Иаковтың 4:4 - Наа Молҷағ

⁴ Чӧреестер, пілбинчезер бе, пу Худайы чох чуртаснаң ынағласханы, Худайнаң ыырласханы полча. Кем андағ чуртаснаң ынағласча, ол Худайның ыырҷызы пол парар.

Иаковтың 4:4 Referans Kwoze

Римдегілерге 8:7

Кізінің пос кӧңнінҷе полғаны Худайға тоғыр. Аның ӱчӱн кізі Худай Чахииның ӱлгӱзіне кірбинче, сынында кір полбиндаача.

Галат чиріндегілерге 1:10

Ам мин кізілернің ме, Худайның ма чахсы хылынғанын тілепчем? Кізілернің кӧңнінҷе поларға кӱстенчем ме? Мин пу тузыма читіре кізілернің кӧңнінҷе пол чӧрерге харасхан ползам, Христостың хулы полбасчыхпын.

Иоанн 15:19

Сірер чир-чалбахтағы кізілер полған ползаңар, андада чир-чалбах сірерге хынарҷых. Че сірер чир-чалбахтаң нимессер, Мин сірерні чир-чалбахтаң таллап алғаннаңар, чир-чалбахтағы кізілер сірерні хырт кӧрчелер.

Матфей 6:24

Пір дее кізі ікі пастыхха чалҷы пол полбас. Пірсіне хынып, паза пірсіне, тізең, хыртыстанып, пірсінде кӱстеніп хайынып, паза пірсін нимее салбас. Пір саңай ікізіне, Худайға паза алтынға, чалҷы пол полбассар. –

Иоанн 17:14

Мин оларға Синің сӧзіңні читіргем, че Мин дее, олар даа пу чир-чалбахти полбааннарынаңар, чир-чалбахтағы кізілер оларны хырт кӧргеннер.

Иаковтың 1:27

Худай Пабабысха арығ, пырозы чох пазырғаны – ол ӧкістердеңер паза чалғыс чарым халған ипчілердеңер сағыссырааны паза посты пу чуртастың хынығыстарынаң хайраллааны.

Римдегілерге 5:10

Піс Худайнаң ыырласхан туста Ол піснең Позының Оолғының ӧлімінең пастыра чарас салған. Ам, тізең, чарас салғаныбыста, Аның чуртазы пастыра улам арачылан поларбыс.

Матфей 16:4

Худайдаң хыйа полған чабал тӧл! Худай танығларын кӧрерге сурынчазар ба? Чох! Иона ухаанҷының таниинаң пасха пір дее танығ пирілбес сірерге. Анаң оларны халғыс салып, Ол хыйа пас парыбысхан.

Иоанн 7:7

Мин, оларның иткен киректері хомай полчатханын чоохтапчатханым ӱчӱн, олар Мині хырт кӧрчелер, сірерні, тізең, хырт кӧрбинчелер.

Лука 19:27

Мині постарының ханы идерге хынмаан ыырҷыларымны, пеер ағыл киліп, минің алнымда соғыбызыңар».

Матфей 12:39

Че Иисус оларға нандырған: – Худайдаң хыйа полған чабал тӧл хайхастығ танығны кӧрерге сағынадыр. Иона ухаанҷының таниинаң пасха пір дее танығ сірерге пирілбес.

1 Коринфтегілерге 1:20

Хайда хыйғалары, Моисей Чахии пілігҷілері хайда, пу тустың ӱзӱрігҷілері хайда? Тилекейнің хыйғазын Худай алҷаағысха айландыр салбады ба?

1 Коринфтегілерге 1:21

Тилекей позының хыйғазынаң Худайны Аның хыйғазында піліп албааннаңар, Худай киртістіглерні «нимее чарабаан» ӱгредігдең арачылап халарға иткен нооза.