Илҷілернің 19:22 - Наа Молҷағ

²² Анаң ол, позына полысчатхан Тимофейнең Ерастты Македон чирінзер ызыбызып, позы ӱр нимеске Асий чирінде хала парған.

Илҷілернің 19:22 Referans Kwoze

2 Тимофейге 4:20

Ераст Коринф саарда халған. Трофимні, тізең, ағырығда, мин Милит саарда халғыс салғам.

Римдегілерге 16:23

Мағаа паза прай тигірибге ибінде орын пирген Гаий ідӧк сірерге изен читірче. Ераст, саарның ахчазын тутчатхан кізі, паза Кварт харындас изен читірчелер.

Илҷілернің 19:29

Прай саар хорылысха пат парған. Павелнең хада чӧрчеткен македон кізілерін, Гаийнең Аристархты, хаап алып, прайзы пір саңай чыылығлар иртчеткен орынзар чӱгӱрізе халған.

Илҷілернің 19:10

Іди ікі чылҷа полған. Аннаңар Асий чирінің прай даа кізілері, иудейлер дее, гректер дее, Иисус Хан-пигдеңер ӱгредігні искеннер.

Илҷілернің 18:5

Силанаң Тимофей Македон чирінең килгеннерінде, тізең, Павел, кӧңніне пастырып, иудейлерге Мессийнің Иисус полчатханын киречілеен.

Илҷілернің 16:3

Павел аны позынаң хада алып аларға хынған, че андағы иудейлер Тимофейнің пабазы грек кізі полчатханын пілгеннер, аннаңар ол Тимофейге сӱннет иттірібіскен.

Илҷілернің 16:1

Павел Дервий паза Листр саарларға читкен. Анда киртінчеткен иудей іҷеліг, грек пабалығ Тимофей ады-солалығ ӱгренҷі полған.

Илҷілернің 13:5

Анда олар, Саламин саарда халып, иудей синагогаларында Худай сӧзіне ӱгреткеннер. Иоанны даа, полыс пир турзын тіп, постарынаң хада ал чӧргеннер.

1 Фессалониктегілерге 1:8

Сірердең сығара Худай сӧзі Македон паза Ахай чирінҷе ле нимес, че тиксі чирлерҷе тараан, сірернің Худайға киртіністерің сабланған – піске аннаңар ниме дее чоохтирға кирек чоғыл.

2 Коринфтегілерге 8:1

Сірерге, харындастар, Македон чиріндегі тигіриблерге Худайдаң пирілген паарсастаңар искірчебіс.

2 Коринфтегілерге 1:16

Македон чирінзер парирып, сірерзер кірерге пӧгінчеткем. Анаң, Македон чирінең сығып, пазох сірерзер парарға итчеткем. Сірер, тізең, мині Иудей чирінзер ӱдезібізерҷіксер.

Илҷілернің 20:1

Хорылыстар тоозылғанда, Павел, ӱгренҷілерін хығырып, оларның кӧңнілерін тыыда чоохтанып, анаң оларнаң анымҷохтазып, саардаң сығып, Македон чирінзер парыбысхан.

2 Коринфтегілерге 11:9

Кирексеен нимені мағаа Македон чирінең килген харындастар пиргеннер. Мин сірернің мойныңарда одырбаам, хаҷан даа одырбаспын.

2 Коринфтегілерге 2:13

Че Тит харындазымны анда таппин, сағыссырап сыххам. Аннаңар, андағы кізілернең анымҷохтазыбызып, Македон чирінзер парыбысхам.

Илҷілернің 19:21

Ол киректер соонда Павел, Македон паза Ахай чирлерінҷе иртерге паза Иерусалимге чидерге пӧгін тудып, чоохтанған: – Анда полып алып, мағаа Римні дее кӧріп аларға кирек.

Илҷілернің 20:34

Постарың пілчезер, мин позыма даа, миннең хада полған кізілерге дее кирексеен нимелерні пу холларымнаң тоғынып алҷаңмын.

2 Коринфтегілерге 8:19

Аны тигіриблер, сыйыхтарыңны піснең хада апарзын тіп, таллааннар. Іди піс, Худайны саблап, сірернің полызар кӧңніңерні киречілеп, тоғынчабыс.