Иаковтың 1:22 - Наа Молҷағ

²² Посты алаахтырып, сӧсті истееҷік полбаңар, че аны толдырчатхан кізі полыңар.

Иаковтың 1:22 Referans Kwoze

Римдегілерге 2:13

Худай чахығны исчеткен кізілерні орта чоллығ кізілер тіп санабинча, че чахығны толдырчатхан кізілерні ахтапча.

Иоанн 13:17

Сірер, пу нимені пілчетсер паза толдырчатсар, часкалығзар.

Иаковтың 4:17

Чахсыны ит полар кізі аны итпинчетсе, ағаа ол чазыхха саналар.

1 Иоанның 2:3

Худайны пілчеткенібісті хайди піліп алчабыс? Аның чахығларын толдырып.

Лука 11:28

Худай сӧзін дее, истіп, толдырчатханнар, часкалығлар! – нандырған Иисус.

Матфей 12:50

Кем Тигірдегі Пабамның кӧңнін толдырча, ол Минің харындазым, пиҷем паза іҷем полча.

Колоссадағыларға 3:17

Ниме дее итчетсеңер, чоохтапчатсаңар, Хан-пигібіс Иисус Христостың адынаң итчедіңер. Аның пастыра Худай Пабабысты алғаңар.

Азых чоох 22:7

«Мына, тӱрчедең килербін! Пу пічікте пазыл парған ухаанҷыластың сӧстерінҷе чуртапчатхан кізі часкалығ», – тіпче Иисус Христос.

1 Иоанның 3:7

Палаларым! Сірерні пірдеезі хаңыртпазын. Иисус Христос чіли орта итчеткен кізі позы даа орта кізі.

Иаковтың 1:26

Худайға орта пазырчам тіп сағынып ала, олох туста тіліңе сыданминчатсаң, син позың позыңны алаахтырчазың паза синің пазырғаның пір дее нимее турбинча.

Галат чиріндегілерге 6:7

Алаахтырынмаңар: Худайға пірдеезі кӱл полбас. Кізі позы таарыпчатхан нимені чыып алча.

3 Иоанның 1:11

Хынғаным! Хомай нимее кӧӧкпин, чахсы ниме ит. Чахсы ниме итчеткен кізі Худайни. Хомай ниме итчеткен кізі Худайны кӧрбеен.

Галат чиріндегілерге 6:3

Пір дее нимее чарабинчадып, позын кӧдірчеткен кізі позы позын алаахтырча.

1 Коринфтегілерге 6:9

Алай киртініс чохтарға Худай хан-чирі пирілбезін пілбинчезер бе? Пос посты алаахтырбаңар. Сайбахтарға даа, кізі холынаң иділгенге пазырчатханнарға даа, чӧреечі кізілерге дее, ир ирнең хонысчатханнарға даа,

1 Иоанның 1:8

Пісте чазых чоғыл тіпчетсебіс, андада піс позыбысты алаахтырчабыс, паза пісте сын ниме чоғыл.

Филипптегілерге 4:8

Тӱгенҷізінде, харындастар, сын, ах сағыстығ, орта, арығ, хыныстығ, турыстығ чахсы паза махтағлығ ла нимедеңер сағыныңар.

1 Коринфтегілерге 15:33

Пос посты алаахтырынмаңар: «чабал кізілернең нанҷыласханы чахсы хылыхтарны ардатча».

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

2 Петрның 2:13

Олар постары иткен сайбағларының ӱчӱн хатығладарлар. Кӱн хараанаң чалтанмин, постарының хыҷыхтаныстарына салынчалар, кӧңнілерін тосхырчалар. Олар сірерні уйатха сухчалар паза, сірернең хада азыранып, сірернӧк кірнең порап салчалар. Олох туста сірерні алаахтырып алғаннарына ӧрінчелер.

Титке 3:3

Хаҷан-да піс тее, ырах сағынмин, сӧс испин, астых чӧрген полғабыс. Хыҷаланыстарға, чуртас хыниина салынған хуллар полғабыс, чабалласта, істі чохтаныста, удур-тӧдір хырт кӧрізіп чуртаабыс.

1 Коринфтегілерге 3:18

Пос посты пірдеезі алаахтырбазын. Кем пу тустарда хыйға чӧрерге сағынчатхан полза, ол, хыйға полары ӱчӱн, сағызы чох ползын.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

Иаковтың 4:11

Харындастар, удур-тӧдір хоп сығарыспаңар. Харындазының соона тӱсчеткен алай аны ӱзӱрчеткен кізі чахығны хоптапча. Чахығны ӱзӱрчетсең, син аны толдырбинчазың, че чарғылапчазың.