Илҷілернің 13:6 - Наа Молҷағ

⁶ Іди олар, прай олтырыхча чӧріп, Паф саарға чидіп, Вариисус тіп иудей кізее, сыбырағҷаа паза чой ухаанҷаа, тоғас парғаннар.

Илҷілернің 13:6 Referans Kwoze

Матфей 7:15

Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!

1 Иоанның 4:1

Хынғаннарым! Чир ӱстӱне кӧп чой ухаанҷылар тарап парған, аннаңар, урунған на кізее киртінмин, сыннаң оларның пастыра Худай Худы чоохтанча ба тіп, сыныхтап турыңар.

2 Коринфтегілерге 11:13

Андағ сын нимес илҷілер чой тоғынҷылар, Христостың илҷілері полаачыхтанчалар.

Марк 10:46

Анаң олар Иерихонзар читкеннер. Хаҷан Иисус Позының ӱгренҷілерінең паза хооп чӧрген илееде чоннаң хада Иерихоннаң сыхчатханнарында, чол хазында харах чох Вартимей, Тимейнің оолғы, кіленіп одырчатхан полған.

Матфей 24:24

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Матфей 16:17

Андада Иисус ағаа чоохтанған: – Часкалығзың син, Симон – Ионаның оолғы. Сағаа анзын кізілер нимес, че Тигірдегі Пабам ас пирген.

Азых чоох 19:20

Анаң аң паза чой ухаанҷы туттыр салғаннар. Ол чой ухаанҷы, аңның алнында хайхастар идіп, аңның таңмазын турғыстырып алғаннарны паза аның омазына пазырғаннарны алаахтырған полған. Ол ікӧлең кӧйчеткен сералығ кӧлзер тірігеӧк тастатхан.

2 Тимофейге 3:8

Ианний паза Иамврий Моисейге тоғырланған чіли, пудурғы кізілер сын піліске тоғырланчалар. Оларның сағыстары ардап парған паза олар киртіністең чат халғаннар.

Илҷілернің 13:8

Че сыбырағҷы Елима (іди адаҷаңнар Вариисусты), олардаң тоғыр полып, олтырых пастығын киртіністең хыйа тартарға кӱстенген.

Илҷілернің 13:13

Павел паза анынаң хада полған кізілер, Паф саардаң сығып, Памфилийдегі Пергий саарзар чӱс килгеннер. Че Иоанн, олардаң чарылып, Иерусалимзер нандыра парыбысхан.