Илҷілернің 1:14 - Наа Молҷағ

¹⁴ Олар, хай піреелері ипчілерінең хада, ідӧк Иисустың іҷезі Мария паза Аның харындастары прайзы, удаа хада чыылызып, сурынып, пазырҷаңнар.

Илҷілернің 1:14 Referans Kwoze

Ефестегілерге 6:18

Аймах-пасха алданыстарнаң паза сурыныстарнаң полған на сай Худай Худы устаан оңдайынҷа пазыр турыңар. Прай ах-арығларның ӱчӱн Худайзар сурыныснаң сыбыра айланып, сиргек тудыныңар.

Илҷілернің 6:4

Піс, тізең, тӧреміл Худайға пазырып, Аның сӧзін тарадарбыс.

Колоссадағыларға 4:2

Сыбыра пазырчадыңар, пазырчатса, сиргек полыңар паза алғыстаңар.

Илҷілернің 2:42

Олар, тӧреміл илҷілернің ӱгредіглерінде полып, тоғазығларда аралазып, хада чиис чіп, пазыр турҷаңнар.

Римдегілерге 12:12

Ізеніс парда, ӧріністіг полыңар, чобағда тыстаныстығ полыңар, сыбыра пазырчадыңар.

Лука 18:1

Анаң Иисус хаҷан даа пазырарға кирек полчатханнаңар паза ізеністі чідірбестеңер кип-чоох чоохтап пирген. –

Матфей 21:22

Киртініп ала, Худайдаң ниме дее сурзаңар, ол нимені аларзар.

Илҷілернің 2:1

Иліг кӱн пайрамында илҷілер прайлары пір турада хада пір сағыстығ полғаннар.

Лука 11:13

Сірер, чабал даа ползаңар, палаларыңа чахсыны пир пілчетсер, Тигірдегі Паба даа сурынчатханнарға Худай Худын хайди пирбес.

Илҷілернің 2:46

Кӱннің сай олар храмда хаданаң хада полҷаңнар, тураларында даа, чіҷең ниме тимнеп, ачых-чарых паза арығ чӱректіг азыранҷаңнар.

Лука 24:53

Анаң олар, Худайны сабландырып паза алғап, сыбыра храмда полғаннар. Аминь.

Матфей 12:46

Иисус турада чоннаң чоохтасчатхан туста, Аның іҷезінең харындастары, тасхар турып, Анынаң чоохтазып аларға хынғаннар.

Лука 24:10

Ана олар: Мария Магдалина, Иоанна, Иаковтың іҷезі Мария паза оларнаң хада полған пасха даа ипчілер пу нимелердеңер илҷілерге чоохтап пиргеннер.

Лука 23:55

Иосифтің соонҷа Галилей чирінең пеер Иисуснаң хада килген ипчілер парғаннар. Иисусты хайда паза хайди чығанын кӧргеннер.

Лука 23:49

Иисусты пілгеннернің прайзы, Аның соонҷа Галилей чирінең пеер килген ипчілер, тастыхти турып, ниме полчатханын кӧрчеткеннер.

Марк 16:1

Суббота ирткенде, Мария Магдалина, Иаковтың іҷезі Мария паза Саломий Иисустың сӧӧгін сӱртклир чахсы чыстығ хайахтар садып алғаннар.

Марк 15:40

Мындох ипчілер оортахтын кӧр турғаннар. Оларның аразында Мария Магдалина, Кічіг Иаков паза Иосий харындастарның іҷезі Мария паза Саломий полғаннар.

Матфей 27:55

Анда Галилей чирінең сығара Иисустың соонҷа чӧрген паза Ағаа полызып ала килген кӧп ипчі Иисуссар ырахтын кӧр турған.

Лука 24:33

Олар, сах андох тыхтанып, Иерусалимзер айланғаннар, анаң он пір ӱгренҷіні паза оларнаң хада чыылған кізілерні таап алғаннар.

Лука 8:20

Андада кем-де Иисусха искір пирген: – Іҷеңнең харындастарың тасхар турчалар, Синнең тоғазып аларға хынчалар. –

1 Коринфтегілерге 14:13

Аннаңар таныс нимес тілнең чоохтанчатхан кізі тӱптестіре чоохтап поларға сыйых алардаңар пазыр.