Илҷілернің 17:25 - Наа Молҷағ

²⁵ Ол Позына, пірее ниме кирексіп, кізілер нымысчы ползыннар тіп сурынминча. Ол Позы прай нимее тын, чуртас паза нинҷе ниме пар прай пирче.

Илҷілернің 17:25 Referans Kwoze

Римдегілерге 11:35

Алай піреезі Худайға, алымны айландырзын тіп, алымға пірее ниме пирген ме?

Илҷілернің 17:28

«Піс Худайның сылтаанаң чуртапчабыс, пас чӧрчебіс паза ӧӧн позыбыснаң мындабыс нимес пе зе». Сірернің кибелісчілеріңнің хай піреезі чоохтаанни: «Піс тее Аның палаларыбыс». –

1 Тимофейге 6:17

Пайларны пу тустарда ӱгрет пар: постарын пӧзікке санабазыннар, ізес чох ис-пайларына тың на ізенмезіннер, че піске ӧрінерге прай нимені толдыразынаң пирчеткен сын-тіріг Худайға ізензіннер.

Илҷілернің 14:17

Ол піске, чахсызын читіріп, тигірдең наңмыр, чахсы тамах сыхчаң чыллар, ас-тамах пирҷең, паза чӱректерібісті ӧрініснең толдырҷаң. Іди Ол Позынаңар ӱзігі чох киречілеп сал турған.

Матфей 9:13

Парыңар! «Мин тайығны нимес, ӧлҷей киректепчем», – тіп пазылған сӧстерні піліп аларға кӱстеніңер. Мин пеер арығ чӱректіг кізілерні нимес, че чазыхтығларны, чазыхтарынаң хыйа ползыннар тіп, хығырарға килгем.

Матфей 5:45

Андада ла сірер Тигірдегі Пабаның ооллары пол парарзар. Ол Позының кӱніне, хомай даа, чахсы даа кізілерге чарыт тур тіп, чахығ пирче, арығ чӱректіг дее, чазыхтығ даа кізілерге наңмыр ыс пирче нимес пе зе?