Филипптегілерге 3:8 - Наа Молҷағ

^8-9 Христос Иисусты, Хан-пигімні, пілері артых полар тіп санап, прай пасха нимені тик тіп паалапчам. Христосты алынып алар ӱчӱн паза Моисей Чахиин толдырғаным хоостыра нимес, че Христосха киртініс пастыра килчеткен паза Худайдаң киртініс хоостыра пирілчеткен ахтаныс алар ӱчӱн, тооза нимені хыйа иткем паза прай нимені похсахха санапчам.

Филипптегілерге 3:8 Referans Kwoze

Римдегілерге 8:18

Пістің пӱӱнгі ирееленістерібіс піске килер сабланыстың хыринда пір дее нимее турбинчалар тіп санапчам.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

Филипптегілерге 3:7

Че Христостың сылтаанда мині кӧдірчеткен ол нимені тик нимее санаам.

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

Филипптегілерге 3:10

Ана іди Иисусты паза Аны тірілдірген кӱсті пілерім. Аның ирееленістерінде хада аралазып, Олох чіли ӧл парарым.

2 Петрның 1:3

Худай Позының илбек кӱзінең піске чуртасха паза Аны улуғлирына прай ниме пирді. Ол нимені піс, Худайны ханҷа артых пілзебіс, анҷох кӧп алчабыс. Ол пісті Позының сабланызын паза чахсызын ӱлезіп аларға хығыртхан нооза.

1 Коринфтегілерге 2:2

Сірернің араңарда Иисус Христостың, ағаа хоза хазатыртхан Иисус Христостың пасхазын ундудыбызарға чарат салғам нооза.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.

Иоанн 14:20

Сах ол кӱн, Мин Пабамда, сірер Минде, Мин дее сірерде полчатханымны піліп аларзар.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

Иоанн 14:7

Мині пілген ползаңар, Пабамны даа пілерҷіксер. Амды сірер Аны пілчезер дее, кӧрчезер дее. –

Ефестегілерге 4:13

Пу оңдайнаң, Худай Оолғына киртінерінде паза Аны піліп аларында піс прайзыбыс хада пір сағысха чидіп аларға кирекпіс. Андада, Христостың поғда тузына чидіп, тигіриб улуғ кізі синіне чит парар.

2 Петрның 3:18

Хан-пигібіс паза Арачылағҷыбыс полчатхан Иисус Христостың паарсазы паза Аны пілері сірерге хозылзын. Ағаа сағам даа паза хаҷан даа сабланыс ползын. Аминь.

1 Иоанның 1:3

Піснең пір палғалыстығ поларларың ӱчӱн, сірерге позыбыстың кӧрген, искен нимелерібістеңер искірчебіс. Піснең палғалысханы, тізең, Пабанаң паза Аның Оолғы Иисус Христоснаң палғалысханы полча.

2 Тимофейге 4:6

Минің толығ поларым чидіп одыр, минің ӧлер тузым чағдап килді.

Иоанн 20:28

Хан-пигім паза Худайым минің! – нандырған Фома. –

Иоанн 16:3

Олар, Пабамны даа, Мині дее пілбееннеңер, іди идерлер.

1 Иоанның 2:19

Олар пістің арабыстаң сыхханнар, че пістің киртінгенібіс чіли киртінмин, пісти полбааннар. Пісти полған ползалар, піснең хада халарҷыхтар. Че оларның пістең хыйа парыбысханы пісти нимес полчатханын кӧзітті.

1 Петрның 2:7

Сірерге, киртінчеткен кізілерге, ол аарлығ ниме полча. Киртінминчеткеннерге, тізең, ол пӱдірігҷілер хыйа ал тастаан тас. Че ол ӧӧн тас пол парды. Киртінминчеткен кізілерге ол харылҷаң ниме, кізі аңдарылҷаң хайа тас.

Галат чиріндегілерге 1:16

минде Позының Оолғын асхан. Ол анзын Худайы чохтарның аразында мин Иисус Христостаңар ӱгредерім ӱчӱн иткен. Мин кізілернең чӧптеспеем.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

1 Коринфтегілерге 9:10

Алай ол піске чоохталчатханы полған полбаҷаң ма? Піске пазылых полчатпас па: кем хыра тартча паза кем ас саапча, сағыпчатхан салтарын аларына ізенерге кирек.

Иоанн 20:13

Син ноға ылғапчазың? – сурғаннар аннаң ангеллер. – Минің Хан-пигімні апарыбысханнар, Аны хайдар салғаннарын пілбинчем, – нандырған Мария.

Лука 11:20

Мин айналарны Худай пирген кӱснең сығара сӱрчетсем, анзы Худай хан-ӱлгӱзінің сірерзер чит килгені полча.

Лука 1:43

Хайди полдым мин, ноға Хан-пигімнің іҷезі минзер килді?

Римдегілерге 8:39

пӧзии, тирии пісті Худайның хынызынаң чар полбастар. Пір дее чайалған ниме Иисус Христос Хан-пигібістің пастыра пирілчеткен Худайның хынызынаң пісті чар полбас.

Филипптегілерге 1:1

Піс, Павелнең Тимофей, Иисус Христостың хуллары, Филипп саардағы тигіриб устағҷыларынаң паза хабасчыларынаң хада Христос Иисусха киртінчеткен прай ах-арығларға пасчабыс.

Филипптегілерге 3:12

Мин анзына читкенімнеңер алай толдыра кізі пол парғанымнаңар іди тібинчем. Че мин дее, арса, Христос Иисус мағаа читкен чіли, Ағаа чидерімӧк.

2 Петрның 1:2

Худайның паарсазы паза амыры сірерде кӧптелзін. Худайны паза Хан-пигібіс Иисус Христосты улам чахсы піліп одырзар, анзы толар.

2 Петрның 1:8

Прай пу ниме сірерде пар полза, ол кӧптеліп одырза, сірер Хан-пигібіс Иисус Христосты пілерінде тӱзімніг паза маңнаныстығ поларзар.