Иаковтың 1:26 - Наа Молҷағ

²⁶ Худайға орта пазырчам тіп сағынып ала, олох туста тіліңе сыданминчатсаң, син позың позыңны алаахтырчазың паза синің пазырғаның пір дее нимее турбинча.

Иаковтың 1:26 Referans Kwoze

Ефестегілерге 4:29

Ахсыңардаң пір дее хомай сӧс сыхпазын. Сірерні исчеткен кізілерге чахсы ползын тіп, киртініске ӱгредерге полысчатхан сӧстерні ле чоохтап турыңар.

1 Петрның 3:10

Кем чуртасха хынча паза чахсы кӱннерні кӧрері килче, ол кізі ахсын чабал сӧстердең, тілін чой чоохтардаң тудынып одырзын.

Ефестегілерге 5:4

Хырызынарға даа, тілге пызып, кізее кӱлген чіли чоохтанарға даа сірерге киліспинче. Іди идер орнына, Худайны алғыстап турыңар.

Колоссадағыларға 4:6

Сурған кізее хайди нандырарын піліңер: сӧстерің паарсастығ паза ӧтіг ползын.

Иаковтың 1:22

Посты алаахтырып, сӧсті истееҷік полбаңар, че аны толдырчатхан кізі полыңар.

Иаковтың 1:19

Піліңер зе, хынған харындастарым, ноо даа кізі истерге чапчаң ползын. Чоохтанарға, ӧкпеленерге маңзырабас ползын.

Лука 8:18

Аннаңар сиргек полыңар: кемде пар, ағаа хоза пирілер; кемде чоғыл, анзының пар ползын тіп сағынчатхан нимезі дее алылар.

Галат чиріндегілерге 6:3

Пір дее нимее чарабинчадып, позын кӧдірчеткен кізі позы позын алаахтырча.

Галат чиріндегілерге 2:6

Тигірибнің улуғларынаңар чоохтаза, мин кізілерні талластырбинчам. Худай даа талластырбинча. Олар, тізең, улуғлар, Чахсы Хабарға ӱгреткеніме хоза ниме хыспааннар.

Марк 7:7

Чонның кибір-чозахтарына ла кізілерні ӱгредіп, Мині тик ле улуғлаачых полчалар».

1 Коринфтегілерге 15:2

Сірер минің ӱгреткенім хоостыра Чахсы Хабарны сағыстарыңда тутчатсаңар паза ағаа киртіністерің тик-хуруғ полбинчатса, Чахсы Хабарнаңох арачыланып аларзар.

Матфей 15:9

Чонның кибір-чозахтарына ла кізілерні ӱгредіп, Мині тикке ле улуғлаачых полчалар».

1 Коринфтегілерге 15:15

Ағаа хоза, піс тее Худайдаңар чой киречі пол парчабыс. Піс Худай Христосты тірілдірібіскен тіп киречілепчебіс нооза. Ӧліглер тірілбинчеткенде чи зе, Худай Христосты тірілдірбеен пол парча.

Иаковтың 2:20

Син, алығ кізі, чахсы киректері чох киртіністің тузазы чоғын хаҷан оңарып аларзың?

Галат чиріндегілерге 3:4

Анҷа кӧп сыдас парғаннарың тузазы чох полды ба? Йо, ол сыннаң даа тузазы чох полған ма?

Галат чиріндегілерге 2:9

Тигірибнің орха-сӧӧгіне саналчатхан Иаков, Кифа паза Иоанн, мағаа пирілген паарсастаңар піл салып, хада полчатханыбысты киречілеп, мағаа паза Варнаваа холларын пиргеннер. Олар пістің пасха чоннарзар, постары, тізең, иудейлерзер парарларынаң чарас салғаннар.

1 Коринфтегілерге 3:18

Пос посты пірдеезі алаахтырбазын. Кем пу тустарда хыйға чӧрерге сағынчатхан полза, ол, хыйға полары ӱчӱн, сағызы чох ползын.