Илҷілернің 16:5 - Наа Молҷағ

⁵ Тигіриб чонының киртінізі тыып, аның саны кӱннің сай хозылғаннаң хозылған.

Илҷілернің 16:5 Referans Kwoze

Илҷілернің 9:31

Прай Иудей, Галилей паза Самар чирлеріндегі тигіриб чоны амыр пол парған. Олар, Хан Худайдаң чалтанып ала чуртап, Худай Худы пастыра кӱс хабынғаннар паза кӧптең кӧп полып одырғаннар.

Илҷілернің 2:47

Олар Худайны саблаҷаңнар, кізілер дее оларға хынҷаңнар. Хан Худай, тізең, кӱннің сай арачыланғаннарны тигірибге хос салып одырған.

Илҷілернің 6:7

Иерусалимде, Худай сӧзі чон аразында тарап, ӱгренҷілернің саны илееде хозыл парған. Абыстарның аразынаң даа кӧп кізі позын киртініске чағын иткен.

1 Петрның 5:10

Сірерге ӧң-пазы паарсазын пирчеткен Худай Христостың пастыра сірерні тӱгенмес сабланысха хығыртхан. Сірер ирееленісті тӱрче ле кӧрерзер, че Худай Позы сірерні пик ит салар, кӱстеріңні хатап киріп, сірерні сыдамах ит салар.

Илҷілернің 15:41

Олар, Сирий паза Киликий чирлерінҷе чӧріп, андағы тигіриб чонының киртіністерін тыытханнар.

Колоссадағыларға 2:6

Ол оңдайнаң сірер Христос Иисусты Хан-пигні чіли постарыңа алғазар. Аннаңар Анынаң хада пір полып чуртаңар.

1 Коринфтегілерге 15:58

Аннаңар, хынған харындастарым, пик сағыстығ, тӧдір пазынмас полыңар. Хан-пигнің алнында сірер итчеткен кирееңер тик полбинчатханын пілчеткеннеріңде, Хан-пигнің киреенде маңнанысха чидіңер.

Илҷілернің 12:24

Че Худай сӧзі, ӧзіп, тарап одырған.

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.

2 Фессалониктегілерге 2:16

Позы Хан-пигібіс Иисус Христос, тізең, паза піске хынчатхан, паарсасха толынчатхан, хаҷанға даа пісті ӱтеерт салған, ізеніс пирчеткен Худай Пабабыс

1 Фессалониктегілерге 3:13

Іди чӱрееңнерні пик идіп, сірер, Хан-пигібіс Иисус Христос Худай кізілерінең хада килген туста, Худайыбыс паза Пабабыс алнында ах-арығ паза чазых чох турыбызарзар. Аминь.

1 Фессалониктегілерге 3:2

Аннаңар Тимофей харындастарыңны, Худай нымысчызын паза Христостың Чахсы Хабарын тарадарында хада хабасчатхан тоғынҷыбысты, ысчабыс: сірерні киртінізіңерде пик итсін паза часхарзын.

Галат чиріндегілерге 5:1

Христос пирген пос чуртасха пик тудыныңар. Хул чуртазына пазох хатап пазындырбаңар.

Илҷілернің 11:21

Оларнаң хада Худай кӱзі полған. Уғаа кӧп кізі, киртініп, Хан Худайзар айланған.

Илҷілернің 5:14

Хан Худайға киртінчеткеннернің саны хозылғаннаң хозыл турған, оларның аразында иреннер дее, ипчілер дее полғаннар.

Илҷілернің 4:4

Че ол чоохты искеннернің аразында кӧп кізі киртініп пастаан. Андағ кізілернің саны пис муңа чағын полған.