Илҷілернің 18:4 - Наа Молҷағ

⁴ Суббота сай Павел синагогада иудейлернең паза гректернең чоохтазып, оларны киртіндірерге кӱстенген.

Илҷілернің 18:4 Referans Kwoze

2 Коринфтегілерге 5:11

Худайдаң хайди хорығарын піліп, піс анзына кізілерні ӱгрет парчабыс. Худай пістің сағыстарыбысты паза пӧгіннерібісті пілче. Сірер дее оларны пілібӧкчезер тіп ізенчем.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Илҷілернің 17:17

Аннаңар ол синагогада иудейлернең, Худайны улуғлапчатхан гректернең паза кӱннің сай тасхар тоғасхан кізілернең чоох апарған.

Илҷілернің 26:28

Пу хысхаҷах тус аразына син мині христианға айландырыбызарға сағынчазың ма? – теен Павелге Агрипп. –

Илҷілернің 19:26

Че сірер кӧртеечезер, истеечезер, пу Павелнің Ефес саарда ла нимес, че прай даа Асий чирінде, кізі холынаң иділген нимелерні худай ниместер тіп кізілерге киртіністіг чоохтан чӧріп, кӧп кізіні тискерлендірчеткенін.

Илҷілернің 19:8

Павел, синагогазар киліп, кізілернең чоохтазып, Худай хан-ӱлгӱзінеңер киртістіг иде ӱс айҷа чалтанмин ӱгреткен.

Илҷілернің 18:13

Павел кізілерні Моисей Чахии хоостыра нимес Худайға пазырарға ӱгретче тіп хоптааннар.

Илҷілернің 17:11

Мындағылар фессалониктегілернің хыринда арығ сағыстығ полғаннар: олар, кӱннің сай Худай Пічиин хығырып, андағ ба, андағ нимес пе тіп сыныхтап ала, Чахсы Хабарны хынып алғаннар.

Илҷілернің 13:14

Анаң олар, Пергийдең сығып, Писидийдегі Антиох саарзар читкеннер. Анаң субботада синагогазар кіріп, одыр салғаннар.

Лука 16:31

Андада Авраам ағаа теен: «Олар, Моисейнең ухаанҷыларны испинчетселер, піреезі тіріл килзе дее, киртінместер».

Лука 4:16

Иисус ӧскен чирінзер, Назарет саарзар, айлан килген, субботада, мының алнындағох чіли, синагогазар парып, Худай Пічиин хығырарға турған.

Иоанн 7:35

Андада иудейлернің пастыхтары пос аразында чоохтасханнар: – Хайдағ андағ піс таап полбас чирзер парарға итче полҷаң? Грек чирінде чуртапчатхан иудейлерзер парып, гректерні ӱгредерге итче бе таң?

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

Илҷілернің 14:1

Икон саарда андағох ниме полған: Павелнең Варнава, иудейлер синагогазынзар кіріп, анда ӧтіг чоохтанғаннары сылтаанда уғаа кӧп иудейлер паза гректер киртін сыхханнар.

Илҷілернің 18:19

Ефес саарға читкенде, Павел, синагогазар кіріп, анда иудейлернең анзын-мынзын ӱзӱрген. Олар постарында ам даа полып аларға сурынғаннарында, Павел ынабаан. – Мағаа пу чағдапчатхан ӱлӱкӱнде Иерусалимде поларға кирек. Худай пирзе, мин соонаң сірерзер килербін, – теен. Анаң анымҷохтазып, Акиланаң Прискилланы Ефесте халғыс салып, позы, тізең, парыбысхан.