Илҷілернің 2:14 - Наа Молҷағ

¹⁴ Андада Пётр, он пір илҷінең хада тура хонып, оларға тыыда чоохтанған: – Иудей нанҷылар паза прайзыңар, кем Иерусалимде чуртапча! Мынзын сірерге пілдістіг иде чоохтап пирим, сӧстерімні истіп алыңар:

Илҷілернің 2:14 Referans Kwoze

Илҷілернің 5:35

Халғаннарға, тізең, теен: – Израиль иреннері! Оларны хайди идерге итчеткеннеріңні постарың алынҷа сағынып алыңар.

Илҷілернің 21:28

Израиль иреннері, полыс пиріңер! Пу прай чирде прайзын пістің чоннаң, Моисей Чахиинаң паза пу храмнаң тоғыр поларға ӱгретчеткен кізі. Храмзар гректерні киріп, пу ызых орынны ардатхан, – хысхырысханнар олар.

Илҷілернің 7:2

Че Стефан піди нандырған: – Харындастар паза пабалар, истіңер! Сабланыс Худайы пістің ӧбекебіс Авраамға, хаҷан ол Харран саарзар кӧскелекте, Месопотам чирінде кӧрінген.

Илҷілернің 2:22

Израильдегілер, пу сӧстерні истіп алыңар: Назареттең сыххан Иисус Худайның кізізі полғанын Худай позы сірернің араңарда Аннаң пастыра иділген кӱстернең, хайхастарнаң паза танығларнаң киречілеен. Сірер анзын постарың даа пілчезер.

Илҷілернің 1:26

Ӱлӱс тастаанда, ӱлӱс Матфийге тӱс парған, андада аны он пір Илҷінің санына хосханнар.

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

Илҷілернің 13:16

Павел, тур киліп, холын кӧдіріп, теен: – Израиль кізілері паза Худайны улуғлапчатханнар! Истіңер!

Матфей 2:1

Ирод ханның тузында Иудей чиріндегі Вифлеем саарда Иисус тӧреен. Олох туста іскертін килген хыйғалар, Иерусалимзер киліп, сурғаннар: –