Илҷілернің 10:43 - Наа Молҷағ

⁴³ Прай ухаанҷылар киречілепчелер Иисустаңар паза Ағаа киртінчеткен полған на кізінің чазыхтардаң Аның адынаң позып поларынаңар.

Илҷілернің 10:43 Referans Kwoze

Илҷілернің 2:38

Пётр, тізең, оларға теен: – Полғаныңар ла, чазыхтарыңнаң хыйа полып, чазыхтарыңны позыттыртып алар ӱчӱн, Иисус Христостың адынаң кіреске тӱзіңер. Андада Худай Худын тикке аларзар.

Римдегілерге 10:11

Худай Пічии киртінчеткен кізі Аннаң ӱчӱн уйатха кірбес тіп чоохтапча нооза.

1 Петрның 1:11

Ухаанҷы кізілерде полған Христостың Худы Христостың ирееленістерінеңер паза Аның соондағы сабланызынаңар оларға азынада чоохтаан. Олар анзын хаҷан паза хайди поларын істескеннер.

Римдегілерге 5:1

Піс киртінізібіс пастыра ахтанып алғаныбыста, Хан-пигібіс Иисус Христостаң пастыра Худайнаң ынағ пол парғабыс.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Римдегілерге 8:34

Кем чарғылир? Пірдеезі. Христос Иисус ӧл парған, че тіріл парған. Ол Худайның оң саринда одырча паза пістің алныбысты алча.

Илҷілернің 26:22

Пӱӱнгі кӱнге теере Худай мағаа полысхан. Мин, турып, мындағ ниме поларынаңар ухаанҷыларның паза Моисейнің чоохтааннарынаң артых пір дее ниме чоохтабин, улуғ-кічіге киречілепчем:

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 15:9

Пірдеебісті пасхалабин, иудей ниместернің чӱректерін киртініснең арығлабысхан.

Илҷілернің 3:16

Иисустың адына киртініс ӱчӱн, Аның ады пу сірер кӧрчеткен паза таныпчатхан кізінің саан кирді. Аннаң килчеткен киртініс, тізең, ағаа прайзыңарның кӧзіне хазыхтаныс пирді.

Иоанн 20:31

Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Марк 16:16

Киртінгеннері, кіреске тӱскеннері арачылалар, киртінмееннері чарғыладар.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Галат чиріндегілерге 3:22

Че Худай Пічии прайзын чазыхтығ тіп чарлаан. Аннаңар Худай молҷаа Иисус Христосха киртініс пастыра киртінчеткеннерге пирілче.

Еврейлерге 13:20

Иисус Худайның мӧгі Молҷаан Позының ханынаң таңмалабысхан. Ол оңдайнаң Ол Позының хойларының Илбек хадарҷызы полыбысхан. Амыр пирчеткен паза Иисусты тірілдірібіскен Худай сірерні ноо даа чахсы кирекке пик итсін. Чахсы киректер идіп, сірер Аның кӧңнін толдырчазар. Ол, тізең, Иисус Христостың пастыра сірерде тоғыс апарып, Позының кӧңніне кірер иде сірерні алыстырча. Иисусха хаҷан даа сабланыс ползын! Аминь.

Колоссадағыларға 1:14

Оолғының ханы пастыра Худай пісті пос ит салған паза чазыхтарыбысты позытхан.

Ефестегілерге 1:7

Худай паарсасха пай, аннаңар Ол, Христостың пастыра, Аның ханынаң пісті пос ит салған паза чазыхтарыбысты позытхан.

Римдегілерге 6:23

Чазыхтың тӧлее ӧлім, нооза. Худайның сыйии, тізең, Хан-пигібіс Иисус Христоста мӧгі чуртас.

Илҷілернің 3:18

Худай, Мессийге ирееленерге килізерінеңер, ухаанҷылары пастыра хаҷанох чарлаан полған, амды, тізең аны, толдыр салған.

Иоанн 1:45

Филипп, Нафанаилге тоғазып, чоохтанған: – Піс Моисей Чахиинда паза ухаанҷыларның пічиинде пазылған Кізіні таап алғабыс. Ол Назареттегі Иосифтің оолғы Иисус. –

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Римдегілерге 3:21

Амды, тізең, Худайның ахтазы чахығдаң алынҷа азыл парған. Анзынаңар чахығ паза ухаанҷылар киречілепчелер.