Филипптегілерге 2:3 - Наа Молҷағ

³ Тартызып, кӧкеесімненіп, пір дее ниме итпеңер, че пазымнығ полып, пасхаларын постарыңнаң пӧзік санаңар.

Филипптегілерге 2:3 Referans Kwoze

Римдегілерге 12:10

Удур-тӧдір паарсазып, харындастар чіли, хынызыңар. Улуғлазарында пірсі пірсінең пуруннирға кӱстеніңер.

Галат чиріндегілерге 5:26

Кӧдірілҷек полбаалар, істі тарланыспаалар, удур-тӧдір атархаспаалар.

Ефестегілерге 5:21

Худайны улуғлап, удур-тӧдір чоох истіс турыңар.

Ефестегілерге 4:2

Постарыңны пазымнығ паза нымзах тудыныңар, тоозылбас тыстаныстығ полыңар. Удур-тӧдір, хыртыстаныспин, хыныс турыңар.

1 Петрның 5:5

Сірер дее, чииттер, улуғларның чооғын исчедіңер. Удур-тӧдір пазымнығ хайызыңар. Худай кӧкеесімнердең тоғыр кӱресче, пазымнығларға, тізең, паарсазын читірче.

Филипптегілерге 2:14

Ноо даа нимені кібіренмин паза ікінҷілебин ит турыңар.

Галат чиріндегілерге 5:15

Кӧріңер, удур-тӧдір киміріспеңер, чииспеңер, пос постарыңны чох ит салҷаң полбаңар.

1 Тимофейге 6:4

ол кізі улуғзырхос паза пір дее ниме пілбинче. Ол атархас, ыырлас, сӧклес, чігленіс тӧрітчеткен тик таласха паза тартыстарға салынча.

Лука 18:14

Тіпчем сірерге, мынзы, тігізінің хыринда артых ахтағлығ нанған. Позы позын кӧдірчеткен кізінің полғаны ла чабыс пастыртар, че позын чабыс тудынчатхан кізі ӧӧр кӧдірілер.

Колоссадағыларға 3:8

Амды прай пу нимені хыйа идіңер: ӧкпеленісті, хазырланысты, чабалланысты, хырызынысты, ээн-аастанысты.

2 Коринфтегілерге 12:20

Мин нимедең хорыхчам? Сірерзер килзем, минің кӧңніме кірбес кізілер пол парарларыңнаң хорыхчам. Минің дее тудынғаным сірернің кӧңнілеріңе кірбин парҷаң полбазын. Мин сірерге тоғассам, тартыстарны, істі чохтанысты, ӧкпеленісті, посха ла хынғанын, сӧклесчеткенін, чой чоохтар таратханын, кӧкеесімненісті, ай-пораан полчатханын кӧрерім килбинче.

1 Коринфтегілерге 3:3

сірер пос кӧңнінҷе чуртапчазар нооза. Сірернің араңарда істі чохтаныс, таластар пол парчатханда, піліс полбинчатханнарыңда, пу чирдегілер нимессер бе сірер? Кізі чозахтарынҷа полчатхан нимессер бе?

1 Коринфтегілерге 15:9

Мин илҷілернің иң кічиибін, илҷі тіп адаларға даа турыстығ нимеспін. Мин Худай тигірибін сӱргем нооза.

Римдегілерге 13:13

Кӱн чариинда чіли иптіг чуртаалар: кӱлет саппин, араға іспин, хыҷыхха, сайбахха салынмин, тартыспин, істі чохтаныспин.

Римдегілерге 2:8

Постарын кӧдірчеткен паза сынның ӱлгӱзіне кірбинчеткен, че постарын чойға салынчатхан кізілерге Худайның хазырланызы паза ӧкпезі чидер.

Колоссадағыларға 3:12

Аннаңар, Худайның таллаан чоны чіли, ах-арығлар паза хыныстығлар чіли, килістіре тонаныбызыңар: кізее айаачы, чағбан хылыхтығ, пазымнығ, нымзах, тоозылбас тыстаныстығ пол парыңар.

1 Петрның 3:8

Ол оңдайнаң сірер прайларың пір сағыстығ, кізее ачынаачы, харындас-пиҷее хынаачы, паарсах, чалахай, пазымнығ поларға кирексер.