Илҷілернің 12:7 - Наа Молҷағ

⁷ Че мына Хан Худай ангелі кӧріне тӱскен, харибнің істі чап-чарых пола тӱскен. Ангел, Пётрны хабырға саринаң ідібізіп, усхурыбызып, теен: – Тур табырах. Сах андох ілҷірбелер Пётрның холларынаң тӱс парыбысханнар.

Илҷілернің 12:7 Referans Kwoze

Илҷілернің 5:19

Че хараазын Хан Худай ангелі, харибнің ізіктерін азып, оларны позыдыбызып, теен: –

Илҷілернің 16:26

Кинетін чирнің уғаа тың тітіреп сыхханына хариб тӧзінең прай чайхала тӱскен, анаң прай ізіктер аза чачырааннар, прайларының ілҷірбелері пос-пас тӱс парғаннар.

Илҷілернің 10:30

Корнилий чоохтанған: – Ӱс кӱн мының алнында мин пуох тусха теере ораза тутхам паза позымның турамда кӱнӧрте тоғыс час тузында пазырчатхам, кинетін алнымда пызыңнаас кип-азахтығ кізі тура тӱскен.

Ефестегілерге 5:14

Аннаңар тидірлер: «Тур, узупчатхан кізі, ӧлімнең тіріл кил, сині Христос чарыдыбызар».

Илҷілернің 2:24

Че Худай Иисусты, ӧлімнің хуҷаанаң позыдып, тірілдіріп алған. Ӧлімнің Аны позында тудып алҷаа чох полған нооза.

Лука 24:4

Олар іди ниме пол парғанын піл полбин турчатханнарында, кинетін чылтырах кип-азахтығ ікі ирен алныларында тура тӱскен.

Лука 2:9

Кинетін оларның алнында Хан Худайның ангелі тура тӱскен, Хан Худайның сабланызы, тізең, оларға чайылған. Олар уғаа тың хорых парғаннар.

Илҷілернің 12:23

Че кинетін Ирод, Худайны сабландырбааны ӱчӱн, Хан Худайның ангеліне саптыртыбысхан. Ирод хан, істінең хурттарға чиртіп, ӱреп парған.

Илҷілернің 9:3

Ол, іди парып, Дамаск саарға чидіп тее одырғанда, тигірдең аны кинетін чарых чарыдыбысхан.

Азых чоох 18:1

Аның соонда тигірдең тӱсчеткен пазох пір ангелні кӧр салғам. Ағаа илбек ӱлгӱ пирілген полған, прай чир ӱстӱ аның сабланызы пызыңнаанына чараан.

Еврейлерге 1:14

Ангеллер Худайның нымысчылары ла. Олар арачылан халар кізілернің нымызына чӧрерге турғызыл парғаннар.

Илҷілернің 12:6

Пётр Ирод ханға чон алнынзар сығартырар кӱннің алнындағы хараада, ікі ілҷірбенең палғат салып, ікі хадағҷының аразында узаан. Ізіктер хыринда даа хадағҷылар харибні хадарғаннар.

Матфей 2:13

Олар парыбысханда, Хан Худай ангелі, Иосифке тӱзінде киліп, теен: – Ирод пу Час Паланы, ӧдір саларға харазып, тілеп чӧрер. Тур, Час Паланы паза іҷезін алып, Египетсер тис. Анда мин искіріг пиргенҷе пол тур.

Илҷілернің 12:8

Ангел ағаа піди теен: – Хурчаныбызып, ӧдіктерің кизібіс. Пётр сах іди иткен. Анаң ангел теен: – Кибің кизіп алып, соомҷа пар.