Илҷілернің 18:26 - Наа Молҷағ

²⁶ Аполлос синагогада пір дее чалтанмин чоохтан сыххан. Акиланаң Прискилла, аны искен соонда постарынзар хығырып алып, ағаа Хан Худай чолынаңар орта иде чоохтап пиргеннер.

Илҷілернің 18:26 Referans Kwoze

Еврейлерге 6:1

Христостаңар ӱгредігнің пастағларын ӱзӱрбин, пик киртіністіг кізілерге килістіре чоохха кірееңер. Аннаңар, киртіністің тӧстеен хатап салбин, Худайға кирек чох киректерні тастирдаңар паза киртінеріне айланардаңар ӱгретпееңер.

1 Коринфтегілерге 12:21

Харах холға «син мағаа кирек чохсың» тіп полбас. Пас таа азахтарға «сірер мағаа кирек чохсар» тіп полбас.

Илҷілернің 18:25

Апполос, Хан Худайның чолынҷа ӱгреділген кізі полып, прай ізіг кӧңнінең чоохтанып, Хан-пигібістеңер тӱзімніг ӱгрет салып одырған, че итсе-де ол Иоанның кіреске тӱскенін не пілген.

Илҷілернің 14:3

Андағ даа полза, Павелнең Варнава, мында илееде ӱрге халып, Хан Худайдаңар чалтанмин ӱгреткеннер. Худай Позының паарсазын пирчеткенін таныхтап, илҷілерге танығлар паза хайхастар идерге кӱс пирчеткен.

2 Петрның 3:18

Хан-пигібіс паза Арачылағҷыбыс полчатхан Иисус Христостың паарсазы паза Аны пілері сірерге хозылзын. Ағаа сағам даа паза хаҷан даа сабланыс ползын. Аминь.

1 Коринфтегілерге 3:18

Пос посты пірдеезі алаахтырбазын. Кем пу тустарда хыйға чӧрерге сағынчатхан полза, ол, хыйға полары ӱчӱн, сағызы чох ползын.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Илҷілернің 8:31

Пірдеезі чарыда чоохтап пирбеенде, хайди піліп аларбын? – нандырған ол кізі. Анаң Филипптең хости одырыбызарға сурынған.

Иоанн 7:17

Аның кӧңнін толдырарға хынчатхан кізі пу ӱгредігнің Худайдаң килчеткенін ме алай Минің чоохтааным полчатханын ма хайди дее пілер.

Лука 24:27

Анаң Ол, прай Худай Пічиинде, Моисей Чахиинаң пастади прай ухаанҷыларнинда Позынаңар ниме чоохталғанын пуларға изерістіре прай чарыт пирген.

Лука 19:26

Че ээзі теен: «Тіпчем сірерге, ниме-ноолығ кізее хозылар, ниме-ноозы чох кізінің, тізең, пар даа нимезі алылар.

Марк 10:15

Сынны чоохтапчам сірерге, Худай хан-ӱлгӱзін олған чіли удурлабааннары Худай хан-чирінзер хаҷан даа кір полбастар.

1 Коринфтегілерге 8:2

Піреезі ниме-де пілчем тіп сағынчатса, ол кізі хайди пілерге кирек, іди пілбинче.

Илҷілернің 18:18

Павел, Коринф саарда илееде кӱннер полып алып, харындастарнаң анымҷохтазып, Сирий чирінзер чӱс парыбысхан. Акиланаң Прискилла даа анаң хада парыбысханнар. Павел Кенхрей саарда, Худайға пирген сӧзін толдырарға тіп, састарын хырыхтырыбысхан.

Илҷілернің 19:8

Павел, синагогазар киліп, кізілернең чоохтазып, Худай хан-ӱлгӱзінеңер киртістіг иде ӱс айҷа чалтанмин ӱгреткен.