Илҷілернің 19:3 - Наа Молҷағ

³ Хайдағ ниме пастыра сірер кіреске тӱскезер? – пазох сурған олардаң Павел. – Иоанның кіреске тӱзіргенінең, – нандырғаннар олар. –

Илҷілернің 19:3 Referans Kwoze

Илҷілернің 18:25

Апполос, Хан Худайның чолынҷа ӱгреділген кізі полып, прай ізіг кӧңнінең чоохтанып, Хан-пигібістеңер тӱзімніг ӱгрет салып одырған, че итсе-де ол Иоанның кіреске тӱскенін не пілген.

1 Коринфтегілерге 12:13

Піс прайзыбыс пір Худай Худынаң пір ит-хан поларға кіреске тӱскебіс нооза: Иудейлер дее, Гректер дее, хуллар даа, пос хоныхтығлар даа – прайзыбыс пір Худай Худынаң суғарыл парғабыс.

Илҷілернің 8:16

Олар Иисус Хан-пигнің адынаң кіреске тӱскен не полғаннар, че оларның пірдеезіне Худай Худы ам даа кіргелек полған.

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Лука 7:29

Иисусты искен кізілернің прайзы, албан чығҷаңнар даа, Иоаннаң пастыра кіреске тӱзіп, Худайны саблаан.

Еврейлерге 6:2

Кіреске тӱзерінеңер, кізілернің пастарына хол салардаңар, ӧліглер тірілерінеңер паза тӱгенҷі кӱннің чарғызынаңар чоохтаспааңар.