Илҷілернің 16:19 - Наа Молҷағ

¹⁹ Пайаағы хыстың ээлері, пайыҷаң оңдайлары чох пол парғанын кӧріп, Павелнең Силаны, тудып алып, чыылығлар иртірҷең чирзер алдыра пастыхтарзар сӧзір сыхханнар.

Илҷілернің 16:19 Referans Kwoze

Илҷілернің 21:30

Прай саардағылар хорылыс сыхханнар, храмзар чон чыылыс сыххан. Анаң Павелні, хаап алып, храмнаң сығара сӧзір парыбысханнар, сах андох ізіктер чаба тартылғаннар.

Илҷілернің 17:6

Че оларны таппин, иудейлер Иасонны паза киртінчеткен харындастарның хай піреезін, хаап алып, саар пастыхтарынзар апарғаннар. – Прай чирні ай-пораан итчеткеннер пеер читтірлер!

2 Коринфтегілерге 6:5

Пісті сохханнар, пиктегде тутханнар, ӧмелееннер. Піс ӱзе тоғынғабыс, уйғу-чадын пілбин, чиис чох чуртаабыс.

Илҷілернің 16:16

Пірсінде піс пазырҷаң чирзер парчатханда, нымысчы хыс тоғас парған. Ол полар нимені кӧзітчеткен хутха хаптырт салтыр. Іди ухаанҷылап, ол хыс ээлерін уғаа пайытчатхан.

Илҷілернің 8:3

Савл, тізең, тигіриб чонын сайбаан; турадаң тураа кіріп, иреннернең ипчілерні хаап, харибге чаптыр салып одырған.

Илҷілернің 15:26

Ол кізілер Хан-пигібіс Иисус Христос ӱчӱн постарының тыннарына даа айабааннар.

Илҷілернің 14:19

Илҷілер анда кізілерні чалтанмин ӱгретчеткен туста, Антиох паза Икон саарлардаң килген хай пірее иудейлер чонны илҷілердең тоғыр чӧптеп сыхханнар: «Олар пір дее сын ниме чоохтабинчалар, прай чойланначалар». Иудейлер кізілерні ӧкпелендірібіскеннер, Павелні тастарнаң чаалап, анаң аны, ӧл парған полар тіп, саар тастынзар апар салғаннар.

Илҷілернің 14:5

Анаң иудейлер, иудей ниместер, паза иудей пастыхтары, илҷілердең тоғыр чӧптезіп алып, оларны уйатха суғып, тастарнаң чаалирға идібіскеннер.

Илҷілернің 9:16

Мин ағаа ідӧк кӧзіт пирербін, Минің адым ӱчӱн нинҷе ирее иртерге килізер ағаа.

Марк 13:9

Сірер, тізең, китеніңер. Сірерні ах сағалларның чарғызына тартарлар паза синагогаларда соғарлар. Миннең ӱчӱн сірерні хан-пиглернің алнында Миннеңер киречілирге турғызарлар.

Матфей 24:9

Андада сірерні иреелеп ӧдірерлер. Минің адымның ӱчӱн сірерні прай чоннар хырт кӧрер.

Иаковтың 2:6

Сірер, тізең, чохты нимее салбин полдар. Пайлар сірерні хыйыхтапча ниместер бе? Сірерні чарғаа тартчатханнар олар ниместер бе?

Илҷілернің 15:22

Андада илҷілер паза ах сағаллар, прай тигіриб чонынаң чӧптезіп алып, постарының аразынаң нинҷе-де кізі таллап алғаннар, анаң оларны Антиох саарзар Павелнең паза Варнаванаң хада ызарға чарат салғаннар. Оларның пірсі Варсава тіп солалығ Иуда, ікінҷізі Сила полған. Олар киртінчеткен харындастарның аразында пастыхтар полғаннар.

1 Тимофейге 6:10

Тооза чабал нименің ӧзені ахчаа сабылғаны полча. Ағаа салынғаннарның хайзылары киртіністең хыйа парыбысханнар паза постарын кӧп чобағларға кир салғаннар

Илҷілернің 15:40

Павел, тізең, Силаны таллап алған, анаң харындастар пастыра Худай алғазын алып, чорыхха сығыбысхан.

Илҷілернің 16:20

Оларны пастыхтарынзар ағыл киліп, тееннер: – Пу иудей полчатхан кізілер пістің саардағыларны ай-пораан итчелер.

Илҷілернің 16:25

Орты хараа тузында Павелнең Сила, пазырып, Худайны саблапчатхан сарыннарын сарнааннар, харибдегілер, тізең, оларны искеннер.

Илҷілернің 16:29

Хадағҷы, чарытхы ағылдырып алып, хариб істінзер кире ойлаан, анаң, тітірезіп ала, Павелнең Силаның азағынзар тӱскен.

Филипптегілерге 1:30

Сірер минӧк чіли кӱрес парчазар. Минің кӱрескенімні кӧргезер нооза. Сағам даа анзын миннеңер истедірзер.

1 Фессалониктегілерге 2:2

Че, сірер пілчезер, пастап Филипп саарда хыйал кӧріп, сӧклеттіріп, кӧп тоғырланыстарға хайбин, Худайның піске пирген илбек махачыланызынаң Худайның Чахсы Хабарын сірерге читірерге тідінібіскебіс.