Филипптегілерге 2:16 - Наа Молҷағ

¹⁶ Сірерге чуртас пирчеткен сӧске тудыныңар. Андада Христос килер кӱнде махтадарым, минің кӱрескенім паза аар тоғынғаным тик полбас.

Филипптегілерге 2:16 Referans Kwoze

1 Коринфтегілерге 9:26

Мин пӧгін чох чіли чӱгӱрбинчем, холларым тик пулахтатпин кӱресчем.

Галат чиріндегілерге 2:2

Худайдаң азылғаны хоостыра чол сыххам. Мин Худайы чохтарның аразында чарлаан Чахсы Хабардаңар мындағы тигірибге искіріг иткем. Тигірибнің улуғларына, тізең, ӧнетін искіріг иткем. Алында даа, сағам даа кӱзім тик салбинчам ма тіп пілерім килген.

1 Иоанның 1:1

Чуртас пирчеткен Сӧстеңер сірерге пасчабыс. Ол чир чайалғалахтох пар полған, піс, тізең, Аны искебіс, харахтарыбыснаң кӧргебіс, кӧрглеп, холларыбыснаң теңебіс.

2 Коринфтегілерге 1:14

Амды сірер ханҷа-да оңарчазар: Хан-пигібіс Иисус Христос килер кӱнде піс сірернің махтааңар поларбыс, сірер, тізең, – пістің.

Иоанн 6:68

Симон-Пётр Ағаа нандырған: – Хан-пигібіс! Піс кемзер парарбыс? Синде мӧгі чуртас пирчеткен сӧстер пар.

1 Фессалониктегілерге 3:5

Аннаңар, паза сағба чохта, мин дее, сыдаспин, киртіністерің пик пе тіп, пілерге ыстым. Пик полбаза, сайтан сірерні хыҷаландыр салза, пістің иткен тоғызыбыс тик парар.

Иоанн 6:63

Худай Худы ла чуртасты пирче, мында кізінің кӱзі чоғыл. Минің чоохтапчатхан сӧзім чуртас пирчеткен Худайның Худы полча.

Лука 12:8

Тіпчем сірерге, кем чонның алнында Миннең хада полчатханын кӧзітче, Кізі Оолғы даа ол кізінең хада полчатханын Худай ангеллерінің алнында кӧзідер.

Еврейлерге 4:12

Худайның сӧзі тіріг паза позының тоғызын ит парча. Ол ікі сари чітіділген хылыстаң даа чітіг. Ол, тирең ӧтіп, кізінің тынын худынаң, сӧӧктерін, тізең, чіліңнерінең чар полар. Ол туйух сағыстарны даа, чӱректің чазыт хынығыстарын даа чарғылапча.

1 Петрның 1:23

Сірерге чызып парчатхан ӱрен нимес, мӧгі ӱрен чуртасты пирген. Ол ӱрен Худайның тӱгенмес тіріг сӧзі полча.

1 Фессалониктегілерге 2:19

Сірернің ӱчӱн нимес пе, пістің ізеніс, ӧрініс пар паза Иисус Христос килген туста, Аның алнында Чахсы Хабарның чиңізінең махтанар оңдай пар?

Галат чиріндегілерге 4:11

Арса, сірернің ӱчӱн тикке ле тоғынғам тіп, сірердеңер сағыссырапчам.

Азых чоох 22:17

Худай Худы паза ирге парчатхан хыс тіпчелер: – Кил! Мыны искен кізі, ідӧк тізін: – Кил! Сухсапчатхан кізі килзін. Ізері килчеткен кізі чуртас пирчеткен суғны тикке алзын!

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Матфей 10:27

Мин харасхыда сірерге чоохтапчатхан нимені кӱн чариинда искіріңер, хулахха сыбыхтапчатхан нимені тура хырларынаң ӱгредіңер.

1 Коринфтегілерге 1:8

Хан-пигібіс Иисус Христостың кӱнінде сірер пыро чох полар ӱчӱн, Ол сірерні тӱгенҷізіне теере пик турғыс салар.

Филипптегілерге 1:6

Чахсы киректі сірерде пастаан Худай анзын Христос Иисустың килер кӱніне читіре ит салар тіп киртінчем.

Филипптегілерге 1:10

Андада сірер, постарыңа иң артыхты таллап, Христос килер кӱнде арығ паза пір пыро чох поларзар.