Илҷілернің 16:9 - Наа Молҷағ

⁹ Хараазын Павелнің кӧспегінде Македон чирінең пір кізі, алнында тура тӱзіп, сурынып ала теен: «Македон чирінзер киліп, піске полыс пир».

Илҷілернің 16:9 Referans Kwoze

Илҷілернің 19:21

Ол киректер соонда Павел, Македон паза Ахай чирлерінҷе иртерге паза Иерусалимге чидерге пӧгін тудып, чоохтанған: – Анда полып алып, мағаа Римні дее кӧріп аларға кирек.

Илҷілернің 18:5

Силанаң Тимофей Македон чирінең килгеннерінде, тізең, Павел, кӧңніне пастырып, иудейлерге Мессийнің Иисус полчатханын киречілеен.

Римдегілерге 15:26

Македон паза Ахай чирлеріндегі Худай кізілері Иерусалимдегі ах-арығларның чох чуртапчатханнарына полызығ пирерге кӧңнілерін читіргеннер.

Илҷілернің 20:1

Хорылыстар тоозылғанда, Павел, ӱгренҷілерін хығырып, оларның кӧңнілерін тыыда чоохтанып, анаң оларнаң анымҷохтазып, саардаң сығып, Македон чирінзер парыбысхан.

1 Фессалониктегілерге 4:10

Сірер тиксі Македон чирінде дее харындастарыңа ідӧк хылынча нооңзар. Алданчабыс сірердең, харындастарыбыс, улам кӱстенерге:

2 Коринфтегілерге 12:7

Худай мағаа кӧп ниме азых чоохтаан. Анзына иртіре махтанмас ӱчӱн, Худай мағаа, идіме чымҷылға хазаан чіли, мині иреелезін тіп, сайтанның нымысчызын ысхан.

2 Коринфтегілерге 11:9

Кирексеен нимені мағаа Македон чирінең килген харындастар пиргеннер. Мин сірернің мойныңарда одырбаам, хаҷан даа одырбаспын.

2 Коринфтегілерге 9:2

Мин сірернің полызарға кӱстенҷіктеріңні пілчем паза анынаң македон кізілерге махтанчам. Мин оларға Ахай чиріндегілер сыйыхты пылтырох тимнеп салған полғаннар тіп чоохтаам. Сынында сірернің полызарға тимделерің кӧп кізіні полызарға кӧӧктірген.

2 Коринфтегілерге 8:1

Сірерге, харындастар, Македон чиріндегі тигіриблерге Худайдаң пирілген паарсастаңар искірчебіс.

2 Коринфтегілерге 7:5

Піс, Македон чирінзер читкенібісте, тынан полбаабыс. Прай саринаң хыстыр килгебіс: тоғыртын пісті таластарнаң ӧмелееннер, істібісте хорыхханыбыс полған.

Илҷілернің 20:3

Анда ол ӱс ай полған, анаң Сирийзер парыбызарға иткен. Че иудейлернің позынаң тоғыр иділген хорылыстардаңар піл салып, Македон чирінҷе нандыра айланарға пӧгін сыххан.

Илҷілернің 10:30

Корнилий чоохтанған: – Ӱс кӱн мының алнында мин пуох тусха теере ораза тутхам паза позымның турамда кӱнӧрте тоғыс час тузында пазырчатхам, кинетін алнымда пызыңнаас кип-азахтығ кізі тура тӱскен.

Илҷілернің 10:3

Кӱнӧрте тоғыс час тузында Корнилийге Худай ангелінің позынзар кір килгені хараана кӧрін парған. Ол ағаа теен: – Корнилий!

Илҷілернің 9:38

Лидда саар Иоппидең ырах полбаан полған. Аннаңар мындағы ӱгренҷілер, Пётрның анда полчатханын истіп, аны пеер табырах килзін тіп, ікі кізі ызыбысханнар.

Илҷілернің 16:10

Аны кӧрген соонаң, Хан Худай пісті Чахсы Хабардаңар искірерге андар хығырча тіп сағына тартып, сах андох Македон чирінзер парарға тимненібіскебіс.

Илҷілернің 16:12

Андартын Филипп саарзар читкебіс. Ол Македон чирінің пу чардығындағы пастағы саар полған паза Рим колониязы полған. Анда піс анҷа-мынҷа кӱн полғабыс.

Илҷілернің 19:22

Анаң ол, позына полысчатхан Тимофейнең Ерастты Македон чирінзер ызыбызып, позы ӱр нимеске Асий чирінде хала парған.

Илҷілернің 19:29

Прай саар хорылысха пат парған. Павелнең хада чӧрчеткен македон кізілерін, Гаийнең Аристархты, хаап алып, прайзы пір саңай чыылығлар иртчеткен орынзар чӱгӱрізе халған.

Илҷілернің 27:2

Піс прайзыбыс, Адрамит саардаң сыххан керіпке одырыбызып, чол сығыбысхабыс. Ол керіп, чолда Асий чиріндегі чар-турағларзар кірер полған. Піснең хада Фессалоник саардаң македон кізі Аристарх полған.