сыххан Иисус, Иудей ханы» тіп чардыда пастырып, кіреске хазатыр салған.

Иоанн 15:24

Мин оларның аразында пір дее кізі ит полбас нимелерні итпеен ползам, олар пыролығ полбасчыхтар. Амды, тізең, олар, Минің иткен нимелерімні кӧріп, Мині дее, Пабамны даа хырт кӧрчелер.

Иоанн 12:17

Иисуснаң хада полған кізілер Аның Лазарьны ӧлімнең тірілдіргенін паза хуюдаң хығыртханын киречілееннер.

Иоанн 11:47

Улуғ абыстар паза фарисейлер, чыылығ идіп, чоохтасханнар: – Ниме идееңер? Пу кізі кӧп хайхастар итче.

Иоанн 10:37

Пабамның киректерін итпинчетсем, Мағаа киртінмеңер.

Иоанн 9:33

Иисус Худайдаң полбаан полза, пір дее ниме ит полбасчых. –

Иоанн 7:31

Турған чонның аразында кӧп кізі, Ағаа киртініп, чоохтанған: – Мессий-Христос килзе, пу Кізідең кӧп хайхастар идер бе ни?

Иоанн 6:27

Сірер ардап парчатхан чиис ӱчӱн нимес, че мӧгі чуртас пирчеткен чиис ӱчӱн тоғынарға кӱстеніңер. Кізі Оолғы, Ағаа Худай-Пабазы ӱлгӱ пиргеннеңер, ол чиисті сірерге пир полар. –

Иоанн 6:14

Андада, Иисустың иткен хайхазын кӧр салып, кізілер тееннер: – Пу сыннаң даа чир ӱстӱне килерге салылған ухаанҷы полтыр.

Иоанн 5:36

Минде, тізең, Иоанның киречілеенінең дее улуғ киречілес пар: Пабам Мағаа итчең нимелер пирген, оларны толдырчатханым Пабамның Мині ысханын таныхтапча паза киречілепче.

Иоанн 4:48

Сірер, танығлар паза хайхастар кӧрбеенде, киртінмессер, – нандырған Иисус. –

Иоанн 1:45

Филипп, Нафанаилге тоғазып, чоохтанған: – Піс Моисей Чахиинда паза ухаанҷыларның пічиинде пазылған Кізіні таап алғабыс. Ол Назареттегі Иосифтің оолғы Иисус. –

Лука 24:18

Иерусалимзер килгеннернің аразында син не чалғыс позың пу кӱннерде анда ниме полғанын испеезің ме таң? – нандырған Ағаа ӱгренҷілерінің пірсі, Клеопа. –

Матфей 2:23

Андар парып, Назарет тіп адалчатхан саарда чуртап сыххан. Хан Худайның ухаанҷылар пастыра: «Иисусты Назорей адап саларлар» тіп чоохтанған сӧстері тол парар ӱчӱн, іди полған.

Илҷілернің 2:19

Ӧӧр тигірде хайхастар, алтында чирде, тізең, танығлар кӧзідербін: хан, чалыннығ от паза ыс полар.

Илҷілернің 2:43

Полған на кізінің істінде чочыс полған; илҷілер пастыра кӧп хайхастар паза танығлар Иерусалимде иділгеннер.

Илҷілернің 3:6

Че Пётр теен: – Минде кӱмӱс тее, алтын даа чоғыл, че позымда пар нимені пирчем: Назареттегі Иисус Христостың адынаң, турып, пас чӧр!

Лука 18:37

Назареттегі Иисус парир, – тееннер ағаа. –