Иаковтың 1:12 - Наа Молҷағ

¹² Сынағ иртчеткен кізі часкалығ. Ол сынағларны турыстығ иртіп алза, Худай Позына хынғаннарға сыйиин – молҷаан чуртасты пирер.

Иаковтың 1:12 Referans Kwoze

1 Петрның 5:10

Сірерге ӧң-пазы паарсазын пирчеткен Худай Христостың пастыра сірерні тӱгенмес сабланысха хығыртхан. Сірер ирееленісті тӱрче ле кӧрерзер, че Худай Позы сірерні пик ит салар, кӱстеріңні хатап киріп, сірерні сыдамах ит салар.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Иаковтың 5:11

Тыстаныста пик тудынғаннарны піс часкалығ тіп санапчабыс. Сірер Иовтың хайди тыстанғанын паза Хан Худай анзын хайди тоосханын пілчезер. Хан Худай айаачы паза нымзах паарлығ нооза.

Римдегілерге 8:28

Піс, тізең, пілчебіс, Худайға хынчатханнарға паза Аның кӧңні хоостыра хығыртылғаннарға прай ниме чахсаа иділче.

Матфей 10:22

Миннең ӱчӱн сірерні прайзы хырт кӧрер, халғанҷызына теере сыдасхан кізі ле арачылалар.

1 Коринфтегілерге 9:25

Марығда араласчатхан ноо даа кізі, пу чирдегі сыйыхты утып алар ӱчӱн, матап тимненче. Піс алар сыйых, тізең, мӧгі сыйых полча.

1 Петрның 3:14

Че сын нименің ӱчӱн ирее кӧрчетсеңер, сірер часкалығзар. Олар хорыхчатхан нимедең хорыхпаңар паза сағыссырабаңар.

2 Тимофейге 4:8

Амды мағаа, орта чуртааным ӱчӱн, пу кӱнде Хан-пигібіс, сын Чарғыҷы, пирер сый тимнелче, мағаа ла нимес, че Аның килеріне хынчатханнарға прайзына даа.

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

1 Петрның 5:4

Ӧӧн хадағҷы килзе, сірерге тӱгенмес сабланыстың сыйии пирілер.

1 Коринфтегілерге 2:9

Пазылых нооза: «Худай Позына хынчатханнарға ниме тимнеп салған, аны кізі хараа кӧрбеен, хулаа испеен, кізі чӱрее дее пілбеен».

Азых чоох 3:21

Чиңіс тутхан кізее ӱлгӱ сіреемде Позымнаң хада одырар оңдай пирербін, Мин дее іди, чиңіс тудып, Пабамнаң хада Аның ӱлгӱ сіреезіне одырғам.

1 Петрның 4:13

Христостың ирееленістерінде араласчатханнарыңа ӧрініңер. Ол Позының сабланызында килзе, сірер ӧрінерзер, сірернің чӱрееңер ӧрлир.

1 Коринфтегілерге 8:3

Че кем Худайға хынча, ағаа Аннаң піліс пирілче.

Азых чоох 3:19

Кемге Мин хынчам, аны, пырозын ілезіне сығарып, хатығлапчам. Аннаңар, кӱстеніп, пыросыныңар.

Еврейлерге 10:32

Алындағы тусты сағысха киріңер. Худай чарии сірерге урыл парғанда, сірер, ирее кӧп тее кӧрген ползар, уттырбаазар.

Еврейлерге 6:15

Авраам, тыстанаачызы ӱчӱн, Худай молҷаан нимее читкен.

Матфей 25:34

Анаң хан Позынаң оң сариндағыларға чоохтанар: «Минің Пабам алғааннары, киліңер, чир чайалғаннаң сығара сірерге тимнелген хан-чирін алыңар.

Еврейлерге 11:17

Авраам Худайға киртінген. Худай, аны сыныхтап, Исаак оолғын тайыға салдыртханда, Авраам Аның чооғын толдырарға тимде полған. Худай Авраамға кӧп тӧл молҷаан, Авраам, тізең, чалғыс оолғын даа тайыға саларға тимде полған.

1 Иоанның 4:19

Пурун Худай піске хынған, аннаңар піс тее Ағаа хынчабыс.

Еврейлерге 12:5

Алай Худай сірерні, Позының оолларын чіли, часхарғанын ундут салғазар ба? «Оолғым, Хан Худайның тӱзеткеніне хайбин полба, Ол сині хатығлапчатса, кӧңніңні тӱзірбе.

Лука 6:22

Часкалығзар сірер, хаҷан кізілер сірерні Кізі Оолғы ӱчӱн пу харахнаң кӧрбинчетселер, сӱрчетселер, сӧклепчетселер, сірернің адыңарны хомайлапчатсалар.

Римдегілерге 5:4

Тыстанып, піс сынағ иртчебіс. Сынағдаң, тізең, ізеніс тӧріпче.

2 Тимофейге 2:15

Худайның алнында уйадар нимезі чох, сынның сӧзіне орта ӱгретчеткен турыстығ полысчы полар ӱчӱн, прай кӱзің салын.

1 Петрның 4:14

Сірерні Христостың адының ӱчӱн сӧклепчетселер, сірер часкалығзар: сабланыстың Худы, Худайның Худы сірерге тӱскен нооза. Тігілер аны хырысчалар, сірер, тізең, саблапчазар.