Илҷілернің 15:4 - Наа Молҷағ

⁴ Иерусалимзер чит килгеннерінде, оларны тигіриб чоны, илҷілер паза тигіриб ах сағаллары удурлааннар. Павелнең Варнава Худай постарынаң ниме иткенінеңер паза иудей ниместерге киртініссер ізік ас пиргенінеңер оларға прай искір пиргеннер.

Илҷілернің 15:4 Referans Kwoze

Илҷілернің 15:12

Анаң чыылған чон, тымыл парып, Варнаванаң Павелні искен. Олар хайди Худай оларнаң пастыра иудей ниместернің аразында хайхастар паза танығлар иткенінеңер чоохтааннар.

Илҷілернің 14:27

Андар читкенде, тигіриб чонын чыып алып, Худай оларнаң ниме иткенінеңер, хайди Ол иудей ниместерге киртініссер ізік ас пиргенінеңер прай чоохтап пиргеннер.

Илҷілернің 15:3

Павелнең Варнава, тигіриб чонына ӱдестіртіп алып, Финикий паза Самар чирлерінҷе ирткеннер, андағы чонға иудей ниместернің Худайға киртін сыхханнарынаңар чоохтап, прай киртінчеткеннерні уғаа тың ӧріндіргеннер.

Римдегілерге 15:18

Христос минің пастыра иткен нимедеңер ле тідімніг чоохтап поларбын. Ол пасха чоннарны сӧстің паза киректің пастыра Худайның чооғын истеріне ағылған.

Илҷілернің 21:17

Иерусалимзер читкенібісте, киртінісче харындастар ӧрчіліг удурлааннар.

2 Иоанның 1:10

Піреезі, сірерзер киліп, пу ӱгредігні сірерге читірбезе, аны тураа кирбеңер, изеннеспеңер дее аннаң.

Колоссадағыларға 4:10

Миннең хада чабығда одырчатхан Аристарх сірерге изен читірче. Ідӧк Марк, Варнаваның чеені, изен читірче. (Марктаңар сірер чахығ алғазар: сірерзер килзе, удурлаңар аны.)

2 Коринфтегілерге 6:1

Піс, тізең, Худайнаң хада тоғынчатханнар, Ол пирген паарсасты сірерні тик ле алған полбазыннар тіп, сірерге алданчабыс.

2 Коринфтегілерге 5:19

Худай кізілерні чазыхтары ӱчӱн пыролабаан. Ол Христостың пастыра тилекейні Позынаң чарастырыбысхан паза піске ол чарастаңар сӧсті тарадарға пир салған.

1 Коринфтегілерге 15:10

Ам кем полчам, мин Худай паарсазы сылтаанда пол парғам. Худай паарсазы, тізең, тик полбаан. Мин пасха илҷілердең кӧп тоғынғам. Итсе, сынында пу минің тоғызым нимес, че миннең пастыра пирілчеткен Худай паарсазы.

Римдегілерге 15:7

Худайның сабланызын аларларыңның ӱчӱн, Христос сірерні Позына хосхан. Аннаңар сірер дее удур-тӧдір ідӧк чағынназыңар.

Илҷілернің 21:19

Павел, оларнаң изеннезіп алып, Худайның иудей ниместерге позынаң пастыра хайдағ ниме иткенін прай изерістіре чоохтап пирген.

Илҷілернің 18:27

Анаң Аполлос Ахай чирінзер парарға тимненібіскенде, мындағы харындастар, андағы ӱгренҷілерге Аполлосты чахсы удурлазыннар тіп, пічік ызыбысханнар. Аполлос, андар чит киліп, Худай паарсазы хоостыра киртіністіг пол парғаннарға кӧп полысхан.

Матфей 10:40

Кем сірерні чахсы удурлапча, ол Мині дее іди удурлапча. Кем Мині чахсы удурлапча, ол Мині ысхан Худайны даа іди удурлапча.

Илҷілернің 11:30

Анаң чыып алған ис-пайны олар Варнава паза Савл пастыра Иерусалимдегі ах сағалларына ызыбысханнар.

Илҷілернің 15:2

Че Павелнең Варнава ол кізілернең, чараспин, тың тартыс салғаннар. Андада пу кирек хоостыра Павелнең Варнаваны, ідӧк постарының аразынаң хай пірее пасха даа киртінчеткеннерні Иерусалимдегі илҷілерзер паза тигіриб ах сағалларынзар ызарға чарат салғаннар.

Илҷілернің 15:6

Илҷілер паза тигіриб ах сағаллары ол киректі ӱзӱрерге чыылыс парғаннар.

Илҷілернің 15:22

Андада илҷілер паза ах сағаллар, прай тигіриб чонынаң чӧптезіп алып, постарының аразынаң нинҷе-де кізі таллап алғаннар, анаң оларны Антиох саарзар Павелнең паза Варнаванаң хада ызарға чарат салғаннар. Оларның пірсі Варсава тіп солалығ Иуда, ікінҷізі Сила полған. Олар киртінчеткен харындастарның аразында пастыхтар полғаннар.

Илҷілернің 16:4

Іди олар, саардаң саарға чӧріп, анда киртінчеткен кізілерге Иерусалимдегі илҷілернің паза тигіриб ах сағалларының чарадығларын, чахығларын толдыр турардаңар чоохтап турғаннар.