Илҷілернің 13:5 - Наа Молҷағ

⁵ Анда олар, Саламин саарда халып, иудей синагогаларында Худай сӧзіне ӱгреткеннер. Иоанны даа, полыс пир турзын тіп, постарынаң хада ал чӧргеннер.

Илҷілернің 13:5 Referans Kwoze

Илҷілернің 13:14

Анаң олар, Пергийдең сығып, Писидийдегі Антиох саарзар читкеннер. Анаң субботада синагогазар кіріп, одыр салғаннар.

Илҷілернің 13:46

Андада Павелнең Варнава чалтанмин чоохтанғаннар: – Сірерге иң пурун Худай сӧстері чидерге кирек полған, че сірер, аны хыйа идіп, постарың постарыңны мӧгі чуртасха турыстығ нимес итчезер, піс, тізең, иудей ниместерзер айланчабыс.

Илҷілернің 19:8

Павел, синагогазар киліп, кізілернең чоохтазып, Худай хан-ӱлгӱзінеңер киртістіг иде ӱс айҷа чалтанмин ӱгреткен.

Илҷілернің 18:4

Суббота сай Павел синагогада иудейлернең паза гректернең чоохтазып, оларны киртіндірерге кӱстенген.

Илҷілернің 17:17

Аннаңар ол синагогада иудейлернең, Худайны улуғлапчатхан гректернең паза кӱннің сай тасхар тоғасхан кізілернең чоох апарған.

Илҷілернің 14:1

Икон саарда андағох ниме полған: Павелнең Варнава, иудейлер синагогазынзар кіріп, анда ӧтіг чоохтанғаннары сылтаанда уғаа кӧп иудейлер паза гректер киртін сыхханнар.

Илҷілернің 12:12

Ол, аар-пеер хайбағыныбызып, Марк тіп солалығ Иоанның Мария іҷезінің туразынзар килген. Анда кӧп кізі, чыылызып алып, пазырчатхан.

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

2 Тимофейге 4:11

Маркты позыңнаң хада алып, ағыл килерзің – ол мағаа нымзанарға кирек.

Колоссадағыларға 4:10

Миннең хада чабығда одырчатхан Аристарх сірерге изен читірче. Ідӧк Марк, Варнаваның чеені, изен читірче. (Марктаңар сірер чахығ алғазар: сірерзер килзе, удурлаңар аны.)

Илҷілернің 15:37

Варнава позынаң хада Марк тіп солалығ Иоанны алып аларға сағынған.

Илҷілернің 12:25

Варнава паза Савл, тізең, идерге пирілгенін толдыр салып, Иерусалимнең Антиох саарзар айлан килгеннер. Постарынаң хада Марк тіп солалығ Иоанны ағылғаннар.

Матфей 20:26

Че сірернің араңарда іди полбазын. Кем араңарда иң улии поларға сағынча, анзы сірерге нымысчы ползын.

Илҷілернің 19:22

Анаң ол, позына полысчатхан Тимофейнең Ерастты Македон чирінзер ызыбызып, позы ӱр нимеске Асий чирінде хала парған.

Илҷілернің 19:29

Прай саар хорылысха пат парған. Павелнең хада чӧрчеткен македон кізілерін, Гаийнең Аристархты, хаап алып, прайзы пір саңай чыылығлар иртчеткен орынзар чӱгӱрізе халған.