Илҷілернің 11:23 - Наа Молҷағ

²³ Ол, пеер киліп, Худайның паарсазы пуларға пирілгенін кӧріп, ӧрін парып, прайзын Хан Худайға азых чӱрекнең сын поларға хығырған.

Илҷілернің 11:23 Referans Kwoze

1 Коринфтегілерге 15:58

Аннаңар, хынған харындастарым, пик сағыстығ, тӧдір пазынмас полыңар. Хан-пигнің алнында сірер итчеткен кирееңер тик полбинчатханын пілчеткеннеріңде, Хан-пигнің киреенде маңнанысха чидіңер.

Илҷілернің 14:22

Піске Худайның хан-ӱлгӱзінзер кӧп хыйаллар пастыра кірерге килізер тіп ӱгредіп ала, Худайға киртінерге хығырғаннар паза ӱгренҷілернің кӧңні-сағыстарын тыытханнар.

Илҷілернің 13:43

Чыылған чон таразыбысханда, кӧп иудейлер паза иудейлерге хозылған иудей ниместер Павелнің паза Варнаваның соонҷа парғаннар. Павелнең Варнава, кізілернең чоохтазып, оларны Худай паарсазында поларға чӧптееннер.

1 Иоанның 2:28

Аннаңар, палаларым, Иисус Христосха киртініңер. Андада Ол килзе, піс чалтанмаспыс паза Аның алнында уйатпин турарбыс.

2 Тимофейге 3:10

Че син пілчезің минің ӱгредиимні, хайди чуртапчатханымны паза чуртазымның пӧгінін. Син минің киртінізімні, ханҷа мин ирееленгенімні пілчезің. Минің хынызымны паза ӱр тыстанғанымны даа пілчезің.

Колоссадағыларға 1:6

Ол сӧс сірернің араңарда паза тиксі-тилекейде чӧрче. Ол, ӧзіп, ниміс пирче. Ідӧк сірер Худайның сын паарсазын піліп алған кӱннең пасти сірерде дее ол сӧс ниміс пирче.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

3 Иоанның 1:4

Мағаа палаларымның Сынға киртінчеткеннерінеңер истердең артых ӧрініс чоғыл.

Илҷілернің 14:26

Андартын олар Антиох саарзар чӱс парыбысханнар. Анда олар пу тоғыстарына Худайдаң алғас алған полғаннар, амды, тізең, олар аны толдыр салғаннар.

Иоанн 15:4

Мыннаң мындар даа киртініңер Мағаа, Мин дее сірерде полим. Тӧс чох салаа чистек пирбес, сірер дее ідӧк, Мин чох, чистек пирбессер.

Матфей 16:24

Андада Иисус Позының ӱгренҷілеріне чоохтанған: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

2 Коринфтегілерге 1:17

Іди пӧгінгенде, мин ниик сағыстығ полбаам нооза. Кізі сағызы хоостыра даа идер чоғылбын. Пірде «йа, йа», анаң «чох, чох» тіп чӧрбинӧкчем.

Илҷілернің 20:32

Амды даа, харындастар, мин сірерні Худай холына пирчем. Аның паарсастығ сӧзін ундутпаңар! Ол сірерні аннаң андар ӱгрет полар, ідӧк Худай позының прай кізілеріне пирчеткен алғастардаң сірерге дее пир полар.

Илҷілернің 15:40

Павел, тізең, Силаны таллап алған, анаң харындастар пастыра Худай алғазын алып, чорыхха сығыбысхан.

Марк 2:5

Иисус, оларның андағ киртіністерін кӧріп, ол ағырығ кізее теен: – Оолғым! Синің чазыхтарың позыдылчалар.

Илҷілернің 4:36

Іди Иосий, Кипр олтырыхтаң сыххан паза илҷілерге Варнава тіп солалатхан (анзы «Часхарыс оолғы» теені полча) левит,

Римдегілерге 12:8

Часхарары пирілген полза, часхар. Ӱлезері пирілген полза, азых кӧңніңнең ӱлес. Устиры пирілген полза, анзын харазып ит. Чахсы идері пирілген полза, чалахай кӧңніліг итчет.

2 Коринфтегілерге 6:1

Піс, тізең, Худайнаң хада тоғынчатханнар, Ол пирген паарсасты сірерні тик ле алған полбазыннар тіп, сірерге алданчабыс.

1 Петрның 5:12

Мин мыны Силуаннаң пастыра хысхаҷахти пас салдым. Мин аны киртістіг харындазыбысха санапчам. Сірернің кӧңніңерні кӧдір пирерге паза прай пу ниме Худайның сын паарсазы полчатханын киречілирге сағынчам. Пу паарсаста сыбыра полчадыңар.

Иуданың 1:4

Худайны улуғлабинчатханнарның піреелері сірернің араңарға кіріп алғаннар. Олар постарының чӧреес оңдайларын Худайның паарсазынаң ахтапчалар паза пістің Ээбіс полчатхан Худайнаң Хан-пигібіс Иисус Христосты хыйа итчелер. Ол кізілернің чарғыладарларынаңар Худай Пічиинде хаҷанох пазылған полған.