Илҷілернің 13:8 - Наа Молҷағ

⁸ Че сыбырағҷы Елима (іди адаҷаңнар Вариисусты), олардаң тоғыр полып, олтырых пастығын киртіністең хыйа тартарға кӱстенген.

Илҷілернің 13:8 Referans Kwoze

2 Тимофейге 3:8

Ианний паза Иамврий Моисейге тоғырланған чіли, пудурғы кізілер сын піліске тоғырланчалар. Оларның сағыстары ардап парған паза олар киртіністең чат халғаннар.

Илҷілернің 13:12

Андада олтырых пастығы, пол парған нимені кӧріп, Хан Худай ӱгредиине, тың таңнап, киртін сыххан.

Илҷілернің 9:36

Иоппи саарда Иисустың ӱгренҷізі Тавифа, анзы киик теені полча, тіп хыс чуртаан. Ол кӧп чахсы ниме иткен паза чох кізілерге паарсазын кӧбӧк читірҷең.

Илҷілернің 8:9

Олох саарда, алында сыбырағҷы полып, позын илбек кізі чіли кӧзідіп, Самардағы чонны таңнатчатхан Симон тіп аттығ пір кізі чуртаан.

Илҷілернің 6:7

Иерусалимде, Худай сӧзі чон аразында тарап, ӱгренҷілернің саны илееде хозыл парған. Абыстарның аразынаң даа кӧп кізі позын киртініске чағын иткен.

Иоанн 1:41

Ол, сах андох Симон харындазына тоғазып «Піс кізілер сағыпчатхан Мессийні (пу «Христосты» теені полча) таап алдыбыс» тіп, аны Иисуссар ағыл килген. Иисус, Симонны кӧріп, теен: – Син, Симон, Ионаның оолғы, Кифа (пу грек тілінде Пётр полча) тіп адаларзың.

Илҷілернің 18:12

Ахай чирінің пастығына Галлионны турғыс салғаннарында, иудейлер, пос аразында чӧптезіп алып, Павелні тудып алғаннар, анаң аны чарғаа ағыл килгеннер.

Илҷілернің 19:38

Димитрий паза аннаң хада полчатхан хоосчылар кемні-де хоптирға сағынчатсалар, андағ нимее чарғылар паза пастыхтар пар: андар удур-тӧдір хоптаныссыннар.