Илҷілернің 15:3 - Наа Молҷағ

³ Павелнең Варнава, тигіриб чонына ӱдестіртіп алып, Финикий паза Самар чирлерінҷе ирткеннер, андағы чонға иудей ниместернің Худайға киртін сыхханнарынаңар чоохтап, прай киртінчеткеннерні уғаа тың ӧріндіргеннер.

Илҷілернің 15:3 Referans Kwoze

Илҷілернің 14:27

Андар читкенде, тигіриб чонын чыып алып, Худай оларнаң ниме иткенінеңер, хайди Ол иудей ниместерге киртініссер ізік ас пиргенінеңер прай чоохтап пиргеннер.

Илҷілернің 21:5

Ол кӱннерні иртіріп алып, піс чорыхха сығып, чолыбысты аннаң андар узаратхабыс. Пісті прайзы ипчілерінең паза палаларынаң даа хада саар тастына теере ӱдескен. Суғ хазында, тізең, тізекке тӱзіп, пазырып алғабыс.

Титке 3:13

Ӱлгӱ пілігҷізі Зинаны паза Аполлосты чолға чахсылаан тимнеп сал: пір дее нимедең хызылбазыннар.

1 Коринфтегілерге 16:11

Аннаңар пірдеезі аны нимее салбин полбазын. Че ол минзер иптіг читсін тіп, амыр-хазых ӱдес салыңар. Мин харындастарымнаң аны сағыпчам нооза.

1 Коринфтегілерге 16:6

Сірер мині парған чирімзер ӱдес салар ӱчӱн, сірердӧк чуртап алам алай хыстап таа парыбызам.

Римдегілерге 15:24

Испан чирінзер чол сыхсам, сірерзер чидерге тіп сағынған полғам. Андар парирып, сірернең кӧрізіп, чоохтазып алғаныма кӧңнімні кӧмес тее тосхырған соонда, сірер мағаа чолымны аннаң андар узарадарға полыс пирерзер тіп ізенчем.

Илҷілернің 15:12

Анаң чыылған чон, тымыл парып, Варнаванаң Павелні искен. Олар хайди Худай оларнаң пастыра иудей ниместернің аразында хайхастар паза танығлар иткенінеңер чоохтааннар.

2 Коринфтегілерге 1:16

Македон чирінзер парирып, сірерзер кірерге пӧгінчеткем. Анаң, Македон чирінең сығып, пазох сірерзер парарға итчеткем. Сірер, тізең, мині Иудей чирінзер ӱдезібізерҷіксер.

Илҷілернің 28:15

Андағы харындастар, пістеңер ис салып, пісті Аппий Форумы аалда паза Ӱс Хоных Туразы тіп аал хыринда удурлааннар. Оларны кӧр салып, Павел Худайны алғыстаан, кӧңні, тізең, чарып парған.

Илҷілернің 13:52

Ӱгренҷілері, тізең, ӧрініснең паза Худай Худынаң тол чӧрібіскеннер.

Илҷілернің 13:48

Аны истіп, иудей ниместер ӧрінгеннер паза Хан Худай сӧзін сабландырғаннар. Мӧгі чуртасха салылғаннарының прайзы киртін сыххан.

Илҷілернің 8:14

Иерусалимдегі илҷілер, Самар чиріндегілернің Худай сӧзін чӱректеріне киргеннерін истіп, оларзар Пётрнаң Иоанны ысханнар.

Лука 15:32

че харындазыңның, ӧліг полып, тіріл килгеніне, чіт парып, табылғанына ӧрініп, кӱлеттирге кирекпіс».

Илҷілернің 1:15

Ана ол кӱннерде Пётр, ӱгренҷілернің аразында турып алып, чоохтанған.

Илҷілернің 15:1

Иудей чирінең килген кізілернің хай піреезі харындастарны, Моисей Чахии хоостыра сӱннет итпезеңер, арачылан полбассар тіп, ӱгреткеннер.

Илҷілернің 15:4

Иерусалимзер чит килгеннерінде, оларны тигіриб чоны, илҷілер паза тигіриб ах сағаллары удурлааннар. Павелнең Варнава Худай постарынаң ниме иткенінеңер паза иудей ниместерге киртініссер ізік ас пиргенінеңер оларға прай искір пиргеннер.

Илҷілернің 15:22

Андада илҷілер паза ах сағаллар, прай тигіриб чонынаң чӧптезіп алып, постарының аразынаң нинҷе-де кізі таллап алғаннар, анаң оларны Антиох саарзар Павелнең паза Варнаванаң хада ызарға чарат салғаннар. Оларның пірсі Варсава тіп солалығ Иуда, ікінҷізі Сила полған. Олар киртінчеткен харындастарның аразында пастыхтар полғаннар.

Илҷілернің 15:32

Иуданаң Сила, ухаанҷылар полғаннарынаңар, мындағы харындастарны кӧп ӱгредіп, оларның киртіністерін тыытханнар.

Илҷілернің 17:15

Хада килген кізілер Павелні Афин саарға читіре ӱдес салғаннар. Анаң, Павелдең Силанаң Тимофейні позынзар табыраанҷа ызыбызарға чахығ алып алып, нандыра пара халғаннар.

Илҷілернің 20:38

Ідӧк позының омазын паза кӧрбессер тееніне уғаа тың ачырғанғаннар. Анаң аны керіпке теере ӱдескеннер.