Илҷілернің 16:1 - Наа Молҷағ

¹ Павел Дервий паза Листр саарларға читкен. Анда киртінчеткен иудей іҷеліг, грек пабалығ Тимофей ады-солалығ ӱгренҷі полған.

Илҷілернің 16:1 Referans Kwoze

2 Тимофейге 1:5

Лоида ууҷаңда даа, Евника іҷеңде дее полған киртіністі сағысха кирчеткенімнеңер, синде дее ол сын киртініс пар тіп, пір дее ікінҷілебинчем.

2 Тимофейге 1:2

Тимофейге, хынған оолғына: Худай Пабадаң паза Хан-пигібіс Христос Иисустаң паарсас, ӧлҷей паза амыр хоных сағаа.

1 Тимофейге 1:2

Тимофейге, киртінізібісте сын оолғыма, пасчам. Пабабыс Худайдаң паза Хан-пигібіс Христос Иисустаң паарсас, ӧлҷей паза амыр хоных сағаа.

1 Фессалониктегілерге 3:2

Аннаңар Тимофей харындастарыңны, Худай нымысчызын паза Христостың Чахсы Хабарын тарадарында хада хабасчатхан тоғынҷыбысты, ысчабыс: сірерні киртінізіңерде пик итсін паза часхарзын.

1 Коринфтегілерге 4:17

Мының ӱчӱн минің хынған паза Хан-пигібісте киртістіг оолғымны Тимофейні сірерзер ыстым. Ол сірерге Христоста чолларымны, минің прай чирде, ноо даа тигірибде ӱгретчеткенімні сағыстарыңа кирер.

Илҷілернің 18:5

Силанаң Тимофей Македон чирінең килгеннерінде, тізең, Павел, кӧңніне пастырып, иудейлерге Мессийнің Иисус полчатханын киречілеен.

Илҷілернің 17:14

Андада киртінісче харындастар Павелні талайзар алдыра парчатхан кізіні чіли ызыбысханнар. Силанаң Тимофей, тізең, анда халғаннар.

2 Фессалониктегілерге 1:1

Павел, Силуан паза Тимофей Худай Пабабысха, Хан-пигібіс Иисус Христосха киртінчеткен Фессалоник саардағы тигірибіне чолабит ысчабыс.

Колоссадағыларға 1:1

Павел, Худай кӧңні хоостыра Иисус Христостың илҷізі, паза Тимофей харындас

Филипптегілерге 2:19

Мин дее, сірернің киректеріңнеңер истіп алып, кӧңнімні кӧдіріп алар ӱчӱн, Тимофейні тӱрчедең сірерзер ызыбызарыма Хан-пигібіс Иисусха ізенчем.

Римдегілерге 16:21

Сірерге миннең хада тоғынчатханым Тимофей, ідӧк Луцийнең Иасон паза Сосипатр туғаннарым изен читірчелер.

Илҷілернің 14:6

Илҷілер, аннаңар піл салып, саардаң парыбысханнар. Олар Ликаон чиріндегі Листр паза Дервий саарларҷа паза оларның хыриндағы аалларҷа чӧр сыхханнар.

Еврейлерге 13:23

Піліңер, Тимофей харындазыбыс харибдең сыхты. Ол пу чағында минзер килзе, мин, сірернең тоғазарға парчатсам, аны хада алып аларбын.

1 Тимофейге 1:18

Тимофей оолғым, пу чахиимны мин, алында синнеңер полған ухаанҷыластар хоостыра, оларға тӧстене, чӱрееңде пик киртіністіг, арығ кӧңніліг сын чааҷы чіли сині кӱрессін тіп, сағаа ысчам. Хайзылары, андағ хылыныстаң хыйызып, пос киртінізінің керіптерін саайға кир салғаннар.

1 Фессалониктегілерге 1:1

Піс, Павел, Силуан паза Тимофей, сірерге, Худай Пабабыстың паза Хан-пигібіс Иисус Христостың Фессалоник саардағы тигірибіне чолабит ысчабыс: Худай Пабабыстаң паза Иисус Христос Хан-пигібістең паарсас паза амыр хоных сірерге ползын.

Филипптегілерге 1:1

Піс, Павелнең Тимофей, Иисус Христостың хуллары, Филипп саардағы тигіриб устағҷыларынаң паза хабасчыларынаң хада Христос Иисусха киртінчеткен прай ах-арығларға пасчабыс.

Илҷілернің 19:22

Анаң ол, позына полысчатхан Тимофейнең Ерастты Македон чирінзер ызыбызып, позы ӱр нимеске Асий чирінде хала парған.

2 Тимофейге 3:11

Син пілчезің сӱрдіргенімні паза иреені ханҷа сыдас парғанымны. Антиох, Икон, Листр саарларында мині хайди сӱргеннерін син прай пілчезің, че Хан-пиг прай пу нимедең мині арачылап халған.

1 Фессалониктегілерге 3:6

Сағам за, Тимофей сірердең айлан килгенде паза сірернің киртіністеріңнеңер, хыныстарыңнаңар чахсы хабарны ағыл килгенде, пісті сағысха чахсы кирчеткеннеріңні паза сірер дее пісті, піс сірерні чіли, кӧрерлерің килчеткенін читір пиргенде,

2 Коринфтегілерге 1:19

Миннең, Силуаннаң паза Тимофейдең сірерде чарлалған Худай Оолғы Иисус Христос пір саңайға «йа» паза «чох» полбаан. Анда «йа» ла полған.

2 Коринфтегілерге 1:1

Худайның кӧңнінҷе Христос Иисустың илҷізі полчатхан Павел паза Тимофей харындас Коринфтегі Худай тигірибіне паза тиксі Ахай чирінде чуртапчатхан ах-арығ кізілерге чолабит ысчабыс.

1 Коринфтегілерге 7:14

Киртініс чох ир киртіністіг ипчізінің пастыра Худайға чағыннапча. Киртініс чох ипчі киртіністіг ирінің пастыра Худайға чағыннапча нооза. Іди полбаан полза, палалар арығ полбасчыхтар. Амды, тізең, олар ах-арығлар.

Илҷілернің 14:21

Павелнең Варнава, Дервий саарда Чахсы Хабардаңар ӱгредіп, кӧп наа ӱгренҷі тапханнар. Анаң хатабох Листр, Икон паза Писидийдегі Антиох саарларҷа иртіп парғаннар.

Илҷілернің 14:1

Икон саарда андағох ниме полған: Павелнең Варнава, иудейлер синагогазынзар кіріп, анда ӧтіг чоохтанғаннары сылтаанда уғаа кӧп иудейлер паза гректер киртін сыхханнар.

1 Коринфтегілерге 16:10

Сірерзер Тимофей килзе, Ол минӧк чіли, Хан-пигібістің киреен итчеткенінде, ағаа сірерде хорғыс чох ползын тіп, сизініп одырыңар.

Филимонға 1:1

Мин, Иисус Христостың кинҷелеп салған кізізі Павел, паза Тимофей харындас пістің хынғаныбыс паза хабасчыбыс Филимонға,