Илҷілернің 16:13 - Наа Молҷағ

¹³ Субботада піс саар тастындағы суғ хазынзар парғабыс, хайда иудейлернің кибірі хоостыра Худайға пазырҷаң чир пар поладыр. Анда одырып алып, чыылыс парған ипчілернең чоохтасхабыс.

Илҷілернің 16:13 Referans Kwoze

Илҷілернің 13:14

Анаң олар, Пергийдең сығып, Писидийдегі Антиох саарзар читкеннер. Анаң субботада синагогазар кіріп, одыр салғаннар.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

Галат чиріндегілерге 3:28

Амды иудей дее, грек тее чоғыллар, хул даа, пос кізі дее, ирен дее, ипчі дее чоғыллар. Сірер прайзыңар Христос Иисуснаң пір пол парғазар.

Илҷілернің 21:5

Ол кӱннерні иртіріп алып, піс чорыхха сығып, чолыбысты аннаң андар узаратхабыс. Пісті прайзы ипчілерінең паза палаларынаң даа хада саар тастына теере ӱдескен. Суғ хазында, тізең, тізекке тӱзіп, пазырып алғабыс.

Илҷілернің 20:7

Суббота иирде ӱгренҷілер Павелзер халас сындырарға чыылысханнар. Пазағы кӱнінде чорыхха сығарға итчеткеннеңер, Павел ӱгренҷілернең хада орты харааға теере чоохтасхан.

Илҷілернің 18:4

Суббота сай Павел синагогада иудейлернең паза гректернең чоохтазып, оларны киртіндірерге кӱстенген.

Илҷілернің 17:2

Павел позының оңдайынҷа синагогазар кіріп, ӱс суббота изере кізілернең Худай Пічиин ӱзӱрген.

Илҷілернің 16:6

Хаҷан олар Фригий паза Галат чирлерін ирткеннерінде, Худай Худы оларны Асий чирінзер Худай сӧзінеңер искірерге позытпаан.

Илҷілернің 13:42

Павелнең Варнава, чоохтарын тоозып, иудейлер синагогазынаң сых париғаннарында, иудей ниместер пу нимедеңер килер субботада хатап чоохтап пирерге сурынғаннар.

Иоанн 8:2

иртен, тізең, пазох храмзар айлан килген. Прай чон Аныңзар чыылысхан, Иисус, тізең, одырып, оларны ӱгрет сыххан.

Лука 13:10

Суббота кӱнде Иисус пір синагогада кізілерні ӱгреткен.

Марк 16:15

Анаң оларға теен: – Тиксі-тилекейге тараңар паза Чахсы Хабарны прай тіріг-тынныға читіріп, ӱгредіңер.

Матфей 13:2

Аның хыринда уғаа кӧп кізі чыыл парғаннаңар, Иисус, суғдағы кимезер парып, анда одыр салған. Прай чон, тізең, чар хазында турған.

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

Илҷілернің 16:16

Пірсінде піс пазырҷаң чирзер парчатханда, нымысчы хыс тоғас парған. Ол полар нимені кӧзітчеткен хутха хаптырт салтыр. Іди ухаанҷылап, ол хыс ээлерін уғаа пайытчатхан.