Иаковтың 2:1 - Наа Молҷағ

¹ Харындастарым! Хайди сірер, сабланыс Хан-пигіне Иисус Христосха киртініп ала, олох туста кізілерні талластырадырзар?

Иаковтың 2:1 Referans Kwoze

Иаковтың 2:9

Че сірер, кізілерні талластырчатсаңар, чазых итчезер, чахығ сайбағҷылары пол парчазар.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

Иаковтың 2:3

сірер, пай тонанғанына кӧріп, «тӧрзер иртіп одырыңар», чох-чоозына, тізең, «син тігде тур сал» алай «мында, азаам хыринда одыр» тіп салзаңар,

Иуданың 1:16

Андағ кізілер хаҷан даа чӧпсееренмин чӧріп, удур-тӧдір пыролазадырлар. Олар хан ойназына тартыл чӧрібісчелер, кӧкеесімненізіп, махтанысчалар, пос тузазын на сағынып, чойырхап чӧрчелер.

1 Тимофейге 5:21

Худайнаң паза Хан-пигібіс Иисус Христоснаң паза аның таллаан Ангеллерінең алданчам: пірдеезінің сарин албин, пос кӧңніне ле салынмин, пу чахығларымны толдырчат.

Матфей 22:16

Анаң постарының хай пірее ӱгренҷілерінең хада Ирод ханға чағын кізілерні Иисуссар ысханнар. Олар, парып, сурғаннар: – Ӱгретчі! Піс пілчебіс, Син кӧні кізізің, Худайның чолынҷа парарға сын ӱгретчезің. Син пірдеезінең чалтанминчазың, пірдеезіне чалғанминчазың.

1 Коринфтегілерге 2:8

Пу хыйға сағысты амдығы тустарның ӱлгӱлері піліп албааннар. Пілген ползалар, тізең, сабланыс Хан-пигін кіреске хазабасчыхтар.

Азых чоох 14:12

Ах-арығлар, Худайның чахығларын толдырчатханнар паза Иисустың ізестіг кізілері сыдазарға киректер.

Илҷілернің 20:21

Мин иудейлерні дее, гректерні дее, чазыхтаң хыйа полып, Худайзар айланарға паза пістің Хан-пигібіс Иисус Христосха киртінерге ӱгреткем.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

Титке 1:1

Павел – Худай хулы, Иисус Христостың илҷізі. Мин Худай таллааннарға киртініс читірерге, оларны сынға паза Худайның кӧңніне чарапчатхан чуртасха ӱгредерге ызылғам.

Колоссадағыларға 1:4

Піс сірернің Христос Иисусха киртінчеткеннеріңні паза прай ах-арығларға хынчатханнарыңны искебіс.

Еврейлерге 1:3

Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.

Римдегілерге 1:11

Минің сірерні кӧрерім тың килче. Минің Худай Худының сыйыхтарынаң ӱлезерім килче: сірернің кӧңнілеріңні пик идерге,

Илҷілернің 24:24

Нинҷе-де кӱн ирт парғанда, Феликс позының иудей ипчізінең, Друзилланаң, хада киліп, Павелні хығыртып алып, аның Иисус Христосха киртіністеңер чооғын искен.

Илҷілернің 7:2

Че Стефан піди нандырған: – Харындастар паза пабалар, истіңер! Сабланыс Худайы пістің ӧбекебіс Авраамға, хаҷан ол Харран саарзар кӧскелекте, Месопотам чирінде кӧрінген.

Илҷілернің 10:34

Пётр чоохтан сыххан: – Худайның прай чоннарға пір син хайчатханын амды сынап кӧрчем.

Еврейлерге 12:2

Иисусха кӧрееңер. Ол пістің киртінізібісті пастабызып, аны толдыра итче. Аны сағыпчатхан ӧріністі Иисус пілген. Че пастап, Ол уйаттаң хорыхпин, кіресте ирее кӧрген. Амды, тізең, Ол Худайның оң саринда одырча.

Иаковтың 1:16

Хынған харындастарым, постарыңны алаахтырынмаңар.

Иаковтың 1:19

Піліңер зе, хынған харындастарым, ноо даа кізі истерге чапчаң ползын. Чоохтанарға, ӧкпеленерге маңзырабас ползын.