Илҷілернің 12:3 - Наа Молҷағ

³ Иудейлернің анзына чӧпсінчеткеннерін кӧріп, Ирод хан Пётрны даа тудып алған. Андада Ачытпаан халас ӱлӱкӱн кӱннері полған.

Илҷілернің 12:3 Referans Kwoze

Илҷілернің 24:27

Ікі чыл ирт парған соонда, Феликстің орнына Порций Фест тіп кізі пастых полыбысхан. Че Феликс иудейлерге чахсы ит пирерге полып, Павелні харибде халғыс салған.

Иоанн 12:43

Олар, кізілернің аразындағы сабланысха Худайдаң тӱскен сабланыстаң артых хынғаннаңар, піди хылынғаннар.

Илҷілернің 25:9

Фест, иудейлерге чахсы идерге кӱстеніп, Павелге теен: – Сині пу ниме хоостыра чарғылирым ӱчӱн, Иерусалимзер парарзың ма? –

Галат чиріндегілерге 1:10

Ам мин кізілернің ме, Худайның ма чахсы хылынғанын тілепчем? Кізілернің кӧңнінҷе поларға кӱстенчем ме? Мин пу тузыма читіре кізілернің кӧңнінҷе пол чӧрерге харасхан ползам, Христостың хулы полбасчыхпын.

Илҷілернің 20:6

Піс, тізең, Ачытпаан халас ӱлӱкӱні соонда Филипп саардаң чӱс парыбысхабыс. Анаң писче кӱн пазынаң оларға Троада саарда читкебіс. Анда читі кӱн полғабыс.

1 Фессалониктегілерге 2:4

Че Худай пісті Чахсы Хабар тарадарға турғысханда, піс, кізі кӧңніне кірерге нимес, че чӱреебісті сынапчатхан Худайның кӧңніне кірерге полып, чоохтапчабыс.

Иоанн 21:18

Сынны сағаа чоохтапчам, чиитте син позың, хурчанып алып, хайдар хынзаң, андар чӧрҷеңзің. Киріп парзаң, тізең, холларыңны сунарзың, сині пасха кізі, хурчап алып, син хынминчатхан чирзер апарар, – теен Иисус.

Иоанн 19:11

Сағаа Худайдаң пирілбеен полза, Мині чарғылаҷаң пір дее ӱлгӱң чох поларҷых. Мині садыбысхан кізілернің чазығы синің чазығыңнаң улуғ, – нандырған Иисус.

Матфей 26:17

Ачытпаан халас ӱлӱкӱнінің пастағы кӱніндӧк ӱгренҷілері, Иисуссар пас киліп, сурғаннар: – Піс Сағаа Па́сха тіп ӱлӱкӱннің чиизін хайда тимнеп пирибіс тіп сағынчазың?

Илҷілернің 4:13

Пётрнаң Иоанның махачы тудынчатханнарын кӧріп, оларның, пічікчіл нимес, олаңай кізілер полчатханнарын сизініп, таңнааннар. Олох туста оларда Иисуснаң хада полған кізілерні танааннар.

Илҷілернің 2:14

Андада Пётр, он пір илҷінең хада тура хонып, оларға тыыда чоохтанған: – Иудей нанҷылар паза прайзыңар, кем Иерусалимде чуртапча! Мынзын сірерге пілдістіг иде чоохтап пирим, сӧстерімні истіп алыңар:

Илҷілернің 12:4

Ирод хан Пётрны, тудып алып, харибге чаап салып, он алты чааҷаа тӧртердең теести хадарарға чахығ пирген. Ол Пётрны Па́сха ӱлӱкӱні соонда, чон алнынзар сығарып, чарғылирға сағынған.