Илҷілернің 15:7 - Наа Молҷағ

⁷ Ӱр ӱзӱрген соонда, Пётр, тур киліп, оларға чоохтаан: – Харындастар! Сірер пілчезер, иң пастабох Худай, иудей ниместер Чахсы Хабарны миннең истіп, Худайға киртін сыхсыннар тіп, пістің арабыстаң мині таллап алған.

Илҷілернің 15:7 Referans Kwoze

Илҷілернің 15:2

Че Павелнең Варнава ол кізілернең, чараспин, тың тартыс салғаннар. Андада пу кирек хоостыра Павелнең Варнаваны, ідӧк постарының аразынаң хай пірее пасха даа киртінчеткеннерні Иерусалимдегі илҷілерзер паза тигіриб ах сағалларынзар ызарға чарат салғаннар.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

Илҷілернің 10:20

Тур, оларзар тӱзіп, пір дее ікінҷілебин, оларнаң хада пар. Оларны Мин ысхам нооза.

Филипптегілерге 2:14

Ноо даа нимені кібіренмин паза ікінҷілебин ит турыңар.

Илҷілернің 15:39

Анзынаң талаза халып, олар чарылыс парғаннар. Варнава, Маркты хада алып, Кипрзер кис парыбысхан.

Илҷілернің 13:2

Олар, Хан Худайға пазырып, ораза тутчатхан туста, Худай Худы чоохтанған: – Иттіртерге хығыртхан кирееме Варнаванаң Савлны таллап пиріңер Мағаа.

Илҷілернің 9:15

Че Хан-пиг ағаа теен: – Син пар. Мин аны Минің адымны аймах чоннарға, ханнарға паза Израиль кізілеріне искір турарға таллап алғам.

Илҷілернің 4:25

Син пістің ӧбекебіс паза Позыңның нымысчың Давидтең пастыра Худай Худынаң чоохтаазың: «Ноға пасха худайлығ чоннар хорылысчалар, ноға чоннар тик нимені сағын чӧрчелер?

Илҷілернің 3:18

Худай, Мессийге ирееленерге килізерінеңер, ухаанҷылары пастыра хаҷанох чарлаан полған, амды, тізең аны, толдыр салған.

Илҷілернің 1:24

Чыылығдағылар, Худайға пазырып алып, тееннер: – Хан Худай, Син прайзының чӱреен пілчезің, пу ікі кізінің хайзын таллап алдың, кӧзіт.

Илҷілернің 1:16

(Ол чыылығда пір чӱс чибіргіҷе кізі полған.) – Харындастар! Худай Худы Иудадаңар, Иисусты хаап алғаннарның устағҷызынаңар, Худай Пічиинде Давидтең пастыра ухаанҷылаан полған. Ол ухаанҷылас тол парарға кирек полған.

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

Иоанн 3:27

Худай пирбезе, кізі позына пір дее ниме ал полбас, – нандырған Иоанн. –

Илҷілернің 10:19

Пётр кӧрізінеңер сағын турчатхан аразында, Худай Худы ағаа теен: – Мына ӱс кізі сині тілепче.

Илҷілернің 15:14

Симон чарыт пирген, хайди Худай пастап иудей ниместердең Позының чонын идіп аларына хайығ салған.

Илҷілернің 21:16

Піснең хада Кесар саардаң хай пірее ӱгренҷілер парған. Олар пісті Мнасонзар, Кипрдең сыххан паза хаҷан-да ӱгренҷі кізізер, ӱдес парчатханнар. Анда піске халарға чарир полған.