19 Ӧӧр тигірде хайхастар, алтында чирде, тізең, танығлар кӧзідербін: хан, чалыннығ от паза ыс полар.
Сірер, танығлар паза хайхастар кӧрбеенде, киртінмессер, – нандырған Иисус. –
Мин ирен дее, ипчі дее нымысчыларыма ол кӱннерде Худымны чайам, олар, тізең, ухаанҷылирлар.
Хан Худайның саблығ паза илбек кӱні чидер алнында кӱн хап-харасхы, ай, тізең, хан пол парар.
Израильдегілер, пу сӧстерні истіп алыңар: Назареттең сыххан Иисус Худайның кізізі полғанын Худай позы сірернің араңарда Аннаң пастыра иділген кӱстернең, хайхастарнаң паза танығларнаң киречілеен. Сірер анзын постарың даа пілчезер.