Илҷілернің 1:8 - Наа Молҷағ

⁸ Че Худай Худы сірерге тол парза, кӱс алынарзар, андада сірер Иерусалимде дее, прай Иудей чирінде дее, Самар чирінде дее, чирнің хыринда даа Минің киречілерім поларзар.

Илҷілернің 1:8 Referans Kwoze

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Марк 16:15

Анаң оларға теен: – Тиксі-тилекейге тараңар паза Чахсы Хабарны прай тіріг-тынныға читіріп, ӱгредіңер.

Римдегілерге 15:19

Ол анзын танығларнаң паза хайхастарнаң, Худай Худының кӱзінең иткен. Аннаңар мин Христостың Чахсы Хабарына Иерусалимнең Иллирикке читкенҷе ӱгрет парғам.

Илҷілернің 5:32

Анзына піс паза Худай Позының сӧзін исчеткеннерге пирген Худай Худы киречілер.

Илҷілернің 4:33

Илҷілер, тізең, илбек кӱснең Хан-пиг Иисус Христостың тіріл килгенінеңер киречілееннер. Илбек паарсас оларда прайзында полған.

Илҷілернің 6:8

Стефан, тізең, киртінізі пастыра паза Худай кӱзінең кізілер аразында илбек хайхастар паза танығлар иткен.

Римдегілерге 10:18

Че мин сурчам: олар испееннер бе? Чох, искеннер. Прай чир-чалбахха хабар истілген, тилекейнің хыри-пазына сӧстер тарааннар.

Иоанн 15:27

Сірер дее, Миннең хада пастағызынаңох сығара полғаннарың ӱчӱн, Миннеңер киречілирзер.

Лука 10:19

Мин сірерге чыланнарны, скорпионнарны пасхлаҷаң паза ыырҷының прай кӱзін асчаң ӱлгӱ пиргем, пір дее ниме сірерге хомай ит полбас.

Илҷілернің 1:5

Иоанн суғнаң кіреске тӱзірген, сірер, тізең, хай пірее кӱн мының соонаң Худай Худынаң кіреске тӱзерзер.

Матфей 24:14

Че пастап, пу Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар. Анаң на тӱгенҷізі килер.

Илҷілернің 2:32

Мына пу Иисусты Худай тірілдірген, анзына піс прайзыбыс киречілербіс.

Илҷілернің 22:15

Син, искен-кӧрген нимелердеңер чоохтап, прай кізілер алнында Аның киречізі поларзың нооза.

Илҷілернің 13:31

Кӧп кӱннер изере Ол позынаң хада, Галилей чирінең сығып, Иерусалимзер килген ӱгренҷілеріне кӧрін кил турған. Амды, тізең, олар чонға Аннаңар киречілепчелер.

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Илҷілернің 3:15

Чуртастың Пастығын, тізең, ӧдір салғазар. Худай Аны ӧліглер аразынаң тірілдірген, анзына піс киречілербіс.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

Илҷілернің 1:22

Ідӧк ол кізі, Иоанның кіреске тӱзіргенінең пастади Иисустың тигірзер ӧӧрлеен кӱніне теере, піснең хада полып, Иисустың тірілгеніне киречі полғаннарның пірсі поларға кирек.

Илҷілернің 8:1

Савл Стефанны ӧдіргеннеріне чӧпсінген. Олох кӱннерде Иерусалимдегі тигіриб чоны хатығ сӱргінге хаптырт сыххан. Илҷілердең пасха прайзы даа Иудейнің паза Самарның аймах-пасха чирлеріне тарап чӧрібіскен.

Лука 24:29

Че ӱгренҷілері, Аны тохтадып, тееннер: – Хал піснең хада; кӱн хонып, иир поларға чӧр. Иисус, аалзар кіріп, оларнаң хада халған.